《竟然有女神鍾意我呢個毒撚 ？》: 欣欣竟然係校花？
｛ 第四章 ｝
這時，有一名兇神惡煞的男學生往我的方向來。
他來到的時候，在我耳邊輕輕說了一句話
「等陣留低。」隨後便離開了。
我感到非常害怕。
是我做錯了甚麼事嗎？
難道新學期就要比人打嗎？
我越想越害怕。
結果我懷著驚恐的心情渡過了剩餘的十分鐘。
「叮噹叮噹，叮噹叮噹～～」
「好啦，各位同學可以落堂啦。」
「Goodbye and thank you Miss Wong. 」班上同學一致地說
接著，班上同學都一一離開班房。
「喂，之前你... 」
欣欣坐在我旁跟我說話，但我打斷了她。
「對唔住呀，而家我唔得閒，一係今晚先傾啦？」
「唔... 好啦，咁我比我wechat你啦。」
（澳門人少用whatsapp，多數都用wechat。）
說道，欣欣便說出她的wechat id，我亦拿出手機把她加為朋友。
為什麼能在學校中拿出手機？
因為校規只是規定了只要上課的時候時，手機的電源是關閉了的話，任何時間都不會沒收我們的手機。
但一旦上課時被發現你玩電話的話...
會被沒收一年...
「咁今晚再傾啦。」
說完後，欣欣便離開了。
接著，我最不期待的畫面出現了...
那名兇神惡煞的學生正在靠近我的位置前行。
而班主任，亦用可憐的眼神望著我們兩個。
「你地仲唔走？我想收工啊... 」
「講幾句就走嫁啦。」那名兇神惡煞的學生用兇神惡煞的眼神對班主任說。
班主任受到驚嚇後便伏地枱上休息。
「講，點解會同校花咁fd。」他指著我說。
「邊... 邊個校花呀？詠彤？」受到驚嚇的我顫抖地說着
「邊撚個詠彤呀？我講緊李嘉欣呀。你新黎嫁？校花都唔識。」
「吓？欣欣係校花？」我聽到欣欣是校花之後不禁笑了出來，而驚慌的心情亦隨之消失。
「你笑乜春呀？而家問緊你點解會同佢咁fd呀！平時喺學校到，佢正係會同女仔傾計，唔會同男仔接觸。」
「你冷靜啲先。」我安撫他說
「嗱，我回應番你嘅問題先。第一，我真係新轉校入黎嘅。第二，點解我會同佢咁熟？可能係因為我地細個戈陣係青梅竹馬，所以先至咁熟。」
當我解釋完後他鬆了一口氣。
「做咩呀？中意人呀？」
我說完後彷彿看到他的臉上好像比之前紅了一點兒。
「咩..咩.. 咩呀，我幾時話中意佢喎... 」他比之前溫和了一點
「得啦，中意佢嘅話唔洗怕羞同我講喎，我幫你追佢。」
「你講真？」
「梗係啦。一言既出，駟馬難追。」我豎起姆指以增加他對我的信心。
「咁.. 唔該晒你先。我叫呀俊。」他舉起拳頭對著我說。
「我叫呀軒，叫我軒少得啦。」同時我也舉起拳頭
然後，大家一起微笑著擊拳。
接著，我和呀俊的男男愛情故事亦隨即展開。
「喂，miss wong ，你可以收工啦。」我和呀俊異口同聲地說，然後大家同時大笑起來。
Miss Wong 聽到我們的說話後，便從夢中醒來。
「哇，miss wong，睇黎你好攰喎。我地傾左幾分鐘你就訓到留晒口水。」呀俊笑著跟miss wong 說。
Miss Wong注意到嘴上的口水後便拿出紙巾把口水抹走。
而我跟呀俊亦一起笑Miss Wong
Miss Wong 亦尷尬地說
「快啲返屋企啦你地，阻住我返屋企訓教。」
跟著，我跟呀俊亦各自回家去了。
在回家路上，我在Facebook 上搜尋 U Weng Tong並把她加入好友。
她的頭像是她跟一隻柴犬的合照，真的有一種被治癒的感覺。
回到家後，我便馬上打開電腦然後打開《英雄聯盟》這遊戲，然後搭上我的衝鑽之旅。
（有挽LoL嘅朋友可以加我一齊挽 ID: hi im poi )
雖然現時，我只是一個銅五的銅學，但終有一日我會衝上菁英的。（真的）
在衝分期間，我就好像一個智障一樣一直對著螢幕說話。
「我屌你，拉佢啦？識預位未呀？」
「仆街，走位啦廢柴！」
然後我便用我的main角 雷玫 駛出一連串的連技把對面騷死。
「Penta Kill 」「 victory 」螢幕上這樣顯示。
「輕鬆。」我說
這場過後，我的完場畫面有少少不同。
上面顯示「 恭喜你已晉級到銅四。」
「！！」
「我... 我終於脫離左銅五地獄？」
（你未銅五過你可能唔知，升銅五仲慘過打鑽石場）
我看了一看桌面上的時間，這裡顯示著
「 21 ： 08 」
「哇屌，咁撚晏嫁啦？」
「喂老母，幫我叮番熱個飯。」我在房中大喊。
當我吃完飯後，我打開手機。
這裡有兩條訊息。
「U Weng Tong 已經把你加入為朋友，你現在可以查看她的個人檔案。」
「 Stephy Lei 欣欣 ：我通過了你的朋友驗證請求，現在我們可以開始聊天了」
如果係你，你會點揀？
我份人好注重感情嘅，所以我揀左詠彤。（笑
我用messenger跟詠彤聊天。
那一晚，我們有講有笑，甚至傾到深夜1點幾。
最後詠彤話聽日唔想遲到之後，就冇再傾落去。
而我，亦都開始覺得眼訓就想訓覺了。
就在我睡覺的前一刻，我想起了好像有些事情忘了
「好似唔記得左啲野... 算啦，訓覺！」
隨後，我便跳上床並以大字型的方式睡覺去。