蘿蔓姐由2:59:00開始重播,喺2:59:00-2:59:59呢59秒入面,佢地一切如常,我地仲可以聽到佢地既對白。
 
門鐘:『叮噹⋯⋯叮噹⋯⋯』
 
Edison:『Shawn,你開門啦,我唔想郁呀!』
 
Shawn:『屌你我夠唔想郁!』
 
Edison:『喂,頭先D外賣我打去叫架,依家你開門岩唔岩先!D女我叫黎我咪一撚樣同你一齊玩,斤斤計較!』
 


Pinky:『喂,你地咪撚嘈啦,人地喺門口等緊架,走撚左屎都冇得你食呀!』
 
Suki:『e…乜你講野咁核突架?點食得落呀!』
 
Pinky揸左佢兩下,笑道:『係啦,漢寶飽你食唔落,腸仔你就食得落!呢度有兩條呀,比你食晒佢嘞!』
 
我地成班一齊叫左一聲「淫娃」,但睇返佢地個樣,好似好嚮往下咁。
 
就係咁過左呢59秒,一踏入第3:00:00,蘿蘭姐開左4倍速快鏡,成個畫面即刻變到黑晒,呢個效果,唔係因為快鏡,而係因為,嗰度已經唔再係舊薀莎,而係喺一個唐樓單位入面,嗰度好暗,只可以隱約見到四周圍既擺設。
 


我同達叔異口同聲咁叫:「13A呀!」我地兩個當然認得嗰度。
 
畫面入面見到佢地四個仲係光脫脫咁,但就好驚咁企左喺13A個單位入面周圍望,Shawn就揸住條毛巾開緊門。唔知點解,雖然用緊快鏡,但係佢地既動作係同平時一樣,冇快冇慢,係常速咁播緊,同雞汁段片好唔同。
 
Edison:『喂⋯⋯呢度邊撚度黎架⋯⋯Shawn唔好開門住⋯⋯』Pinky同Suki仲嚇到又喊又叫。
s
Shawn反應都未黎得切,度門已經開左,見到既唔係頭先麥麥送既外賣仔,而係一個個頭戴住紅色爆炸卷髮、鼻帶紅色圓波、塊面畫到成個小丑咁既樣既人喺度,不過衣著就好正常,t-shirt牛仔褲,最唔正常既係,佢隻手揸住把牛肉刀。
 
皮蛋王大叫:「嘩,麥記叔叔呀!」我地全部都冇異議,因為個look真係好似,其實佢只係一個小丑打扮既男人。
 


佢地幾個都喺度大叫:「呢度邊度黎架?」
 
Shawn對住門口個小丑話:「你⋯⋯你係邊個?」
 
個小丑冇出聲,一入黎,佢就一刀斬落Shawn條頸度,斬到成個頭跌左落地。
 
Shawn雖然甩左個頭,竟然仲可以行到去房度攞起個電話。佢當然再打唔出呢個電話,就跌左喺張櫈度⋯⋯。
 
Edison同Suki想走,但已經被小丑用透明膠袋粒住個頭,一索就索實,掙扎左唔夠一分鐘佢地已經暈左喺地上面,對眼都重未合得埋⋯⋯。
 
得返Pinky一個,個陣佢已經嚇到淨係識得喊,走入房想避開個小丑,點知佢未入到房已經被小丑捉住,個小丑喺後袋攞左把刀片出黎將佢塊面界到花晒,D血係咁流,嗰時Pinky仲係清醒,佢嗰種痛苦既表情令我地個個都起晒雞皮。最後,小丑用條繩纏住佢條頸,將佢吊起,直至佢斷氣為止⋯⋯。
 
小丑將佢地幾個殺左之後,就望住個鏡頭一陣,即係望住我地,舉起把刀作狀劈左幾下,望住我地陰陰濕濕咁笑,之後個鏡頭又花左一下,就變返有兩張大圓床既舊蒞莎⋯⋯。