[HEHE][Chris x Jasper]《換個時代在一起》: 《全憑自欺欺騙我贏得到愛》
Chris
「看著我們 困倦眼神
數日已 仿似度過一生
如淚再流 無言被困 或者只有等
愛著那人 卻越抗衡
再熱吻 早也累透抖震
Baby don't cry, always be mine
要是明日 世界便到期
為何相愛 要這樣疲憊
Baby don't cry, we will be fine
愉快或皺眉 讓我抱緊你
誰還要想爭辯多幾世紀
Baby don't cry」
---------------------《Baby don’t cry》陳柏宇
Jasper
「我厭棄 聽這是是非非
到最尾 決定盲目愛你
應該我是該死 不可以沒有你
流言替你盡力倒轉黑白
跟你懸崖上戀愛 其實有多精彩
全憑自欺欺騙我贏得到愛
危牆下的愛 承受太多悲衰
我恨我應該 放開
若是錯愛 我不敢揭開
殘酷應該 流淚應該」
----------------------------《蜚蜚》陳僖儀
「係咪錯覺呢⋯⋯點解我覺得你同左我一齊之後，好似喊多左，以前都好少見你喊⋯⋯」Chris低聲嘀咕著，用手拍著對方的後背，試圖安撫對方的情緒。
Jasper把手放在Chris的胸膛，然後輕抿著唇搖搖頭，「錯覺。」
「我希望真係錯覺，我唔希望我愛既人因為我而會喊⋯⋯」Chris斂下雙眼，用手把玩著對方後腦的髮絲，「知道嗎⋯⋯？」
—聽起來真諷刺，他都不知已經為他哭過多少遍。
「嗯⋯⋯知喇。」Jasper抬眼看著對方筆直的鼻樑，微微點著頭。
「咁就乖喇。」男人笑了笑，黑沈沈的眼眸猶如不透光的黑洞，彷若要將他的靈魂吸入，他伸出右手，隨意又親暱地撫了撫Jasper的臉側。
「Chris⋯⋯」Jasper覆上對方摸在自己臉頰的大手，把身體向男人貼得更近，不留半點空間，「我真係⋯⋯好愛好愛好愛你。」
「我知道⋯⋯」Chris慢慢把手挪下，輕力托住Jasper的下巴，「對唔住，我知我係個好自私既人，令你要受咁多委屈⋯⋯但係我想你知道既係⋯⋯我都一樣咁愛你，絕對唔會俾你愛我既少，我講真架。」
Jasper幽幽道，「你上次講你愛我，就係我地重遇返，你飲醉酒個晚⋯⋯」
「我愛你。」Chris截斷對方的說話，揚起富有魅力的嘴角，吐出讓Jasper心酸又期盼的三個字，「⋯⋯以後都係。」
「夠喇⋯⋯」Jasper猛力搖頭，「我唔會奢望你愛我一生一世，你只要俾我知道⋯⋯依一刻你係愛我就得喇，唔好令到我期望太多⋯⋯」
「好⋯⋯我明。」Chris也沉默起來。
虐戀情深的兩人，終於拋開一切困難在一起了，為什麼愛著愛著就開始沉默，那種寂寥不安是從何方襲來⋯⋯
Chris的手機突破了寂寥的空氣般強悍地響著。
「電話響。」Chris從床頭撿起電話，看著屏幕輕聳起眉頭，便鬆開Jasper站起來，「我出去聽電話先。」
「喂？康妮⋯⋯係啊，岩岩訓醒⋯⋯」Chris的聲音跟身影很快被房外的黑暗吞噬。
Jasper忽然鬆一口氣，他竟然對康妮的突然來電不感到打擾，不覺得妒忌，甚至他心存感激她打破了他們倆人那沉寂得尷尬的氣氛。
「我諗到喇！個計劃名就叫《情人節甜蜜表白一擊即中冧爆皓庭大行動》！」康婷握著原子筆在筆記本上寫著。
「咩料啊⋯⋯好老套囉⋯⋯」Joyce翻了一下白眼，斜睨了一下康婷的筆記本，「又話溫書，成本簿都係鍾sir個名係想點先？」
「Joyce你咪由得佢寫囉，佢個乜叉大行動實失敗既。」Daniel撇撇嘴。
「無錯⋯⋯你講得岩，所以我連Plan B都準備好架喇。」康婷把筆記本掀著，「我講Plan A俾你地聽先，睇下邊個位可以再執執。」
「首先，Last Day個日我要係全班面前同皓庭表白，就係派結業證書⋯⋯派到我個時，我就會企係身表白⋯⋯」
