簡介

大家好,我叫細湧。 叫得細湧,大家都應該知道我屋企係做乜野。冇錯,我屋企係開粉麵茶餐廳。我佬豆叫肥湧,而佢老豆,即係我亞爺,叫潮州佬,所以我地間舖,就叫潮蓉記,點知D人叫下叫下,就叫左我地做潮湧記。 你可能會問,乜潮州人唔係賣潮州粉麵咩?做乜走去賣廣東既雲吞麵?皆因我亞爺唔知喺邊度學識包得一手好雲吞,仲比佢賣到街知巷聞,後尾為左客人既口味,仲加入港式茶餐廳既食譜。就係咁,我地就成為左香港第一間包含潮式、廣東式、同港式口味既粉麵茶餐廳,亦係香港第一間送外賣撞鬼,撞到報紙都有賣既茶餐廳⋯⋯。 點解我要話比你地知?因為,網上面好多傳言都係不盡不實,希望可以喺度話比大家知事情既真相,而且⋯⋯成件事根本仲未完結⋯⋯

章節