作者筆名火龍果
作者簡介三衣一履衣冠臨勝地 擅解毒英雄莫問出處
個人網站
Facebook 粉絲頁
作品數量42
最新作品 從容與願力
RSS 訂閱作品

作品

從容與願力

如是我聞,擇自網絡報導一位高人對批評回應《……一定要有負面的事情才能消業障。只是我比較有福報,我的負面不是什麼生病啊!我的負面是小小的批評,然後我就增加我的一種動力,對我而言這個是好事嘛。……他們站在一樓看,我們站在三樓……但我們仍可以做得更好一點……絕對不跟生命開還笑……》面對批評仍可以照顧對方立場,但不失自我,睇得闊心量也不太窄,看得遠或許要有能人所不能才能成就,否則好運十年廿年即過,那可以發足四代?上面高人所指小小批評係我呢個俗人標準都唔係小,講緊嘅分分鐘一年一千幾百萬。這令火龍果想起另外一位高人話《人世間見到嘅係落緊雨;天人見到嘅係靚花曬下;鬼道眾生見到嘅係血!》

好人好事~村婆(五)

如是我聞,師兄嘅客人sales倆公婆係搬入村屋後sales老婆成個人變晒,好彩sales老公心明大義不單止冇嚴棄愛妻仲又發現原來好似好好人嘅村婆教佢老婆出賣老公,又咁橋call師兄吐苦愁爆時師兄老闆娘嘅貴客阿高人係隔離,幫手止住咳。而sales老公又為老婆修理吓自己嘅性格亦聽高人客講念觀音菩薩,有一晚黑雨 sales倆公婆宅家煲韓劇食杯麵,外面落狗屎咁大雨,彭⚡彭⚡彭 ⚡打雷,震盪又大風,突然梳化頂嘅假天 花好似落雨咁灑水,非常狼狽,咁就拮開個天花睇吓咩嘢事 點知 一拮室內假天花……嘩!邊個放支籐條係梳化頭頂假天花內咁邪門?

好人好事~村婆(三)

如是我聞,師兄個客sales先生個老婆原來係搬入村屋當日,為咗啲芝麻綠豆咁小嘅事同人閙交?sales老公問師兄係咪咁同佢老婆種種問題有關?師兄話【入得去住已經埋伏咗啲前因,係一個地方長期逗留必定有業力存在,業力有善有惡嘅,好似你倆公婆咁叫埋搵地方搬成兩年喇,都搬唔郁,唔係業力會係咩嘢?睇怕冇人唔搬馬?難聽啲講咩嘢人住咩嘢屋,但係只要相信多《存善念》可以化解好多錢解決唔到嘅問題】sales老公為著老婆著想就計劃吓有咩嘢可以《存善念》,以往sales老公都幾計較嘅,由而家起自己範圍做到嘅盡量都由得佢唔去爭亦唔去追問,以往見到其他sales業績好自己個心就唔舒服,見到人哋嘅業績差就批評人哋嘅短處,而家就唔去睇人哋嘅短處搵人哋嘅長處,有人打尖又唔會好似做班長咁係大棚人面前指指點點,如是者又過咗一年。

好人好事村婆(一)

如是我聞,師兄話收到個職業係多勞多得sales嘅客人whatsapp張相,張相係sales朋友屋企假拮開天花板內有件奇怪之物嘅相,事源sales老婆原本一個好有主見同埋能幹嘅靚老婆但自從sales倆公婆搬入而家住緊嘅村屋住地下嗰層一個星期後,隔離鄰居阿村婆,差唔多晚晚都嚟搵sales老婆傾偈,上至村頭阿珠婆老公搵幾多錢下至村尾牛仔柯唔出屎都講一餐,本住遠親不如近鄰村婆又成日送啲自家餸來,sales老婆起初都晚晚企成半粒鐘聽,漸漸sales老婆成為好朋友,而且sales開始發覺老婆開始變咗咩嘢都聽晒阿村婆話,直至有一日老婆話想油外牆仲要幫村婆油埋佢間屋部分外牆,sales老公就問老婆點解要出錢出力幫村婆?人哋有老公錢有錢又大把樓收租? 係都幫有需要嘅人啦阿老婆!就係咁閙一閙sales老婆醒一醒話【哦!】一聲就唔再提,但冇耐又sales老婆又話要送曬用咗好多心機由垂危到生猛美艷嘅蘭花?總之三日唔埋就將屋企啲靚嘢係咁送比村婆,最令sales先生擔心嘅係老婆嘅自信心愈來愈差心情又唔知點解好抑鬱,sales老婆居然試過有次開咗門唔記得閂門就出咗去搭車返工!?!又成日有啲莫名其妙嘅瘀傷!師兄叫sales先生搬啦,但係又難搵到合心水嘅屋,就係咁拖就拖咗兩年,sales老婆情緒唔太穩定又成日幫村婆做埋啲下欄嘢同成日送嘢比村婆,師兄見sales老公咁愁,就叫影張由屋內望出外境嘅相睇吓,睇完相後,師兄話你坐嗰張梳化對住外面嘅羅漢松有成八尺高,係咪隔離阿村婆架?【係!】咁大棵咁係咪係你哋搬嚟之前就已經存在【唔係!大約兩三個月之後,乜羅漢松唔係正氣嘅咩?】正常係,但呢個個案係你老婆成日坐嘅梳化與棵羅漢松之間出問題,可唔可以影吓相睇吓有咩嘢?【唔得噃,嗰個位好暗同什亂放村婆老公嘅工具同木板咁,嘅影咗都睇唔清】,咁呀,你試吓放個 🥇向住羅漢松方向嘅位睇吓點(非專業勿抄勿插,師兄都係問高人)