「你認真架？咁大膽？」Joyce看著康婷那寫得密密麻麻又好比公文般認真的《作戰計劃書》和不容忽視的堅定眼光。
「我係100%咁認真，而且！一定要成功！」康婷用筆尖敲了兩下桌面。
「咁你當我係鍾sir，表白一次黎睇下。」一向爽朗的男人臉色黯然了幾分，心有不甘幽幽道。
康婷輕抽了一口氣，看著筆記本上的台詞唸著，「皓庭，依三年真係好多謝你，你係我心目中係一個一百分既老師，除左知識之外，你仲好關心我，我真係好感激你⋯⋯但係除左感激之外，我慢慢開始發現我對你既唔單止係師生之間既情誼，我都唔想我地之間淨係得師生關係⋯⋯」
「我真係鍾意你架。」康婷抬起眼，看著Daniel，目光堅定不移地說。
「痴筋。」Daniel呆了呆，環著手臂向椅背緊靠，語氣卻淡如輕風地下了結論。
「唔係啊⋯⋯我覺得都幾好啊，無論結果係點，做人最緊要無悔啊嘛，有幾多人可以做到婷婷咁大膽⋯⋯我諗都無幾多個。」Joyce看一看Daniel，「話唔定鍾sir都一早睇中左婷婷，不過因為職業道德而無出手者。」
「佢依啲叫唔要面，身為一個女仔些少矜持都無。」他陰沉沉的眼中閃過一絲狠戾，又有一絲不忿。
「哦，係架，我既左右銘不嬲都係『人不要臉，天下無敵』架喎。」康婷還是一臉嬉嬉笑，「林丹尼你做咩咁惡喎，宜家又唔係要你去表白。」
Joyce看看Daniel，無意開個玩笑，「佢呷醋囉。」
「我邊有。」Daniel一臉漲紅，別過眼光，良久，語氣認真喊了一聲，「喂，康婷。」
「嗯？」
「你係咪真係好鍾意鍾皓庭？」
「係！」
「鍾意佢啲咩？今次我係好認真問⋯⋯」
「佢靚仔囉，佢既演奏魅力好吸引⋯⋯佢好成熟好聰明⋯⋯哎⋯⋯我都唔知點講，鍾意係一種感覺黎架喎，好自然⋯⋯無話鍾意佢啲咩架喎，佢所有野我都鍾意。」康婷雙手捧著小臉認真思考著，「拿，我仲有PlanB架，如果朝早我淆底又或者同唔到佢講，我就會夜晚約佢出黎，點都要係情人節個日同到佢講！」
「你係咪決定左，點都要同佢講？⋯⋯就算佢拒絕你。」Daniel把書翻了一頁，幽幽地問。
「都話係咯，當了左個心願都好嘛。」
「好，既然你講到咁⋯⋯做兄弟既實撐你架。」Daniel用手拍一拍康婷的肩膀。
「我地三個一世好兄弟。」康婷一邊牽著Joyce的手，一邊握著Daniel的手，高呼了一句。
Joyce看一看Daniel，Daniel也回了她一個不在意的微笑，苦苦的，酸溜溜的。
「嗯⋯⋯好⋯⋯Love you，好喇⋯⋯嗯⋯⋯錫晒你，聽日收工黎探你，Bye Bye。」Chris掛上電話，已經看到Jasper換上一身運動裝在玄關位整理著，「咁夜你去邊？」
「跑步。」Jasper把心跳計扣上手臂，「自從無跟你去打波之後，我都無乜點做過運動。」
「唔怪得又瘦又孨喇你，無左我連運動都唔做？」Chris又是一副嬉皮笑臉逗弄著Jasper。
「因為已經無左去打波既意義，所以我地無再見之後，我連球場都無再去。」Jasper一本正經道，坐下來低下頭穿上球鞋。
「所以我應該負返啲責任？」Chris走近Jasper，跪下來把他穿了的鞋子脫下。
Jasper征征的看著Chris，不明他的舉動。
「做運動一定要出街架咩？我地入房做啲更加帶氧既運動。」Chris掃一掃對方的大腿挑逗著。
「講笑，自從開始返工之後，都無乜點打過波，今晚我地就去打波，等我換衫，對鞋你再著過喇，哈哈。」Chris鬼靈精怪地吐一吐舌頭。
「無聊！！」Jasper薄薄的面上刷過困窘的紅潮，眼中透出了狼狽。
惱羞成怒了⋯⋯呵呵，臉皮薄成那樣，受不得一點刺激。實在不能怪他從小到大都喜歡逗弄對方，Jasper太過認真又莫名容易相信的脾氣，總讓人忍不住想戳他兩下。這算是一點小小的惡趣味吧⋯⋯誰叫他總是露出那樣不知所措得近乎可愛的反應呢？
「喂，行得啦傻瓜。」Chris手上拿著那顆充滿回憶的籃球，是那個有Derrick Rose簽名的籃球。
