由O Camp組爸組媽變左做真正既夫妻: Chapter 50

呢幾日，主要都係圍繞、屋企、學校、Firm同最重要既Claudia啦！

至於架Benz，就物歸原主返左去姑媽身邊啦。由於新車未到既關係，我架掃把佬就比左爹地攞左黎用，而我呢幾日就攞左Claudia架Fit同坐MTR返工返學啦。至於Claudia經過我既訓練下，駕駛技術比之前進步左好多，睇黎我真係可以比架掃把佬佢用啦！

直到星期五晚⋯⋯

我收工之後，Claudia就wtsapp我。

「B，你放工未啊？」



「放左啦！今晚食飯啊？」

「好啊！邊到等啊？」

「而家落黎金鐘道既巴士站啦！」

我就跟住Claudia既指示，落左去巴士站，佢架GC8已經係到，見到車窗原來佢仲車住著校服既妹妹。


「B，到左啦！」Claudia即刻比左個Kiss我。



「阿哥，做咩咁遲架？」

「岩岩放工咋，你唔駛練水咩？」我問妹妹。

「我練完啦！頭先Claudia姐姐接我放學啊！岩岩係地鐵站接我。」

「阿哥，爹地媽咪話要我地返大圍食飯啊！Claudia姐姐都黎啦！」

「好啊！我都未去過你舊屋添。」Claudia嫣紅一笑。



「Yeah！不過Claudia姐姐你可唔可以車我返屋企啊，我想換衫啊！」妹妹問。

「知道啦！出發啦！」

我地三個就揸車出左去，而坐係司機位既Claudia同副駕既妹妹好似閨蜜咁有講有笑，而我就坐係車尾到望風景，但可能今日公司太多野做，尋晚同Steven佢地打GTA打到天光先訓，所以最後我訓著左。

「起身啦～唔好訓啦！」我隱約聽到把好溫柔既女仔聲。

「我係邊啊？」我擘大眼。

「你做咩係我架車到訓喎？快啲起身啦！」Claudia嗲住咁同我講，佢望住我個樣真係好可愛，好Kawaii呢！我相信任何一個男仔見到佢既話肯定會小鹿亂撞，臉紅心跳，更何況⋯⋯我而家仲係Claudia既男朋友，呢一刻我好驚會把持唔住會食左佢啊！


「哈哈，我訓著左添！」



「你仲好意思講既！」Claudia冇我咁好氣。

「B啊，你想揸架掃把佬定係Fit仔啊？」我問Claudia。

「你嗰部啦！小女子架車要休息下。」

「好啊！」我地兩個就鎖返好架GC8，然後去換返我架RA-R。


過左五分鐘，爹地媽咪同妹妹就落左黎停車場，而我地就坐係架掃把佬到。

「爹地、媽咪你地黎左啦！」

「岩岩返到屋企啊！不如我地五個人一架車啦！」媽咪話。



我、Claudia、妹妹三個都冇異議，結果我同妹妹提議爹地、媽咪坐前面，我地三個坐係後面。講真買左呢架RA-R咁耐都未坐過後座，今日終於有機會試下。而我爹地手車都好辣之餘又會好定，我呢個做仔既駕駛技術就係佢一手一腳教出黎既。如果用返頭文字D既理論黎講，我係藤原拓海，而佢就係藤原文太；至於媽咪都有電單車同私家車牌，佢手車肯定會不及過我同爹地架啦，但如果同Claudia相比既話，兩者都不相伯仲，手車唔快但好穩陣、好安全。

話時話升左大學之後，都好少一家人咁坐埋同一架車傾下計，呢種感覺令到我返去左小朋友嗰陣，一家人好開心去遊車河去玩。而家仲多左Claudia坐埋一齊，爹地媽咪既感覺好似多左個女咁開心。唔知我將來有冇機會車住Claudia⋯⋯同我地既小朋友一齊去遊車河呢？不過爹地今次就行東隧，經觀繞入大老山隧道入沙田，最後就由沙瀝公路落返大圍。由於東隧同大老山比較少車，所以就比平時快左十分鐘就到左大圍既屋企。

我地泊好車之後，然後入左屋。而爺爺、嫲嫲、姑媽、姑丈見到我帶左Claudia返黎就嚇親。

「嘩全家都黎啊？」

「爸、家！」爹地話。

「呢位係孫新抱呢？」嫲嫲問。

「係啊！我係阿勇既女朋友啊！我叫雅晴啊！嫲嫲你好！」



「OH！雅晴啊當呢到係自己屋企得架啦！！」嫲嫲話。

入到屋之後，媽咪、妹妹同Claudia就係到講女人野，姑丈、姑媽同爺爺嫲嫲就係到打牌。而爹地就叫我：「仔！過黎！」

「做咩啊？」

「去沙皮狗到啊！行過去啦！」

「做咩唔比媽咪知啊？」

「你陣間就知囉！！」

由於我舊屋去沙皮狗間車房只係幾百米，當然行路過去啦！入到去間車房，就見到有幾架R32、R33、R34 GTR係到整緊，嗰幾架車仲有同一張貼紙，應該係同一個車隊黎。而沙皮狗就同佢幾個伙記係到吹水。

「狗哥！」爹地一見到沙皮狗就即刻攬頭攬頸。



「嘩兩仔爺一齊黎啦！架車搞掂啦！」沙皮狗話，然後佢就帶左我地去入邊。係架白色凌志Rx200。

呢架凌志呢就係今年新出既RX200T，雖然外表係全原裝，同皇冠代理既行貨一樣。但再睇睇入邊，呢架係日本本土版，玻璃仲貼住日文車貼。都岩既，爹地由以前到而家都只係鐘意買日本本土版水貨車，從來都唔會幫襯皇冠行貨。同埋呢架車今日先出左牌，同我架車一樣，都係AL車牌。而且呢架車唔算大食，差唔多2000CC，係香港基本上都夠晒用。









「點啊！滿唔滿意啊！」沙皮狗問。

「你幫我搵返黎既，一定滿意啦！」

「幾十年兄弟講呢啲！Aaron試下架車啦！」

「唔係爹地試咩？」我問爹地。

「我試左啦！你坐下司機先啦！」沙皮狗同我講。

我坐上去，見到呢架RX200T已經裝好車Cam。睇黎爹地真係好捨得。

「多謝你先喎，沙皮哥！」

「我都係後期幫你改裝咋，你要多謝我個Friend啦！不過佢今日唔得閒，下次介紹比你識。」沙皮同爹地講。

「請你食餐飯都要既！去我屋企食飯啦！叫埋阿嫂同琪琪一齊黎啦！」

「好啊！」

如是者，沙皮狗就早啲叫班師傅收工，而佢老婆就係車房既老闆娘兼機械工程師，一直同沙皮狗出雙入對，感情好好，所以沙皮狗咁多年黎對佢都好專一。而我地五個就坐左部RX200T返去舊屋，然後行入屋企。