武仁發夢三部曲

如是我聞,師兄個客武仁就依師兄咁講幫老豆四圍搵四圍問何去何從,問到其中一位靚女係教徒朋友,知道武仁老豆識畫畫就問武仁可唔可以畫張極樂世界或者係天國比佢?靚女叫到,武仁就馬上call老豆快動筆 但武仁老豆成七十幾歲人都未想過咩極樂世界或者天國(大肚佛呀天使呀就識畫)就周圍問佢啲畫友茶友極樂世界內有啲咩嘢。武仁話冇耐老豆都係一個紅雨嘅早上,係武仁屋企換晒衫食埋早餐滿面紅光咁坐定定係最錫嘅女旁邊笑笑口咁望住好遠地方傾傾吓偈……死咗!當時武仁出咗去四圍去搵的士因天文台話會轉黃雨老豆會由個女倍去覆診,武仁離開屋企5分鐘就收到細妹嘅電話話唔好搵的士,改馬上call白車,點知白車到咗話武仁老豆死咗好耐唔收咸魚要call阿sir,武仁話離開去搵的士到白車只係15分鐘啫唔係好耐丫馬?不過咁仲好可以念經無障礙唔使急救老豆無痛苦,無耐成兩隊8個人嘅阿sir嚟晒又落口供問來問去,搞咗超過3粒鐘先由黑車接走武仁老豆。由於前一晚武仁唔知為咩嘢莫名其妙生起無明極大嘅憤怒火(解釋唔到總之係想打當時冇咩嘢唔妥嘅老豆)總之要打老豆一身,好想勁刮佢老豆幾十巴,武仁係刮重係刮到成個咀都流晒血,但武仁選擇刮佢自己【我火龍果想武仁呢世人暫時做得人生最正確嘅決定,否則水洗難清】個8位阿sir就可能係聽到隔離啲鄰居話聽到隔離呢兩個,尋日口角有打鬥聲呀咁,入到屋又見唔到有打鬥痕跡,問咗幾粒鐘口供都解釋唔到係【武仁同細妹都話大約阿爸死咗三個字就白車到;但工作人員又話最小死咗三個鐘】最後要即場就地驗武仁老豆條屍先上得黑車。武仁話當時雖然突然老豆好地地死咗,但算係死得幾好所以都幾開心,老豆唔洗受苦又念咗成幾個鐘經又死相咁靚……)人死老豆武仁死老豆,呢單都死得特別。

一切法從心所生文昌筆

如是我聞,師兄話收到個獨居職業係多勞多得sales朋友嘅whatsapp張相,張相係sales朋友屋企門口對出嘅相,相中有只化寶爐及人咁高嘅掃把!事源近排sales朋友手腳腫痛睇極中西針灸醫都時壞時好,咪買咗啲金銀衣紙同個化寶爐,話學人化吓寶希望工作順啲同埋身體好啲囉,由於心急又咁橋撞上農曆七月呢 咪除咗初一十五隔日又係門口化寶囉,化完個爐就放係咁放係門口對面(舊樓門口對開都有近百尺,真係做劏房都夠大),唔夠一個禮拜就多咗支掃把係旁邊,sales朋友每次出外同回家就見到掃把對正佢門口,好唔開心,故問師兄有冇辦法化解,師兄睇咗只是講咗句【嘩!好噃!火燒旺地旺文昌!我攞嚟做wallpaper先】sales朋友不解,師兄只有話講你都唔會明亦唔會接受,你個心已經住咗支掃把,而我個心就住咗支文昌筆。估唔到同一象,同入眼但結果大有分別!

好人好事減重芊睇

如是我見,師兄家姐話要芊睇,火龍果提議佢試吓做超市(講真最多見豐滿靚女啫大多唔會肥嘅),再唔係就派吓嘢囉,總之雙手要fing來fing去就見效。話時話,做家居清潔都得,否則要瘦得好睇又唔反彈又唔食藥嘅,難度甚高,咁又點解同阿爸阿媽生嘅師兄又會細個係肥仔愈大又愈瘦嘅?我估師兄後續DNA有關,師兄唔鍾意嘆冷氣(佢都怕熱架但入夏咁多日都唔開冷氣瞓)又唔鍾意飲冰冷嘅嘢又唔飲酒,又鍾意行路唔鐘意搭車,這或許有關係。

好人好事家姐減肥去腫

如是我聞,師兄話家姐為著健康要減肥(可能更年期荷爾蒙變動近排肥咗or腫咗好多),想搵我火龍果草擬一個芊睇計劃比佢家姐再由師兄落實監督。【唓!我咁dry係都唔好搵我火龍果啦】家姐咁多年都咩嘢都試過啦仲洗唔小錢,唔係搞到病樣就反彈或者瞓唔到好辛苦又冇效!我同佢同老豆阿媽佢愈來愈肥我就愈老愈瘦(愈精神)而火龍果好似由細識你食多食小做唔做運動你都冇點變肥瘦嘅,咁家姐咪搵你囉!【嚟同我哋派吓禮物啦】乜派禮物會瘦嘅咩?【係呀!派禮物就算唔要你行來行去,分分鐘對手 要撥來撥去第來第去fing來fing去成幾粒鐘】咁超市收銀靚女咪唔洗減肥?【係呀!叫你家姐去考察吓!肥嘅都變瘦呀啦!肚腩都細咗呀!】但家姐唔會做收銀架,佢話面皮薄同埋急屎急尿唔得即刻行去解決喎!【係?邊行都受氣架啦,做老細都受氣架噃,叫佢試吓啦,唔好煩我】

好人好事化災險爆閙

如是我聞,話說師兄被同事話金手指得罪同事後,除咗引證咗資深婆婆嘅解藥醫咗佢嘅病,又治到隻老虎,有番啲記性唔使排精神科,返工做嘢正常咗。點知兩日唔埋又被惡客爆閙,我問阿師兄隔兩日就被人爆閙,有時仲唔知閙啲咩嘢,咁好影響生活質素噃!師兄話【係之前新界六萬尺地工作都係咁,仲收到啲電話話叫我自己攞自己嘅工傷死亡證!?!】自己攞自己嘅死亡證? 🤣【係呀!我聽完一頭霧水仲話請慢慢講去邊度攞我要抄低,跟著佢cut線】,咁你真係命苦師兄,【起初我都中計以為命苦,不過慢慢發現爆閙我嘅係嚟成就我】唔係馬成就你啲咩?【首先咁係化咗我啲災嘅,例如跌倒撞到屈到拍到……仲冇咗九成嘅飛滋呢啲好似意外但其實唔係意外】咁又係通常年紀一路大跌倒撞到屈到……會易發生,但師兄你呢十幾年又確係零紀錄。【係我啲災飛咗去對方度,咁我身體應付到就可以完成我人世間呢一生嘅任務】咩嘢任務?【不可說不可說,但真係化災化險,不過呢類型有特徵嘅】咩嘢特徵?【不講道理或有理說不清及對方必定唔會道歉同埋爆閙完就好似冇發生過咁但冇耐又嚟過 😁】有冇話通常閙幾耐?【唔一定,有快閃嘅爆完即走,有長氣嘅爆閙幾個鐘】唔係馬幾個鐘?【係,仲日日咁爆】咁對方可以咁勁?【唔係佢勁而係一路閙一路吸取我嘅精氣】吓?真唔真?【真呀,一般情況我應該會病(佢吸我嘅精氣)但我唔收佢嘅禮物仲送返件防病嘅藥比佢(兩皆平安)】你個個都係咁送平安…【NO!咁頻繁嘅爆閙我冇咁多時間位位都咁做,只能選一個研究,其他我只能祝福他們】。 。解病痛最快係被屈而不計較。 。火燒功德林為何要搵自己苯。

好人好事化苦六神回朝可解

如是我聞,話說師兄被同事話金手指得罪同事之後無耐就行前忘後影響工作仲愁爆收埋自己搞到排期睇精神科,師兄有日撞番好耐冇見嘅資深婆婆仲收到婆婆嘅解藥,日日按時食資深婆婆嘅藥無耐嘅某一日師兄返返吓發現原來年頭已被隻猛虎hack住,放工回家搵一樣嘢…… 【終於搵到喇,聽日帶番工試一試先】呵痴 呵痴 呵痴 呵痴嘅Obsession for Men,就利用老虎天生特性來化苦,行過Obsession for Men只要仍有呼吸Obsession for Men係最慈悲之首選合晒師兄咁慈悲嘅心。可解!

