達叔:「大師,我地依家咁既環境,乜你仲覺得我地會有野接受唔倒咩?」
 
大師指住靚妹:「唔係你地,係佢。」靚妹粒聲都冇出,只係眼定定咁望住大師。
 
皮蛋王:「阿大師,你唔好玩9我地啦,有屎你就疴,有屁你就放啦,呢度好撚隨便架咋。唔好講講下又唔講個隻好唔好?直接D,簡單D得架啦唔該!」
 
大師點點頭:「係種鬼胎。」
 
皮蛋王:「種鬼胎?即係點?」
 


大師:「種鬼胎咪就係種鬼胎,又係你話直接D。」
 
肥媽:「大師,直接得黎你都要我地明至得架!」
 
大師:「嗱,錢我就唔收你地啦,你拎返去先。既然我地有緣,就當係種善因。不過頭先你話我可以成世黎呢度任食,唔好賴數呀。」大師拎返D陰司紙出黎比皮蛋王,皮蛋王又以為係港紙,連埋Carmen個D仲多過自己拎出黎既,好撚開心咁袋埋佢。
 
達叔:「放心啦!皮蛋王份人最撚講口齒。」
 
大師:「係咪咩餐咩包都得先?我頭先淨係聽倒佢話漢寶飽咋喎。」
 


皮蛋王:「唔係,乜撚都包你呀,得未呀?斤斤計較。」
 
達叔:「大師,咁到底乜野係種鬼胎?」
 
大師:「攪你地既係兩母子。」
 
皮蛋王:「大師你真係好撚勁!」睇黎皮蛋王真係乜都冇同大師講過就呃9人返黎幫手。呢個白加士街紫雲大師,原來係有料之人。
 
大師:「最主要係個女既,佢怨念好重,生前應該都係D少少野都放唔低既人,可能重係有潔癖個種,而死個時又係鬱鬱而終,先至會變成厲鬼。」
 


達叔:「唔怪之得啦!皮蛋你記唔記得你個晚座爆屎塔呀?人地有潔癖架,咪纏撚住我地囉。」
 
皮蛋王:「你都痴撚線!疴屎都唔撚得,你估呢度新加坡呀?咦?條女會唔會係坡妹黎呀?正喎⋯⋯」
 
大師清清喉嚨:「講返種鬼胎先。佢兩母子未投胎。如果我地幫佢個仔投胎落靚妹個肚到,虎毒不吃兒,就可保母子平安。」
 
Carmen:「咁⋯⋯咁佢重係咪靚妹個仔?定係個女鬼個仔?」
 
靚妹:「咁樣⋯⋯好恐怖呀!」
 
大師搖搖頭:「你我前世又係邊個個仔個女呢?投胎之前,飲過孟婆茶,就係一張白紙,到時佢咪係你個仔。」
 
皮蛋王:「咁如果個細路唔肯飲呢?」
 
大師:「喂,大佬呀,呢D係下面規矩黎架,冇得話想唔想飲架。不過事實真係有好多特殊情況,係個細路會記得前世既事。但係佢始終係你個仔,呢樣唔會變既。」


 
個個望住靚妹,睇佢點諗。靚妹似乎一時間揸唔定主意,接受唔倒咁。
 
肥媽:「不如我地問下Bobby。」
 
Carmen:「Bobby都唔係度,點問喎?」
 
肥媽:「你唔記得我問米既咩?」