我聽完蒼井空講有關Carmen叫外賣既事,個心真係沉得好緊要。如果呢件事係真既話,即係呢次連鎖死亡並未真正完結,只不過唔再發生喺我地幾個身上。
 
我一邊諗一邊去搭電梯,唔覺唔覺得左去一個幾陌生既電梯口,上黎個陣好似唔係咁,不過我都冇理咁多,都係搭電梯。
 
等等下電梯,隔離多左個人等,係個幾靚女既醫生,我望住佢,硬係覺得佢有少少Jeana既影子,佢知道我望住佢之後,好似有少少怕羞咁,垂低左個頭,咀角又似有小小微笑。
 
唔知點解等極架電梯都未到,攪到我地兩個都好似唔係好自在,點知係女醫生首先開口講野:「你⋯⋯黎探病?」
 
我:「係呀,醫生你開工呀?」
 


女醫生點點頭:「係,不過岩岩收工啦,要落返去啦。」
 
電梯門打開,我地兩個一齊入電梯,唔覺意碰到佢膊頭,感覺到佢都幾凍,唔知點解醫院硬係要開到D冷氣咁凍。
 
入電梯之後,我按G,佢按UG5,即係比地下仲低5層。咦,乜醫院地下仲有咁多層?佢望住我笑左笑,好似知我眼金金咁望住佢,攪到我連到G都唔記得出電梯,陪埋佢直落UG5。
 
電梯去到UG4開左門,門口有個著住麥麥送制服既後生仔喺度等緊,但係女醫生問都冇問就好急咁按關門掣,個後生仔就喺門口度On99咁入唔到電梯。
 
一直我都唔敢問,等電梯去到UG5,個女醫生先同我講:「知唔知我點解唔比個男仔入電梯?」
 


我:「唔知呀!」
 
女醫生:「你有冇睇見佢隻手有條紅色bar code手帶?」
 
我諗諗下又好似係:「咁又點呀?」
 
女醫生:「UG4係殮房,我地醫院會將殮房入面既屍體編碼,再為佢地每人都帶上一條紅色既bar code手帶喺左手上面⋯⋯」
 
咁頭先條友⋯⋯麥麥送⋯⋯唔通佢就係Carmen叫麥麥送,送外賣黎嗰個外賣仔?即係⋯⋯識行既屍體?
 


女醫生:「頭先個男仔,係我早兩日同佢驗屍既。」佢講到好似好輕鬆咁。
 
女醫生:「一陣你搭返電梯上去嗰陣,記得有紅色bar code手帶既唔好比佢入電梯,知嘛!拜拜!」
 
佢揮手同我講再見,但係我見到⋯⋯佢隻左手有條紅色bar code手帶喺度!
 
佢臨走仲問我幾號電話,我求其比撚左皮蛋王個手機號碼佢,就拿拿聲關門走人。好在部電梯都算聽聽話話,一路再冇乜野紅色手帶人走入黎。
 
唔知點解,我覺得今次我覺得仲比上次兇猛。
 
行到出外面,我睇見電話亭入面,Carmen喺入面打緊電話,唔通蒼井空講既野喺真既?