响石墳場

如是我見,過埋條隧道後直行落山就可以返港鐵食茶餐,好彩搵番條出路落山,唔係又迷路call師兄就瘀爆,返去要問吓師兄頭先裝我彈弓條血紅眼嘅蛇係咩名堂先,爭啲比呢條血眼蛇咬到腳。喂喂喂!小心呀阿婆你搵咩嘢呀成個身趴晒落去?【我想擇啲草比屋企隻猫醫病,得!擇到喇!】阿婆冇事就得喇,扶穩你架車仔呀,你落山呀?【我上山】嘩!拉架咁重嘅車仔上山太陽落山咯?你夠唔夠力架?【唔係好夠,不如你幫阿婆拉半程丫?】咁呀?好啦橫掂我都唔係咁肚餓,就拉半程啦。【好呀!唔該晒】呀婆,你架車仔裝咩嘢,咁重嘅?【麵包,比山上啲狗狗吃】車仔細細但好似有成包米咁重嘅麵包?乜你餵好多狗?【係呀有好多】都爬咗接近一粒鐘咯噃,又冇街燈天黑阿婆你點落山呀?【唔怕,呢呢呢,前面度車閘就係,我哋到喇】大煱!鎖咗度閘你冇鎖匙?【雖然我冇鎖匙但我可以……】吓!我眼花?阿婆你睇落冇80都有70歲點解你可以好似隻動物咁面向天瞓响個地度唧兩唧就sir咗入閘裡面開閘比我,馬上彈起身氣都唔使唞吓嘅? 【幫埋我拉埋入去好唔好?】ok送佛送到西,嘩,真係好斜呀條泥路,喔,原來裡面有間成萬尺一層過嘅長形石屎古老屋,真係呢啲半山又冇馬路唔係親眼見都唔信喎,哈!乜咁荒蕪地方居然有啲後生女住嘅,咩嘢地方嚟架,不過咁大間屋住得嗰幾丁友仲係全女班,但係著到好似花樣年華嘅年代雙妹乜咁嘅?【喂喂喂阿後生!轉嚟呢邊呀,唔該,狗狗等緊我哋】嘩 😳係邊度嚟成過百隻大狗列隊咁趴晒係度石屎屋前成兩個藍球場咁大嘅空地?唔怪得架車仔咁重咯。阿婆你自便喇,成4點幾我要落山喇【等陣!同場主阿伯say hello先啦】倚!原來仲有個老伯伯,不過阿伯伯同阿婆背住太陽我睇得唔太清楚,anyway,伯伯我要走喇好開心見到你bye【咪住阿後生!你業障都幾重!】係?咁點算?【要……】呀!伯伯我識唸噢媽利啤咩空【這個不成】吓?唔得?咁我淨係識唸……經《架嗲架嗲拍啦架嗲……》【停一停】倚倚倚 婆婆你冇事丫馬?成塊面青白色個頭仲拎側一邊由頭到腳好似放咗入冰櫃咁嘅?拎去嗰邊有咩嘢睇呀?點解嗰兩個花樣年華女成塊面白成咁嘅?

好人好事化苦拍金信

如是我聞,師兄……突然行前忘後斷片……咁好影響師兄嘅performance,初時唔為意以為休息不足營養唔平衡……總之係小事,直至兩個月之後某天,佢位同事問【你話你寃枉?咁你講一次頭先個客點講丫?】師兄個腦空白一片一句細節都講唔出 🥺 【你講啦?講唔出?定係其他問題呀?呢個禮拜已經係第三次咯噃,你會唔會有拍金信呀?】師兄開始見醫生由普通科再入紙排精神科,家人好擔心係拍金信年輕化,搞到師兄有說不出的苦收埋收埋自己……直至有一日係街撞到有個婆婆師兄(佢愁到婆婆師兄係佢面前都睇唔到😔)【阿尾陀富,好耐冇見喇師兄 😇去邊呀?】師兄定一定神😳,原來真係好耐冇見嘅資深婆婆師兄(師兄係大酒店識呢位婆婆師兄年佢近九十仲成日去大酒店做義工)師兄就一五一十咁傾訴 🤮比資深婆婆知,資深婆婆話【阿尾陀富!你細我半個世紀仲有得救嘅,拜到嘅就用懺悔嘅心日日做大禮拜啦,盡量日日做拜一吓都好嘅,另外你個樣好似嚇到六神無主咁,十隻指骨都有瘀血,飲多啲大悲水知馬,懺悔呀!byebye阿尾陀富】師兄擔心唔記得咗轉頭用手機錄音講番資深婆婆教佢嘅藥方,然後每個朝早聽番,聽完就依資深婆婆咁做。已經半年……

結界~阿爾卑斯山腳、北潭涌、界限街

如是我見,師兄話大暑剛過咗想約埋我入秋去西貢行山,我火龍果年老色衰而家邊有咁好身子行山丫,講開行山,火龍果非常贊成以下擇自網絡嘅忠告《西貢行山失踪事件,永遠係香港嘅不解之迷,但其實佢哋有個共通點,就係事發嘅時候,失踪嘅人都係得自己一個人。如果唔想結界吞噬你,就要搵多個人一齊行。》所以真係要小心及搵人一齊行,火龍果曾經係西貢內只有千多尺嘅草叢迷失咗,對!只是千多平方尺咁不停咁轉來轉去,成兩個鐘都淨係見到高過人嘅草!搵唔到出口見唔到高低亦分唔到方向前後,當時未聽過咩嘢結界,但的確,如果山中迷路而環境惡劣又唔夠定,真係會所謂《吞噬》能量,消耗體力會較為快及多。聽講最近呢十年八年,行山意外倍增(人多咗行山理應安全啲但數據顯示唔係咁),亦層經同個靚女行到去係大浪灣同西灣之間崖壁邊(無圍欄)突然間我哋兩個都一齊見到平地(即係高崖變咗平地)想一直行去對面(踏空跌崖)😱呢啲咁奇怪嘅幻覺。而法國境內阿爾卑斯山腳就行行吓爆林咗一個只不過距離大路約8米海拔嘅人咁高草叢迷路成個鐘 🤣。我想所謂結界唔一定係荒山野嶺,即使我呢個講人係界限街,都試過圍住界限街咁轉咗五六個圈走埋入私人樓問幾個保安都由黃昏搞到開晒街燈都未搵到144號係邊(嗰次係我呢一生人首次去請經書※) 咁多年之後係上排有單話係泰北近緬甸國界「睡美人洞」的洞窟救番一班小朋友同老師嘅新聞,都係行吓行吓行咗入洞出唔番嚟。火龍果亦經驗過係老撾行咗入一個山洞係出到嚟不過唔夠半個鐘就係吊係廿層樓高嘅沿崖瀑布,就在體力再支持不到,上演火龍果墮崖最後一刻,突然跳出兩個當地小朋友一口氣咁扯番火龍果上崖邊。※《地藏經》

