[絕對無糖分]就係咁，我搬左入一幢充滿一樓一嘅唐樓
－每日晏晝１２點更新－
－廣東話寫故－
是咁的。
呢個係一個絕無糖份嘅故仔，亦都唔係咩野後官小說，所以大家如果係抱住睇甜故嘅期望入黎嘅話，唔好意思，呢度無。
我叫蕃薯，事出突然，搬左去同舅父住，我拎住沉重嘅行李，係旺角嘅街上面行緊。
我係一個文字創作人……講得白ｄ，我只係一個識少少字嘅網絡打手，有時會收下人錢出下ｄ ｐｏｓｔ，講下ｄ ｐｒｏｄｕｃｔ有咩用。
當然我都有正職啦，係ＫＦＣ返工，剛剛可以維持到生活……以前嘅話。
可能我係人地口中所講嘅廢青啦，前幾個月都係食屋企人住屋企人，畢左業咁耐都無比個錢屋企，雖然屋企人無講，但都已經對我無咩期望，所有期望已經去晒我果位就快大學畢業嘅細佬身上。
早幾個月佢地仲叫我搬出去住添，果陣我以為佢地講笑，但係當有一日我返到屋企門口，見到一個行李放左係旁邊，門嘅鎖仲要換埋，我果陣先發現原來佢地係認真。
「喂？舅父啊，我比屋企人趕左出黎啊，可唔可以去你度住啊？」呢個舅父係好睇我嘅舅父。
「緊係得啦，我而家有ｄ野忙緊，一陣ｓｄ個地址比你，你自己過黎啦。」舅父講完後就收左線。
就係咁，我跟住舅父比我嘅地址黎到一幢舊唐樓前面，之後，就係所有故事嘅開始。
[愛情無限loop] 就係咁，我做左女神一年既備胎
每晚10點更新，用廣東話方式寫故。
有好多時，我地都會有自己心目中既女神或者男神，做兵既有苦自己知，但又有邊個會知道呢Ｄ所謂女神同男神既心目中，到底會係有咩野諗法？佢地開心，定唔開心？佢地鐘意比人咁稱呼定唔鐘意？
呢個係紀錄住主角阿牛追佢心目中女神既故事，當中紀錄住佢對女神既一見鐘情，追求女神，到好快被女神發現佢既暗戀；然後女神問佢朋友要點樣婉轉拒絕阿牛，到阿牛開始覺得自己有機會，慢慢同女神多左接觸；到向女神表白，失敗，再表白，又失敗，三度表白，全部失敗；由朋友，到閨蜜，到備胎，到放棄……
當阿牛Ｄ朋友都話呢位唔係一個女神，係一個魔女時，阿牛總會話：「就算係魔女，都係一個值得我為佢蹈火海既魔女。」
但係，就因為呢個比人話係魔女既女神，教識左阿牛咩野係愛，咩野係「情商」。做兵真係咁慘？做女神男神真係咁過癮？
就係咁，我做左女神一年既備胎……