籃球拍地的聲音不斷響起，Jasper突然加快運球的速度，試著一個轉身以假動作切入Chris的防守，再突破對方輕輕一躍從側邊上籃。
這已經是十五分鐘內第十個入球。
「癡孖根⋯⋯係咪吹水架你？擺明有練開喇。」Chris還站在原地，雙手叉著腰叫嚷著，「以前你都無咁勁既，我有咩可能唔夠你打先。」
「係我以前特登讓你。」Jasper把球傳回給Chris，「到你。」
Chris把球接下，也突然加速想要殺對方一個措手不及，Jasper張開雙手擋著Chris的進攻，Chris左轉身又右轉身都找不到適合的身位越過。
「你贏喇，投降⋯⋯」Chris慢下動作，單手的輕力拍著球。
Jasper淺笑了一下，放下防守著的雙臂。Chris突然帶著球越過了對方，猛跳一下把籃球灌入籃中。
「終於都開齋既滋味係點？」Jasper還是保持一貫的笑容，「如果我唔扮俾你呃，你估你會唔會仲未有波入啊拿？蠢材。」
Chris拉起球衣往臉上一抹，把臉上的汗珠都刷走，回頭把籃球執起，馭起嘴，「咁寸？我宜家正式同你One On One，咪讓我啊你！老規矩，輸左個個要滿足贏左個個一個要求。」
「好，加油喎鄭雋。」
「你唔好輸啊鍾皓庭，我個要求可能會好變態架。」Chris揚起一邊嘴角，拍著球往前跑。
「跑步。」Jasper把心跳計扣上手臂，「自從無跟你去打波之後，我都無乜點做過運動。」
「唔怪得又瘦又孨喇你，無左我連運動都唔做？」Chris又是一副嬉皮笑臉逗弄著Jasper。
「因為已經無左去打波既意義，所以我地無再見之後，我連球場都無再去。」Jasper一本正經道，坐下來低下頭穿上球鞋。
「所以我應該負返啲責任？」Chris走近Jasper，跪下來把他穿了的鞋子脫下。
Jasper征征的看著Chris，不明他的舉動。
「做運動一定要出街架咩？我地入房做啲更加帶氧既運動。」Chris掃一掃對方的大腿挑逗著。
「講笑，自從開始返工之後，都無乜點打過波，今晚我地就去打波，等我換衫，對鞋你再著過喇，哈哈。」Chris鬼靈精怪地吐一吐舌頭。
「無聊！！」Jasper薄薄的面上刷過困窘的紅潮，眼中透出了狼狽。
惱羞成怒了⋯⋯呵呵，臉皮薄成那樣，受不得一點刺激。實在不能怪他從小到大都喜歡逗弄對方，Jasper太過認真又莫名容易相信的脾氣，總讓人忍不住想戳他兩下。這算是一點小小的惡趣味吧⋯⋯誰叫他總是露出那樣不知所措得近乎可愛的反應呢？
「喂，行得啦傻瓜。」Chris手上拿著那顆充滿回憶的籃球，是那個有Derrick Rose簽名的籃球。
籃球拍地的聲音不斷響起，Jasper突然加快運球的速度，試著一個轉身以假動作切入Chris的防守，再突破對方輕輕一躍從側邊上籃。
這已經是十五分鐘內第十個入球。
「癡孖根⋯⋯係咪吹水架你？擺明有練開喇。」Chris還站在原地，雙手叉著腰叫嚷著，「以前你都無咁勁既，我有咩可能唔夠你打先。」
「係我以前特登讓你。」Jasper把球傳回給Chris，「到你。」
Chris把球接下，也突然加速想要殺對方一個措手不及，Jasper張開雙手擋著Chris的進攻，Chris左轉身又右轉身都找不到適合的身位越過。
「你贏喇，投降⋯⋯」Chris慢下動作，單手的輕力拍著球。
Jasper淺笑了一下，放下防守著的雙臂。Chris突然帶著球越過了對方，猛跳一下把籃球灌入籃中。
「終於都開齋既滋味係點？」Jasper還是保持一貫的笑容，「如果我唔扮俾你呃，你估你會唔會仲未有波入啊拿？蠢材。」
Chris拉起球衣往臉上一抹，把臉上的汗珠都刷走，回頭把籃球執起，馭起嘴，「咁寸？我宜家正式同你One On One，咪讓我啊你！老規矩，輸左個個要滿足贏左個個一個要求。」
「好，加油喎鄭雋。」
「你唔好輸啊鍾皓庭，我個要求可能會好變態架。」Chris揚起一邊嘴角，拍著球往前跑。