身邊的人

如是我聞,師兄話世事傷害最深嘅有機會往往係成日係身邊嘅人,呢嗰好可能係親人朋友同事客人……到臨終時仲以為係大貴人大好人;救你一命嘅亦有機會往往係三九唔識七救咗你你係街見番都唔知嘅路人甲。亦有高人講話做得親人離唔開是旦種緣份~報恩、報仇、討債、還債。如果真相如此,那做人只求無愧如心即可簡單啲。師兄之所以咁感性係剛同佢討論剛聽說發生單係有個歌星撞車,救佢嘅係佢個幾歲人仔,話遲幾秒就爆燒到司機位,好似做戲咁戲劇化。

防疫套餐

如是我聞,師兄問我尋日大暑,好快入秋,有咩防疫準備? 唓……準咩備啫,經歷過排長龍買口罩四圍撲感冒藥學點用快測十五十六打咩嘢打唔打打幾多搶廁紙……的確超乎自己所想嘅以往所謂灑脫嘅我,都原來只是蟻民一隻用大路嘅一樣普通至極。 師兄,口罩我有大把喇【咁你到時覺得安心咪得囉】 師兄,咩花藥呀快測呀都派到入屋啦【咁你到時覺得安心咪得囉】 師兄,放心啦我打晒喇【咁你到時覺得安心咪得囉】 師兄,係咪要我住深山啫 😤 【咁你到時覺得安心咪得囉 😝】 師兄,你又點會點呀? 【聽講話空氣流通溫暖營養足消化力都好重要架】 阿水都知啦 😗 【重點又唔可以同人有密切接觸】 係囉 【高人話一切法從心所生】 點生法先得架? 【愚見係在未有大災時……預備定套餐】 (1)預備可減輕症狀嘅補充劑如維生命C、calcium d3、蜜糖、枇杷膏潤喉嚨。(無科學實證supplement係咪有效,只是個人意見,非宣傳),萬一有發生就可被免同人搶(亦唔使同人搶人迫人風險高)。 (2)搵定把現在大量選擇日本專家推薦嘅【可攜帶5吋以上風扇】。 (3)食定大量生果(冬天高峰高危水果唔多又凍)。 (4)預小小綠豆黃豆萬一隔離全部咪自發芽菜囉,唔使同人爭。 (5)預小小紫菜,甲狀腺都好重要紫菜又可解毒。 (6)學習禪修(隔離咪去閉關囉達摩祖師都閉九年啦)。 (7)多行善及善心。

疫症治療

如是我聞,師兄話對自己對治疫症方法平穩平靜安靜寧靜(非外在環境而是自身環境)

執錢

如是我聞,有位師兄話成日都會係街度見到地下有錢執,成日嘅意思係有時兩三日遇到一次,由廿蚊至千蚊不等,呢位師兄好奇怪佢見到啲錢係地下就會成身唔自在,幾乎想繞道而行,我問佢點解,佢話呢啲係災千其唔好執,但世事往往就係咁,你愈唔想就愈係比你見到,師兄話執咗再放番一兩蚊或分小小捐咗佢係唔得嘅啲災都一樣會跟埋嚟,不過師兄佢一向唔喜歡收人錢呀禮物呀咁(佢話無功不受祿喎)比人請食飯呀咁,所以送嘢比佢好困難,佢又唔鍾意同人食嘢怕人哋請佢個份,我話咁樣好孤單,師兄話咁重好唔使應酬生活簡單喎。 我曾經見過一啲高人真係唔掂啲銀紙(有近身妹仔之類幫佢洗錢收錢),亦見過一啲高人每次接觸金銀珠寶同銀紙都會定一定眼望一吓先攞嗰噃。師兄話佢唔係高人所以只有盡量平淡,不過聽講近排師兄有高人指點新方案,即使再遇到地上有錢或有人夾硬比啲錢佢都可以周身自在啲。唔知道師兄呢啲可唔可以列入錢幣敏感症 😅

放條生路避一劫※犯水險

如是我聞,話說師兄係年廿八聽到火龍果話面有污雲眉心有針,至立春當日險被蛇咬,又平平安安咁過咗兩個月…………真係天氣反常!乜熱🥵得咁快架,天文台話聽日有機會紅雨⛈喎,係就最好反工前啦😁😴。 有冇搞錯呀咁大雨都仲係黃雨,公司塊地好似變咗洗衣機咁,要係啲激流內步行先入到公司內,檢查吓啲天花有冇被啲樹葉塞住去唔到水先,咁大雨去唔到水分分鐘天花積水好危險架,ok有電開到燈,睇埋最後呢度防火門入去睇埋裡面電房就嘆反個早餐先 😋,正想一手推開勁重嘅防火門的一剎那腦海閃過火龍果句【……犯水險】同埋立春當日條蛇 🪱,喂……點解幻聽到有把聲【師兄唔好行入去呀!】蝦!點解隔住咁厚嘅門明明係室內但好似室內落緊雨聲咁怪嘅?仲好似大雨過外面嘅?未喇搵番對膠手套著返先對水鞋先開電房,ok ready開門嘭⚡⚡⚡☔跳製?好彩手機叉滿電有電筒燈,喂!stop止步【阿咩嘢老闆呀!成個電房都係水四五吋高天花好似穿咗,跳製我唔行入去喇,阿電哥話食完個Lunch先嚟睇吓,我?冇事好彩唔係著住人字拖行入去咋】

