我地等左幾個鐘頭,等太陽落山,肥媽話日光日白好難請鬼上身。出面班學生哥由朝早睇到我地依家,有幾個重忍唔住走埋入黎見工,皮蛋王就即場同佢地interview重請埋,講明要送深夜撞鬼外賣,班學生哥聽倒不知幾興奮,重話會上高登post出黎。
 
就快7點,天都已經黑晒。肥媽擺好左個陣,點晒香,班學生哥睇到大叫過引,話麥記搵埋麥當奴叔叔出黎問米都係第一次見。
 
肥媽開始前再三叮囑我地:「如果一陣我有D乜野唔對路,記得一巴車埋黎車醒我呀!唔係我可能畀佢拖埋落去架!」講完之後,佢就開始左個招魂儀式。
 
只見肥媽成個人震晒,雙眼反白,塊面由紅轉青,雙手不斷拍枱,陰聲細氣咁:「Bobby仔⋯⋯你喺邊呀?」
 
我地成班幾乎氣都唔敢抖,驚會嚇走Bobby。紫雲大師竟然喺呢個時候自己去廚房攞左個豬柳蛋漢寶同齋啡出黎食,點知皮蛋王要收返佢錢,話未成事數要照計,紫雲大師面撚黑黑咁比返錢佢,仲問佢齋啡係咪任飲,皮蛋王話早餐就係,依家要逐杯計。
 


見到肥媽面都青埋,唔知係度up乜春,忽然成個身震左一震,睜開雙眼,大叫:「皮蛋王你個冚家富貴!」
 
皮蛋王:「我屌你呀,你邊撚個呀你?」
 
肥媽:「花柳強呀冚家產!」
 
花柳強係皮蛋王D骨友黎,早排先至花柳菌入血過左身。
 
皮蛋王:「喂,我地唔撚係搵你呀,你過主啦!」
 


花柳強:「咩呀!上撚左黎又話唔係搵我,你玩野呀?信唔信我捉撚埋你落去?」
 
皮蛋王塞左D陰司紙埋去比佢:「係啦係啦,最撚猛就係你,當我唔著,你攞D錢落去叫雞啦,唔撚好阻住我地做正經野!」之後一巴車埋肥媽塊面度,打到佢鼻血都流埋。
 
肥媽震左一震,好似醒返,捽住個鼻:「嘩,仲流鼻血添,緊係熱氣頂。點呀?Bobby上左黎未呀?」
 
達叔:「花柳強就上左黎,仲揸左你個波兩下,好在皮蛋王叫醒你,唔係佢強姦埋你都似。」
 
肥媽:「該煨⋯⋯咁你就唔好咁快叫醒我啦⋯⋯或者太耐冇請鬼上黎,生疏左攪錯晒,再黎過!」講完又再咪埋眼口up up。
 


Up左兩up,佢又爭開雙眼:「達仔!達仔!」
 
達叔:「媽媽?係咪你呀媽媽?我好掛住你呀!」
 
肥媽:「達仔你叫我上黎做乜呀?我同人拍緊拖呀!」
 
達叔:「媽媽你同邊個拍拖呀?老豆呢?」
 
肥媽:「你老豆投左胎啦,我見悶悶地咪搵個人陪下囉!」
 
達叔:「哦,但係媽媽你唔好蝕底比佢呀!守住你D貞操呀!」
 
肥媽:「達仔乜你重古板過我架!你學下你前面個一男一女啦,話做就做,咁至係人生!」
 
達叔:「媽媽你賣埋保險呀?」


 
肥媽都未開聲,皮蛋王一聲「淫婦」,又一巴車埋去,打到肥媽牙都飛撚埋出黎:「嘩!皮蛋王又係你,你又做乜呀?好撚痛⋯⋯」
 
皮蛋王:「頭先亞達亞媽上黎,佢係下面勾佬呀,亞達重駛見人既?咪一巴車埋去打醒佢囉!駛撚同佢客氣呀!」
 
肥媽:「得啦得啦,即係Bobby未上黎啦!喂啦下次唔撚駛你叫我呀!」之後肥媽第三次請鬼上身。
 
佢忽然掙開眼:「屌你老母!你知唔知我差少少就做撚左超人個孫仔?邊撚個仆街叫我上黎?」
 
達叔:「你係⋯⋯」
 
皮蛋王:「一聽就知啦!」
 
肥媽:「Bobby呀屌你!」
 


Carmen:「Bobby唔會講粗口架!」
 
皮蛋王:「係佢黎啦,佢平時係公司就係咁架啦,得你以為佢好撚乖,條撚樣客都照屌架。」
 
Bobby:「喔,家姐,你都係度呀?」
 
Carmen:「Bobby我叫左你幾多次唔好講粗口呀?」
 
Bobby:「家姐,唔係呀,我頭先就黎投胎架啦,超人個孫黎架!機會難逢呀!行運架啦我!好彩死撚左先有咁既機會!喂,你地搵我做乜春呀?」
 
達叔:「你老婆同個仔有事呀,咁你想去投胎定係度幫手先?」
 
Bobby:「靚妹?靚妹乜野事呀?」
 
Carmen:「佢⋯⋯佢可能過唔倒今晚,輪到佢啦。」


 
Bobby:「你地重未搵倒13A?」
 
我:「今晚我會同達叔去搵,不過驚靚妹等唔到。」
 
達叔將成件事話比Bobby知。
 
Carmen:「皮蛋王搵左位紫雲大師返黎,話有辦法可以保住佢母子條命,不過要種鬼胎,即係安排女鬼個仔投胎入靚妹到,靚妹揸唔倒主意,又好驚,所以先至叫你上黎,想問下你意見。」
 
Bobby:「有乜方法都唔緊要,最緊要條命。種啦,我贊成種!」
 
靚妹:「好似好恐怖咁喎⋯⋯」
 
Bobby:「靚妹,唔駛怕,我都要去投胎,到時咪又係變左人地個仔?你驚係因為你知道佢係鬼仔,其實成件事就係咁,投胎輪廻,規律黎架。」
 


靚妹:「咁⋯⋯不如你投胎入黎我度啦,有D親切感。」
 
Bobby:「吓⋯⋯我通常都係篤入去,唔慣喺你下面出返黎喎⋯⋯而且家陣係有鬼要攪你,呢個方法係保你平安呀。」
 
大師:「Bobby你好,我係紫雲大師。要順利幫個鬼仔投胎,都重要你幫忙。」
 
Bobby:「點幫?唔駛講野我一定做!」
 
大師:「今晚帶個鬼仔黎呢度。」