呢一刻我直頭發晒茅,衝入每一間水療房去搵Carmen,一路搵我D眼淚一路起勢流,甚至床下底、廁所我都搵過晒,都搵唔到。
 
「Carmen,你係邊?」我都唔知自己嗌左呢句說話幾多次。
 
我出返廳,坐左喺張疏化度,仲係控制唔到D眼淚係咁流出黎。我暗戀左Carmen咁耐,淨係上左佢一次,都未同佢談過情說過愛。我唔想失去佢,個腦不斷重覆呢幾日所發生既事,希望可以搵到線索。
 
皮蛋王:「呢次真係仆街!睇黎以後都唔撚駛黎呢度玩!」
 
肥媽:「依家Carmen唔見左呀,你仲講埋D咁既野。」
 


皮蛋王:「屌你估我想架?原本都係諗住有個照應先同佢一齊黎,點撚知⋯⋯。」
 
Connie媽:「唉,皮蛋王,今次真係比你累撚死!咪嘞,你都係找清呢個月條數先,費事你一陣好似個妹妹咁唔撚見埋我就真係血本無歸。」
 
皮蛋王:「屌你咩Connie媽!依家係你度唔見左個人呀!都未撚叫你負責,你仲叫我找數?嗱,有差佬係度架,香港仲有皇法架!」
 
Connie媽:「香港緊係有皇法啦,皇法咪係叫你D撚樣食野要比錢,爭人錢要還錢!」
 
禿鷹始終係老差骨:「Connie媽,你呢度有冇CCTV?」
 


Connie媽:「有呀!成間水療每個角落都影到呀!」
 
皮蛋王:「吓?咁平時咪即係真人show?喂,咁係嚴重地侵犯我私隱喎!我可以同你收番錢嗰喎!」
 
Connie媽:「你收皮啦,得9閒睇你咩,貪你身材好呀?打直企喺度你連自己條賓周都見唔倒啦!」
 
皮蛋王:「屌你丫,平時成日話我成個米高德格拉斯咁,依家反轉豬肚?」
 
禿鷹:「喂,你地唔好嘈,我地睇片先!」
 


冇錯,又係睇片!
 
Connie媽播返岩岩呢個鐘頭既片出黎,電視上面影到,倪君子的確係攬左兩個囡囡入房,而Carmen係自己一個走入房,而佢入房既時候,係畫面上面見到,佢好似有D目定口呆,神智不清咁樣。
 
跟住播既係Coffee幫我打飛機既片段,佢由硬吹到軟,又由軟吹到硬,吹左幾次都攪唔掂,後尾重屌左我細佬幾句,皮蛋、長毛佢地猛話正,倪君子睇到鼻血都流埋。相反,我自己呢個時候一D感覺都冇,因為我淨係想知道Carmen去左邊,更何況都唔係第一次比人睇晒。
 
而其他人都係正正經經咁做緊part 1按摩。
 
好快播到Carmen間房。
 
房門打開,見到入黎既竟然唔係Carmen,係一個穿白色長衫既長髮女人。佢垂低個頭,我地都見唔到佢個樣。不過,其實我同達叔都見過佢⋯⋯。
 
佢慢慢抬起頭,見到佢滿面被刀片劃過既血痕。佢抬起個頭之後,望住個CCTV,郁都唔郁咁企左係度,好似係望住我地。點解我話係好似望住我地?因為我其實都唔知佢望緊邊度,佢都冇眼珠⋯⋯。
 
佢同我地足足『對望』左成分鐘,之後個畫面就花晒,乜都拍唔倒。


 
皮蛋王、長毛、禿鷹同肥媽佢地都未見過呢隻女鬼,見到個陣個個嚇到標晒冷汗,我同達叔雖然見過,但咁比佢望住咁耐,個心都重係有D寒。
 
倪君子:「係⋯⋯亞霞。」
 
長毛:「喂,老野,係真唔係呀?冇眼珠你都認得?」
 
皮蛋王:「屌,識得佢緊係冇眼珠啦,有眼無珠丫嘛!」
 
我忽然間諗到D野。
 
我同達叔兩個,上完十三樓,冇穿冇爛咁落返黎,可能因為咁Bobby先會叫我地兩上去十。而我地上到去,見到佢一家死既情況,我覺得可能係一個訊息,特登話比我地知一D野,所以我地先至唔駛死。但究竟係乜野,我唔知,總之直覺話比我知,我要再去十三街13A個單位,我覺得會喺嗰度搵到Carmen!
 
依家距離夜晚12點重有半個鐘,所有既連鎖死亡,都係發生喺12點之後,所以我只有呢半個鐘頭可以救到Carmen,過左呢半個鐘,我相信,我已後都再見唔到佢⋯⋯。