除污光滑年廿八

如是我聞,師兄嘅工作係一個新界六萬尺嘅地面獨自一個睇住塊地。 話說有一年嘅年廿八嘅清早返工,行到入公司條小路嘅路口,老遠就聞到一陣花香味,乜咁香嘅百合花味嘅?嘩!大件事呀?做咩成間公司嘅圍牆放咗成廿幾個白事花牌圍著呀?邊度係閘門口?點算? 話比老闆知又點丫,咪又係不了了之!老闆一個月都未必嚟一次,唉!今朝早先係屋企執走由外面掟入花園嘅胸圍底褲,而家又……就快過年,唔搬走啲白事花牌唔通要新年流流一開工就見到生晒蟲臭死嘅垃圾牌咩,終於搬走晒去垃圾站喇,好肚餓呀原來搬咗成三個鐘喇,call火龍果外賣個飯盒過嚟就算, 火龍果你拍梗檔啦,我好慘呀。 師兄你得罪咩嘢人呀? 火龍果我都想知。 師兄你係呢度成七年都唔知? 我估可能我係呢度阻住地球轉掛,咁都可以講聲丫,唔使搵人搬咁多花圈歡迎我架。 師兄你面有污雲眉心有針,小心會有水險呀! 車!我都唔游水嘅點會有險呢。 師兄,我只可以講多行善盡量做啦,你係過鏡不留痕嘅人,真係睇你嘅做化咯。好喇飯就食完我要返歸寫稿。 火龍果多謝你盒飯同埋忠告。 犯水險?我沖涼都係用花洒點犯呀?!唉算啦過年搵過扮工仲實際。

狐仙番薯衛生巾

如是我聞,師兄話上兩日佢做嘢嘅NGO派衛生巾,好熱鬧,連阿婆阿伯都嚟攞,嘩,5點幾差唔多收工都仲咁多人嘅, 【喂!靚女我想加錢攞多包衛生巾比我個女得唔得呀?】唉!阿婆咩又係你!上次嚟攪亂檔😫。【阿婆一人限免費一大包有排用加十蚊再攞多包,你攬唔攬到架冇得番轉頭換架吓】,【得喇,比多包我,哪!呢度十蚊】,明天請早咁多位婆婆靚女我哋要準備收工喇!【喂!靚女,我個女原來收咗經唔使要,呢個我比咗十蚊換嘅我比番你,攞幾隻番薯算😝】【喂喂喂阿婆話咗呢啲咁私人嘅嘢冇得退架呢,你送比人啦!】阿婆話之你,劈低包衛生巾,係咁揀佢心儀嘅番薯,就係呢一刻,師兄嘅地膽主任行出嚟,大喝一聲【你同我出去🤬話咗冇得退,咁唔合衛生😤】,奇怪嘅事發生,阿婆馬上雙手好似抽筋咁曲起咗,好似隻狐狸上身咁背脊微曲原地行圈😱如是者轉咗三個圈夾住三隻番薯細細步離開,突然間靜晒。 師兄話其實地膽主任好好人放生狐仙婆婆,雖然閙爆但都由得佢,話兩句算當積福。平時師兄每次返工途中都見到呢個惡搞嘅狐仙婆婆,但呢幾日都冇佢嘅蹤影咯。

好人有好報

如是我聞,有位師兄話佢係太古站工作做街坊生意食肆鋪頭對面新開咗間同佢一樣嘅麵鋪(但高格啲),起初各有各做相安無事 。兩個月後對面間鋪係門口棟個易拉架宣傳佢哋嘅套餐,個宣傳架係一個球證攞住張紅牌手指指上面大大隻字寫住【出局】全日套餐(當時係世界杯熱),師兄嘅老闆娘日日開門就見到對面呢張【出局……】仲成張紅牌手指指住佢,跟著種種原因就拍烏英😵‍💫咁佢見到老闆咁愁咪念經囉(橫掂拍烏英)阿尾駝闊阿尾駝闊……。 如是者一星期,居然師兄有個客人(高人)出馬為老闆娘寫人咁高嘅對聯貼係門左右,對聯係抄類似當年【太平戲院】好多石塘咀【紅牌阿姑】去捧馬師曾先生場嘅對聯 【太古衣冠猶慕漢】 【平台歌舞足移人】 原來當時出紅牌即【阿姑有生意】仲係非一般阿姑先有紅牌(用銀紙煲紅豆沙爭紅牌阿姑)仲要日夜都播……我老豆姓呀呀呀余,我嘅老豆姓呀呀余……嘅曲🤭 又真係估佢唔到呢招又咁橋,放出局紅牌易拉架嘅對面鋪從此冇咁多客,而師兄老闆娘又正常番(師兄話唔要人哋嘅只是希望回覆平常就好開心),最後對家仲執咗。 聽師兄講高人話話因為地點及咁橋佢老闆係女人仲要係姓余夾埋對家張紅牌又要夾………………咁先有效,非專業勿抄勿插🤭

好人好事~村婆( 🏅究竟係乜?)完

如是我聞,師兄描述嘅 🏅嘅嘢究竟係咩嘢嚟?師兄話高人講個個都唔一定係同一樣,要夾天地人和,仲有當時唔肯定梳化對住牆後與羅漢松之間係咩嘢蠱惑,由於地域原因太張揚亦唔會持久有效,亦唔主張鬥法因兩皆有過即使今次有效都會自損三千咁話喎,最最最重要係存慈悲心,高人唔會殺死羅漢松(只係矮咗5尺一個女人嘅高度啫),亦希望有情有義嘅倆夫妻都明白怨恨害人害己,希望先從自己化解怨恨唔係要求人哋喎。只要sales老公努力去感化佢老婆(唔係村婆)自然仁者無敵。

好人好事~村婆(四)

如是我聞,師兄個客sales倆公婆自從搬咗入村屋sales老婆就成個人變晒又抑鬱又間唔中唔係唔記得閂門(仲大劑過唔記得鎖門)就係唔記得閂爐火(洗完個煲唔個點解會開咗個爐就走去瞓覺完全唔記得由得乾燒),又三日唔埋將屋企啲有錢都未必買到嘅希有蘭花送比鄰居嘅村婆仲成日幫村婆做埋啲下欄嘢……。我火龍果問師兄【點解你會破例問老闆娘嘅高人客?】師兄話咁橋阿高人客嚟食嘢當日我收到sales老公嘅急call話sales老婆比阿村婆教佢出賣屋企人!【唔係馬師兄,好似睇戲咁嘅?咁sales老婆又聽村婆咁做?】就係平時聽晒村婆話嘅sales老婆居然馬上話《我做唔出》咁橋sales老公係門後聽晒知道事太嚴重。高人客原本唔想搞咁多嘢就係聽到sales老婆呢句《我做唔出》咪叫whatsapp嚟望吓囉,一睇就話成日坐嘅梳化有問題但唔係梳化而係梳化對住度牆後有蠱惑?【咩話?咩嘢蠱惑?】高人客又冇講只係叫佢放件大大隻嘅 🏅七日內就知真定假,但人心惡毒不過sales老公為老婆悔改,止住咳先啦。

好人好事村婆(二)

