簡介

回憶當日, 我們第一次相識, 了解,相愛,到分開。 所有和妳一起的記憶, 像夾萬一樣,鎖在心裏。 一顆月亮,一顆太陽。 從來都不應該相遇。 一次旅行中,遇到一生最愛。 可惜...........。 現在,過得怎樣?還好嗎?



自我介紹先,我叫森仔,旅遊作家,27歲。身高180。係所有女仔想要男朋友嘅理想高度。樣貌方面,配戴一副眼鏡嘅我,五官端正,不過不失。性格長期開朗,專一的我黎講仍然都係單身一個。 
仲有介紹Tim 同 Sam ,係我好兄弟,由中學識到依家,仲要讀同一間大學,我地咩都會一齊講,一齊笑,一齊癲。大家得閒就會約岀黎飲野吹水。                                  

  好!講返正題。



「喂,你地起老蘭邊忽呀?我到咗喇。」我打電話問

       


     
  Tim揮手示意:「見到你啦,左手邊啊〜」

      

  我地坐咗起酒吧入面,叫咗半打啤酒。
  酒吧入面除咗侍應,全部都係鬼妹,今次一定可以又飲又食!
  但機會不是屬於我的。

       



  我不理眼前的鬼妹,大叫:「Bros!Merry Christmas 〜」


      

 Tim & Sam :「Merry Christmas!森仔。」

       



 
 我:「好耐無見喇!兄弟們。最近點呀?」




Tim嘆氣失落講:「我同個朋友開咗間19鋪頭幫人整電腦。仲頭痕緊交租俾個無良業主,一吾交租兩日就玩Cut電。。。你有冇電腦整?收你地七折喇。」



       

 Sam笑住講:「Tim你冇生意就執Q咗佢啦,留起度燒野食呀!我依家就做緊獸醫,開咗間診所。同你地講,幫我手個護士幾正!」






 Tim瞪大一對眼留哂口水講:「好心你今日就叫埋佢岀黎啦。」




          「呀森咁你做緊咩?」

       

       我:「我就周圍去旅行,寫吓書咁。平平淡淡過就算」






       我拎起罐酒,飲咗啖,靜靜回憶緊半年前的事。突然Sam問咗個問題令我好迷惘

      

                 「係喎,你地知唔知Cindy返咗黎香港呀?」

          

                  「邊鬼個Cindy呀?」

    

                  「你個EX呀,FORM 5 女神呢,最難溝都俾你溝到個個呀。讀完中六就走咗去加拿大讀書個個,有冇印象?」



           

         我認真咁從腦海中尋找對Cindy既記憶,靜咗一分鐘,我終於記得係邊個。

                 
                 「我記得喇,你話潘靜汶〜」

                  

                  「係呀,記得喇你。」

                  

                  「喂,唔記得好正常姐,咁好多年冇佢消息。」



    

        其實......講返起Cherry,掀起了我和她一起的美好回憶, 令我希望可以再有機會和她重新開始,擁有她。但路係自己選擇,分咗手就係分咗手,無得怨天尤人。我和她分手,可能是對妳,對自己一種解脫。
已有 0 人追稿