［已出實體書］《香港殘響》-荃灣倖存者基地: 60

黑爪被猛然抽出，天峰立即痛苦吐血。
 
因為憤怒，我全身都在抖震。
 
只見他 整個腹部都是血，後背還有一小段大腸流了出體外……
 
虎殭的頭骨已經再生完成， 就像從來沒有受過傷一樣，它淡然地說：「 大腸被外來物刺中， 會令到大量細菌進入去，造成嚴重腹膜炎…… 傷者要承受一段長時間嘅痛苦，然後先會慢慢死去。」
 
它一腳踩在天峰的上背，「我就係想咁，一刀插心實在太便宜佢。」
 




「縮開你嘅腳……」 我咬牙切齒，雙手指骨發白。
 
「你睇下……人類就係咁脆弱的生物，咁樣插一下，就要死喇。」它欣賞自己完美的右手，「而我依種完美生物， 無論受幾重嘅傷，都可以立即再生……」
 
「咁我就持續咁斬！斬到你再冇辦法再生！！」
 
我舞動雙刀，使出最後一次的——殘虹亂舞！
 
巨大的憤怒令我 的出招速度加倍提升。
 




我以大開大合的姿態攻向其較弱的左側！
 
「 冇用㗎！！」虎殭低吼一聲，以極速手法將我的左手刀擊飛。
 
再一爪插進我的左上臂位置！
 
糟了，被它插中了大動脈血管。
 
爪拔出，我手臂的血像噴泉向前噴出！
 




「啊！！」
 
虎殭冷笑一聲，「咁樣失血……你應該開始頭暈？ 你再繼續劇烈移動落去，好快就會休克……」
 
天台中央傳來一把電子聲音：「尚餘30秒發射。」
 
我用右手緊按左手的三個血洞，冷汗直冒。
 
—— 趕唔切……我根本冇可能過到去關閉裝置。
 
——霧化嘅Z病毒一射出去， 呢度下面所有嘅人都要變成殭……
 
殭屍的左爪高舉， 預備要擊殺我。
 
—— 唔通我真係要死喺呢度？




 
—— 仲有邊個可以幫我……
 
—— 叫普通人上嚟，只會徒添一個亡魂。
 
——除非……
 
我深深吸一口振奮的空氣。
 
「 妹妹！楊小喬！楊小喬！！！」 我急切地揚聲呼喚妹妹。
 
雖然，在天台這裏，聲音未必可以傳遞下去；但是，這種強烈的意念…… 我相信她必定能夠接收到！！

人類的意念，可以穿透一切。
 




「楊小喬！ 哥哥需要你幫手！哥哥希望你可以即刻上嚟破壞裝置！！」
 
即使我將要犧牲被殺……
 
很快，破門聲。
 
戴著黑色口罩，穿著一身深藍色運動服的楊小喬疾衝過來。
 
是剛睡飽吧？ 妹妹看起來很精神呢。
 
我大喜過望，立即對她說：「 阿妹！即刻幫我過去破壞個長型裝置！！」
 
然而，她沒有照辦。
 
妹妹見到哥哥有危險……




 
碰！
 
小喬以凌厲的踢腳，一腳踢在虎殭的頭部！
 
格的一聲，巨大的踢擊力令它的頸骨立即斷掉一半！脖子左邊出現一道很大的撕裂傷口！！
 
虎先是愕然，然後低聲慘叫。
 
它吃痛的按著脖子的傷， 退後幾步，怒目瞪視小喬。
 
電子聲正進行最後十秒的倒數。
 
「 阿妹，你頂住先！ 用我以前教你嘅踢擊技拉開距離！」
 




我往裝置疾衝——在裝置前 ，我想打開手機內的訊息圖片，內裡有小方的關機教學。
 
「 頂呀，呢個時候先嚟死機……」
 
—— 一定係頭先 戰鬥嘅時候撞壞咗部手機。
 
—— 唔緊要，憑記憶……
 
我先按著面版上的switch鍵……然後……
 
經過一番努力後， 我終於在倒數的最後兩秒成功解除裝置！
 
「呼——」
 
 
虎殭一直用右手捂著頸左側戰鬥。
 
它居然 流露出驚惶的表情。
 
它咬牙切齒地說：「 點解、點解我呢個傷口一直復原唔到……」
 
小喬使出連續三下 疾風般的踢擊——殭的左大腿、左腰、左肩接連中招。
 
「可惡…… 你依個污糟又低賤嘅不完美生物， 竟然膽敢傷害我！」暴怒的殭將小喬一腳踩在地上，「去死！！」
 
它伸出左利爪直刺小喬眼球！！
 
在地上的小喬舉手擋格。
 
我跑過去，掄刀大喝一聲：「 唔好掂我妹妹！！」
 
楊門刀法——雷霆！
 
十式中最快最準的突刺！
 
嚓的一聲，虎殭整條左手臂被我斬掉！
 
它吃驚退後幾步。
 
我把妹妹扶起來，立在她身前，保護她。
 
「 阿妹，你有冇事？」 我看見她臉上的爪痕，有點心痛。
 
妹妹搖搖頭。
 
我看著眼前的高壯仇敵，單刀直指其血色獨眼。
 
「虎殭， 睇嚟你最大嘅弱點就係頸！」

.
我IG: water_lam_ig

記得加喔