如是我聞,師兄話佢個客阿sales老公放咗件咩嘢之後,阿sales老婆雖然情緒仍然不穩但瘀傷減少了很多,而棵羅漢松就係七日內由8尺變咗得3尺,平時村婆都會將村內小咗嘅一花一草都會八比阿sales老婆知,但這個絕口不提(咁貴嘅嘢消失咗一半居然唔提?)sales老公問師兄點解嘅,師兄話【我都係問高人咋,高人問你哋係咪得罪人?同埋話最好就多啲念吓觀音菩薩啦,佢就只能做到呢度,其實仲有喇不過兩皆有過唔可以鬥得過業力喎】,sales老公聽到呢度好感嘆,原來起初搬入呢間村屋當日sales老婆為咗啲芝麻綠豆咁小事嘅嘢同人閙交。

武仁發夢三步曲

如是我聞,師兄個客武仁自從死老豆後,開始每日都向天問老豆【你去咗邊?係去就去極樂世界呀。】,大約過咗七七後某一晚【武仁,我到咗喇!】夢中武仁老豆樣冇變但頭髮變咗黑色著得企理企係度同武仁講完,武仁就醒咗咯。再過多大約半年,武仁又發夢,係夢中,佢老豆帶武仁行過條大鐵橋,到一個好似劏房咁細嘅宿舍,打開門叫武仁睇吓佢住緊嘅地方,武仁話骨子房仔細細潔淨整齊有盞光亮嘅燈好cozy. 師兄同火龍果講到呢度【 聽啲長輩講,點樣死對後人都有啲影響】

武仁發夢三步曲

如是我聞,師兄話有可能人在臨終前會知自己就快死或者會有預兆自己會死或危難,這個可能自己或者親人透過發夢或者聽到(解釋唔到嘅幻聽)得知,師兄話佢有個客叫武仁,武仁有一日問師兄【發夢會唔會係啲咩嘢嘅預兆?尋日發咗個同老豆搵地方搬,係番細細個時所成長嘅屋邨】師兄問武仁【咁係個夢你最深刻嘅係咩嘢?同埋七彩定黑白?有冇對話?】武仁答【最深刻係西斜所以感到熱熱哋(夢醒都覺得熱熱哋)由於西斜所以冇咩色,冇印象好似冇咩對話因為夢中唔係同老豆一齊搵地方搬,係我企係細細個成長嘅地方收到老豆電話話要搵地方搬要嚟睇吓問我係咪到咗喇?】師兄問【咁咪即係有對話?但令尊話搬仲係西歸西都係有機會bye forever】武仁答【夢中聽完老豆問我係邊,我想答佢就見到老豆瞓咗係間好大嘅房,房內得一張床好暗,我好似係好高咁望住佢,由於太高見唔到表情就醒咗喇】師兄話【咁就有可能,由一個差嘅環境轉去一個較光亮環境,都唔係差丫,唔使擔心每個人不論貧富似終要離開換另一隻殼】武仁話【師兄,老豆住係大陸一個月都未必反香港一次,我最擔心佢一個人係大陸……】師兄話【萬一真係令尊轉環境或許會同武仁你有關,令尊靠你搵地方,現在你可以做嘅就係接觸或搵吓所謂令尊喜歡地方係邊度(希望令尊如願移民去度個福地)】

三叉路走廊

如是我聞,師兄話其實農曆七月係孝道月,慎忠追遠的最佳月份,佢仲話係不久嘅將來都可能冇得化寶咯,唯有而家化得一年得一年【師兄,而家人世間都進化到用電子貨幣啦,往後或者連某空間都唔使用實體金銀呢?】講講吓,師兄話有一年農曆七月,佢大約半夜先返屋企,點知佢行出lift門想攞鎖匙時,離遠見到係走廊嘅三叉路口有個男人踎咗係度雙手舉起遮住個頭!起初佢以為飲醉酒或唔舒服,師兄要經過呢個男人嘅三叉路位置先返到屋企,佢再行近啲,原來呢個年青男係用雙手護住個頭,好似比人打緊好似好痛苦咁叫,但係師兄見唔到其他人亦聽唔到任何聲(咁夜嘈嘅話保安實來做嘢)但師兄眼見到實程係,個男人被人打一身(係被空氣左一拳右一拳打個頭慘叫);另外亦係下一層見到一個大約半年前跳樓嘅街坊成個人企咗响三叉路走廊唔郁,師兄話唔驚只係當日見到好面善一時間想不起來,通常話師兄咁樣好易病噃,但係現實又唔係咁。師兄話上天護佑啫,幻象!全是幻象。

好人好事固髮固齒

如是我聞,師兄話佢老闆娘請飲茶慶祝請埋我火龍果【做咩咁大陣象呀?】老闆娘話師兄同我火龍果幫佢保住甩剩三分二嘅頭髮及令到佢嘅恐慌消失,係半年前左右某日原本有把濃厚嘅頭髮嘅老闆娘如常梳洗時順便梳埋個頭,發現成個洗面盆鋪滿佢嘅脫髮,嚇到佢以為自己患咗絕症,自那天起每朝早都係咁,搞到佢連頭都唔敢梳,求其用手指梳兩梳就算,又剪埋短髮改形象(都係希望保住把頭髮),又換洗頭水護髮素但只有些微功效,有日火龍果去送啲鹽呀糖呀醋呀比師兄時,聽到老闆娘為咗區區嗰三千煩惱絲冇胃口食飯,就問老闆娘【咁勁甩髮,咁掤牙都唔荒好,係咪?】老闆娘喊晒話正是【希!我細細個時抄《紅樓夢》阿寶玉飯後用茶水漱口然後用“青鹽”擦牙,後尾大咗先知原來阿藥王孫思邈先生都話用一啲鹽加溫水含在口中,可以“口齒牢密”,又小學時用暖嘅天然米醋洗頭(洗頭水同護髮素未面世)都唔知幾靚,而家有閒情間唔中我都會咁做】老闆娘聽完好似中咗六合彩咁話要試吓【火龍果在此聲明有咩事或甩得更多頭髮或牙齒,我唔負責架!】😅其實見老闆娘做人都算有口齒又唔爛口講人是非故牙鬆或口腔問題都係暫時性啫一定會醫到嘅,至於頭髮呢火龍果覺得係盡量唔好得罪人晒吓太陽唔好涼咁多冷氣用小啲牙膏,頭髮就唔會甩得咁恐怖架喇,講到呢度火龍果幸運地有齒有髮都要在此向眾仇家道歉先😔

