[惡搞無極限] 就係咁，我同幾個豬朋上左大陸獵金: ３２４　一枉驚天（補返更新）

（唔好意思，因為呢排做野加班，遲左一話，今次一連更新兩話，各位朋友記得睇晒兩話啊）

「搵一個人，一個好重要既人。」剛剛先搵完還珠格格，而家又要搵多個人，唔係掛，可能係我一臉怕麻煩既表情關係，還珠格格補充左一句：「其實呢個人一早知道佢係書城入面，而且約好左地點同時間，而家只要等佢出現就可以。」

「又會咁好。」我話。

「係啊，只不過我無諗過英紅吧會發生Ｄ咁既事，所以一見完果個人，我就會同你地即刻返去。」還珠格格話。

我同阿欣聽到佢咁講後，個心都定晒，而阿欣仲好開心咁話：「我愈黎愈覺得好玩啊。」





真係……如果我都可以當呢個係遊戲既話，咁就好。

「咁我地一陣要見既人係咩野人啊？」阿欣問還珠格格，而佢就答：「係一個手工匠，佢既巧手所做出黎既野，可以話係全世界最精確。」

全世界？咁勁？阿欣聽到後好興奮咁話：「咁姐係我地一陣可以見到個好勁既人？好緊張啊！！！咁妳點解要見佢既？」

「我見佢，係拎Ｄ野，好重要既野。」還珠格格講完後，就望一望錶，「時間都唔早，果個人應該就快到。」

「咁妳約左佢係邊度等？」我問。





「天台。」還珠格格講完後，笑左一笑，點解佢要笑呢？奇怪。

而當我去到天台後，笑既人，大有還珠格格同阿欣，而我，真係笑唔出聲。

「呢個咁都算係天台！！！妳痴能線架！！！妳點會約人上黎呢Ｄ地方到等架！！！傻既都唔會上黎呢度啦！！！！！」係，呢個咁激動既人，係我。

「如果你驚既話，你可以走先架，我地唔會怪你。」還珠格格好輕鬆咁話。

「走妳條命咩！而家最頂果個係我啊！妳地兩個係晒下面阻住我！我點走啊！」我仍然好激動地大叫。





「阿賢，你唔好咁啦，你睇下呢度既風景，幾靚啊。」阿欣話，但係我真係無心情睇，而且，如果唔係阿欣妳迫我上黎，我根本唔會搞到而家咁。

還珠格格口中所講既天台，根本唔會一個天台，而係一條幾長下既石柱，而石柱上面有條直立既樓梯……

係啊！！！無錯啊！！！而家我爬左上去啊！！！呢度好撚過啊！如果下面係平台既話！都好Ｄ！但而家唔係啊！！！

究竟點解會有人要約係呢Ｄ地方度見面架！！！！！