喺蘿蘭姐部55吋4K Smart TV入面,好清楚見到每一間房同走廊既情況,我地成班圍住睇,錄影時間係半夜一點左右,見到佢地四個攬住咁喺走廊行入房,係四個人一間房,即係4P⋯⋯!傳說中既4P!
 
一開場達叔已經流緊鼻血;華Dee就搵定紙巾,睇黎佢會當眾打飛機;皮蛋王即刻問蘿蘭姐話想dup一套返屋企睇;亞粒對呢D好似毫無反應,佢女友超儀就自己有自己睇;Cecilia面都紅晒,搵手遮住塊面唔敢睇,但又係手指『la』到裝裝下;豬西同肥媽兩件肉騰騰推開我地話要坐正中間睇。
 
見到佢地入到房,兩男兩女四條肉蟲就一齊入左沖涼房沖涼,喺入面已經鬼殺咁嘈,沖完涼出黎,呢兩pair人就喺床上面⋯⋯過程真係⋯⋯。呢度仲收埋音,佢地大大聲咁叫,我地呢邊就大大聲咁回應。咁大個仔都未試過成班人一齊睇AV,原來且同睇波一樣咁爽,再加埋有個90後既靚女怕怕羞羞咁一齊睇,大大咁加強我地呢班狗公既幻想空間。
 
達叔抹住鼻血:「D 90後真係⋯⋯真係後生可畏!」
 
華Dee:「屌丫,比嗰兩條撚樣食到好野⋯⋯!」
 


皮蛋王:「屌你地咪大驚小怪啦,我平時仲撚犀利呀!蘿蘭姐可!」講完肥媽眼甘甘咁望住皮蛋王,蘿蘭姐都費9事彩佢。
 
去到呢一part,我忍唔住細細聲叫皮蛋王幫我同蘿蘭姐講dup多兩隻比我,我話我唔係貪心,係驚隻碟會壞,結果比佢地聽到,人人都話要,最後連Cecilia都攞左一隻返屋企。
 
總之黎黎去去都係嗰D野,唔寫咁多⋯⋯自己幻想下!
 
佢地完事之後,佢地攞碌神棍出黎玩自拍,唔知有冇upload埋上facebook。後尾見到Edison喺攞左4張優惠券出黎,打電話去叫外賣,攪完野食麥記真係第一次見⋯⋯。條撚樣仲想叫開心樂園餐加大要埋可樂杯,首先開心樂園餐係冇得加大,而且優惠券上面都冇呢個餐,呢個餐係比天真無邪既細路仔食,玩完4P都想食真係低撚佢死!
 
麥麥送既效率都真係幾快,過左冇耐就送黎,成個過程都冇乜特別,佢地開門、收貨、比錢、關門,一D野都冇發生過,淨係開門嗰下個畫面花花地。
 


不過就喺2:59:59分嗰陣,屋入面既人忽然間唔見晒。
 
皮蛋王:「喂,屌你咩蘿蘭姐,我都話要睇真片呀!你真係唔撚信我會唱9你咁喎!」
 
蘿蘭姐:「呢條片真架屌你,比D耐性睇埋佢先啦!」
 
我地一路睇住間無人既房,除左枱面上面既麥記外賣,同床上面既穢漬之外,一路都係無任何有人既蹟像,咁既畫面足足維持左成10分鐘。我地個個都睇到打晒喊露,達叔即頭瞓著左。
 
禿鷹:「蘿蘭姐,你明玩野啦!」
 


蘿蘭姐:「睇多陣啦。」
 
再過多兩分鐘,個畫面花左一下,就見番佢地幾個,Edison同Suki個頭比膠袋粒住瞓左喺度;Shawn坐喺枱前面揸住個電話,但個頭喺地下;而Pinky塊面就花晒流晒血,吊左喺天花板度⋯⋯。
 
皮蛋王:「喂,無啦啦做乜撚會咁?你又cut撚左條片呀蘿蘭姐?」
 
蘿蘭姐:「cut你老母咩!下下入我數!」
 
禿鷹:「咁唔該你解釋下,點解會咁?」
我即刻有一種熟識既感覺:「係咪要快鏡睇?」
 
蘿蘭姐點點頭,仲走去較暗埋D燈,話咁樣氣氛好D,塊面仲有少少綠光,陰聲細氣咁話:「你點知架?」
 
我:「蘿蘭姐你唔好咁啦,打晒燈咁會嚇親D女仔!我想問你點知就真!」其實嗰陣驚嗰個係我至真,我都話我最撚怕除左曱甴就係鬼。
 


蘿蘭姐刪番盞綠色燈就話:「你估日日睇人仆野十幾個鐘好過引?睇得多都悶架,無聊嗰陣咪玩下前後快慢鏡,點知無意間就比我睇到D咁既野。」
 
皮蛋王:「屌你咁到底係乜野野呀?快撚D啦!」
 
蘿蘭姐又陰陰濕濕咁講:「咁我地依家返番去2:59,由佢地收外賣嗰一刻再睇過!」