好人好事化災爆閙口舌

如是我聞,師兄話有個朋友好鍾意招口舌!鍾意到要問高人點樣可以快啲招口舌?【唔係馬,只有聽人話化口舌啫,貴朋友係乜水?】係咩嘢啲網絡年青人囉,個樣仲愈招愈年青!【咁如果貴朋友like口舌,而事實又合到佢河車嘅,咁唔一定完全係壞事嘅,咁貴朋友係網上被比批評批判點處理?】笑罵由人兩清風※激點指數上高峰 【咁嘅咩?】從心理角度嚟講,最低限度有人注意有人重視有人花時間係佢度,even係負面!【咁貴朋友當真開心】佢果然開心,但由於佢冇咩動氣所以口舌會自化(即係唔會無日無之咁下去)所以要問高人點招口舌囉【貴朋友真變態】咁佢內心有貪都會有後遺症嘅,但如果冇憎恨又幾積極嘅個樣會精神啲呢啲已經係面前嘅好處囉【火龍果唔明】舉例,古時燒炮仗係好嘈嘅係咪?【係又點?】引火個位點完會唔會仲企係度?【梗係走開幾丈遠啦】古時醫學唔發達,相信炮仗內成分有留黃呢啲消毒嘅藥可以化解一啲障氣厲氣【哦…所以唔講燒係講話放】對!【貴朋友放炮仗就走開然後化病?】可以這樣說,不過唔清淨(有求)故會有後遺症。

奇幻火龍果

如是我聞,師兄話願在此丁方之地喜歡唔喜歡火龍果所寫奇幻真事讀者們嘅生活空間不斷擴闊 😇思維擴闊 😁心量擴闊🥰

好人好事~更年期

如是我聞,師兄話佢個家姐近排有個搞笑發現,佢家姐係工作嘅地方某張枱(或櫃)攞文件後,係張枱或櫃旁邊嘅同事們必然有個動作一同馬上出現,【師兄,咩嘢動作?望住你家姐攞咩?】唔係噃,相反,馬上視線轉移一齊攞部手機出來睇(由於十次十次都係咁同埋多於一位,故留意到),【咁又點?】本來冇咩但家姐肩背部就會好熱,咁就測試吓係咪有倆者關係(家姐取物+人哋攞手機出來睇呢個動作),直至到家姐用物理原理去解釋比師兄知(太複雜火龍果唔識描述)好似亦用呢個原理去解除家姐嘅肩背熱(乜唔係更年期咩?唔使睇醫生?)師兄嘅角度去解釋佢家姐唔夠福報咪有更年期障礙囉【咁咪好多人都唔夠囉?咁點解家姐又搵到方案?】係架阿火龍果所以要積福唔好折福囉,師兄嘅角度去解釋佢家姐積福囉,不過家姐都熱咗4至5年喇受夠就退又或福報積到夠厚咪咩嘢原理都會好番囉,師兄話佢家姐都好相信因果嘅,所以唔太記仇呢點都有啲幫助嘅,家姐話因果會判決盡量唔使自己去記埋呢啲唔開心嘅嘢,有時間研究吓改善生活嘅方案仲實際。同場師兄話食幾多洗幾多都有定數,如果呢世係一定花走睇醫生錢(病痛錢)不如一早捐咗佢仲好,唔使受苦。

好人好事化苦六神回朝

如是我聞,師兄撞番阿資深婆婆後跟住比佢嘅藥方按時依資深婆婆嘅叮囑咁做到足,半年後嘅某一日返工做做吓嘢突然間……師兄眼角描到有啲嘢閃過,對!係隻老虎大頭相嘅圍裙,原來係半年前話師兄金手指嘅同事私家圍裙後面綉咗隻老虎大頭樣 🐯,再細心發現除咗私家圍裙,該同事仲有個係今年虎年名牌菇芝虎年特別版tote bag(啲八卦婆會講,即係返工帶隻老虎入嚟,換上圍裙就有隻老虎頭望住你,放工換走圍裙又有隻全身老虎走),師兄個腦叮一聲,放工回家搵一樣嘢…… 呵痴 呵痴 呵痴 呵痴……

好人好事化苦

如是我聞,師兄講完《太平戲院》對聯後,話重有兩個拆解嘅事係忠人(唔係高人又唔係下人)化解嘅,佢話曾經有個同事因事話佢金手指,自始之後呢位同事唔係帶個老虎手袋就係介指總之有大有細日日唔同,初頭師兄唔覺咩嘢以為係同事轉咗口味,不過亦自始以後師兄時不時突然行前忘後斷片!對係斷片空白咗!咁好影響師兄嘅performance。

消暑

如是我聞,師兄話近排好多人熱死咗,就算有冷氣一出外都好難頂,師兄問我【火龍果!點解你成三十幾度都著到好似隻魔鬼魚咁嘅,由頭黑到落腳又阿伯背心加長袖衫,你唔熱嘅咩?】,我火龍果相信唔係著得衫小就會涼啲,如果成日係冷氣出出入入咁仲要付出代價,聽講英國名牌丫罸大學研究話熱有三種傳遞方式,如用衣服去散熱(唔靠晒冷氣)咁就要睇吓係室內定室外(或混合)往往著黑色衫唔一定係熱過白色衫,仲要睇埋其他衣服嘅因素……【火龍果!你好長氣呀!……】師兄如果你想慳電費如果你好似我咁身體咁弱年紀唔細,你或者會好似我咁搵如何降溫渡炎夏。 願 人仁皆在清涼地 貧富皆唔洗受氣

防疫套餐~杜松果

杜松果,天然防腐劑,與其他水果不同,它是僅少量食用的水果(或乾果)或肉類中以提味(辟毒)。常以乾品在大型超市內出現,小量沖茶飲對糖尿病和去腫減肥消炎回春或有幫助(孕婦勿用)。 中世紀醫院燃其枝葉來淨化空氣及殺菌。杜松果有健胃利尿,預防膀胱炎、尿道炎,減輕關節疼痛。

保平安~幻視20米

如是我聞,師兄話前兩日提早返工原本想係公司吃嘆完早餐開工,但最後改變主意係附近公園低調pinic食完先返工,改變唔係公司食嘅原因係唔想同事以為佢扮勤力,由於拉低口罩埋首閃食。咁橋,師兄食食吓突然周身唔自然咁,仲有一啖就收皮,都頂唔順抬頭一望,倚!點解成廿米有個高大男好似一路操兵咁望住我呢邊行緊呢邊嘅?未住未住,好似……好似遮住後面仲有幾個……發生咩嘢事呀?晨咁早有隊人及便裝搵人冇帶口罩大行動(師兄雖然掛係耳度食早餐但可能都唔合格)🥶 佢哋係約廿米時居然被師兄只近視眼睇到👁️👁️(平時兩米外都濛查查由其今次便衣遮住咗佢哋一行人),師兄可能心虛覺得佢哋一路行近師兄一路望住師兄咁。求真嘅我要研究為何師兄今次避開一劫……係7月7日晚8點左右佢好心真心細心小心提醒過我lunch又要經濟外賣嘅話點食去邊度食去避免犯5千。師兄話幻象嚟全部都係幻象嚟 😆🤣 【幫人等於幫自己】 【害人必定有手尾】 【好事盡做莫計較】 【頭上腳下存天地】

膝蓋屈伸痛治療

如是我聞,師兄話對治膝蓋屈伸痛最平最快最簡單嘅方法就係拍佢拍到瘀血浮出來(只是分享非專業勿插)

幻聽治療

如是我聞,師兄話對治幻聽最好嘅方法就係當自己係玩緊VR game。

放條生路避一劫※犯水險前

如是我聞,師兄係年廿八聽到火龍果話面有污雲眉心有針,如是者平平安安又到立春,師兄如常放完年假返去嗰六萬尺吉地檢查吓有冇咩嘢執頭執尾,行到公司門口前地毯,蝦!點解拱起咗唔平嘅同平時唔係好一樣!自然反應哋大力一腳踏落去,唏唏唏仲有一吋就到地🤔……hold住隻腳先……好似地毯下面有啲聲,慢慢咁揭開張地毯,嘩嘩嘩!原來有條活蛇🪱係毯下面定格咗(可能取暖掛),師兄同條蛇四目交投講【喂!乜咁整蠱呀,裝我彈弓?我唔知你點解會係度,今日你好彩遇到我,上次你嘅親戚就比我哋租客捉到打死咗,我唔食蛇嘅,快啲走開比我入去返工!😡】媽尼媽尼空……媽尼媽尼空…… 就係咁,條活蛇炸一聲向住大閘往外衝去,唔係師兄機警,否則一腳落就比條蛇咬就冇仇報,師兄又忙碌係六萬尺吉地工作。

光明燈vs邪門蠱之藥箱內的頭痛

如是我聞,師兄話曾經係一間細公司做嘅時候,做兩年個後尾枕痛足兩年,睇中醫話氣虛,睇西醫話瞓覺個枕頭高度問題,【責】到個枕骨神經,但都冇好轉過,睇病錢亦洗唔少,師兄平時念經但真係痛到佢冇動力,有時仲痛到跳吓跳吓,好似有蟲係個頭裡面咁。 後來另外有位資深啲嘅師兄建議佢做大禮拜即使幾次都唔拘 ,咁師兄就試吓,嘩!點解烏低個身拜個頭好似冇咁痛嘅?唔通個腦唔夠血(🤢貧血?)?唔理咯,第一日拜十吓,第二日拜十二吓,第三日……拜一百吓……如是者一個月某日返返吓工,倚!原來師兄個工作位後面……佢做咗兩年都唔覺有嘅藥箱(可能平時頭痛冇心機留意),嘩咁多塵嘅個藥箱從來冇人執過,好啦橫掂手頭啲嘢清咗,就清潔兼消毒順便執吓個藥箱啦,嘩!啲藥過晒期dum得!未住!!點解啲膠布同把剪刀夾住啲曱甴嘅殘肢🤮好恐怖好嘔心,殘肢沖去廁所,所有過期嘅dum晒,仲用火酒消毒成個藥箱,搞掂!說來奇怪師兄清潔完一閂藥箱嘅門就頭冇再痛至今。

唔好接【十字路口八達通】

如是我見,上年大爆疫前一個月嘅某一日係當時仍未係疫邨做緊義工,有位唔熟但識平日精靈嘅嘅後生男變咗目光呆滯嘅呆男係外面老遠十字路口執張八達通又老遠行入來比我,係都要我接佢係十字路口執來八達通😵‍💫。當時我眼定定望住目光呆滯嘅後生男叫佢唔係比我係比警察或保安,佢幾秒後冇講嘢,拎轉身行番去十字路口放底張話執到嘅八達通,我見佢咁多人唔比行咁遠比我,那我就要跟進【喂!阿邊個!點解您又放反去十字路口嘅?】後生男仍然目光好似死魚咁話【希望有人執到有用】 既然俊男送上來,別人的第一我唯有被迫跟進,那次再重重的提醒我【莫貪一時之利】,一個月後爆疫,如當時接過十字路上就慘。因為該十字路正正是幾棟樓爆疫中心區! 其實有人會想,車……又唔係我話要,係俊男話比我之馬,車……用咗咪放反一兩蚊囉,車……唔講邊個知啫(天知地知丫馬)😷

油麻地戲院

如是我見,咁忙咁隱蔽都被我遇到?! 我今日撈戲院後台跑腿,話說該地方內有個隱蔽嘅地主位及神位開工兩粒鐘,真係神咁早,乜咁隱蔽嘅祖師地主神位嘅咁都比我見到,好!我咪上枝香先 如是者午飯後又上香……喂……有人上咗香噃(遲啲先等人哋呢枝完就駁我呢枝)點知…… 都成個鐘啦點解人哋枝香點極都咁長嘅,望吓又好似冇息噃,半小時再跟進吓(已是3點) 吓……原來知香息咗,嗰啲光係頂燈反射咁橋係支香頂度,咪好似點緊囉。 好!咁我咪借火機點番佢囉,一攞個火機,頂丫,好似有嘢拉我手踭咁,火都未開就跌機!好喇,成功 正想回頭工作,嘩!見到一位上午係香港式男人,點解我一點完香居然近距離哋(即係在我後面)變咗楚留香?古色古香挪住把扇輕輕的撥吓撥吓 我好奇怪正想問【先生借問冷氣係咪唔夠做咩嘢好似大俠係我背後撥扇?】 未問出口,佢搶住問我呢度平時係有咩嘢做?🤔我點知噃我都係第一次嚟㗎咋。 我正想答佢我點知噃……佢又搶住問【會唔會係八和……】 睇大戲?呀香港年青男,點解上午同下午您嘅口味會有咁大分別?仲有點解你問埋啲台下觀眾嘅問題嘅? 【你自己上網睇啦,我都係第一次嚟咋阿咩哥。】 差唔多尾聲時,我嘅工作要搵出呢位俊男(即變咗楚留香嘅阿哥)及佢嘅女Partner 準備出場,搵全場都搵唔到佢哋,問保安又話冇人係後台出外,我明明見佢哋行去往後巷出路位置噃,又唔係場內又冇外出咁係邊呀? 係求真嘅我推動下,好!推開度防火門(即成40度熱死人又黑又暗又臭嘅後巷) 嘩! 俊男你哋做咩呀? 咁黑點解你哋都對到歌㗎? 係呀!佢哋居然係又熱又黑又臭又窄又無人嘅後巷唱歌對稿歌仲好開心,一啲都唔熱 突然間楚留香及佢嘅partner靚女,變咗倆個小朋友。