[陳子鋒系列] 大學入學篇: （六十）炎冰之死

「Raymond，你依家係咩意思？」
 
「陳子鋒，我估唔到你真係可以一個人對付咁多人，仲爭啲將我嘅主人消滅。好彩我一早隱藏自己嘅身分，如果唔係，依家已經徹底玩完。」
 
「我唔係解開咗對你嘅操控咩？點解......」
 
「從一開始就無咩操控唔操控，我幫助貝爾菲格復活，然後佢提供我需要嘅嘢，我哋從來就係買賣嘅關係。」
 
「你，你先係猶大？」
 




到了這個時間，我才發現，原來從一開始就猜錯了。
 
Judy的情況明顯是被洗腦操控住，三十枚銀幣只是提供來對付及誤導我的道具，真正的猶大從來不是透過操控甚麼，他是憑藉自身的意志去幫助邪惡的一方，這才是猶大的本質。
 
「我唔係咩猶大，不過，事情發展到呢個地步，你鍾意點叫就點叫啦。你快啲過嚟，唔好諗住出古惑。」
 
可惡，分明只需要一下，我就可以解決掉貝爾菲格，但看着Raymond手上的刀子，以及仍處於昏迷狀態的炎冰，我知道自己別無選擇。
 
「我會過嚟，你放咗炎冰先。」
 




「你都痴痴地，我放咗佢你仲會聽我講。唔好諗住玩嘢，快啲行過嚟！」
 
「我都要快到先得㗎，我已經無晒力，一係你過嚟捉住我啦。」
 
「哼，我親眼睇住你同呢個女人做嘅嘢，知道你哋有啲古靈精怪嘅力量，我唔會上當，你再唔行快啲我就對佢唔客氣！」
 
Raymond突然把刀子往炎冰的脖子靠得更近，我知道他並沒有在說笑。
 
「唔好郁手！我過緊嚟！」
 




雖然嘴上這樣說，但身體卻完全不聽使喚，我用意志力驅使自己快步往前走，但身體卻跟不上腦海中的指令，整個人撲倒在地上。
 
「仲想扮嘢！去死啦！」
 
我抬頭一看，Raymond手上的刀子便已用力刺向炎冰。
 
「唔好呀！」
 
我大喊一聲，但根本阻止不了他的行動。
 
就在此時，我放在口袋中的十二門徒石突然變得熾熱，穿過了我的口袋後撞向Raymond。
 
而Raymond似乎被門徒石上的能量影響到，握住刀子的手突然鬆開，就這樣落在地上。
 
「呢舊咩嚟㗎，走開呀！」




 
只見Raymond忙着在應付那像蒼蠅般圍繞在他身邊的石像，一時間應無法再對我作出威脅。
 
「好機會。」
 
不知道是那門徒石的副作用，還是剛剛的鬧劇為我帶來了一點點的休息時間，我感到自己的體力稍為恢復了一點。
 
現在我能做的，便是解決掉一切的災害根源 - 貝爾菲格。
 
我狼狽地再次向那團黑色火焰前進，那該死的火焰比剛才稍為壯大了一點，再不行動就來不及了。
 
「唔得，劍指有機會被佢走甩，炎冰，借你嘅破邪術一用。」
 
破邪術式把那團黑免火焰徹底包裹起來，下一秒就能把他消滅掉。
 




「陳子鋒，你唔駛旨意搞破壞！」
 
擺脫了門徒石的Raymond，撿起了刀子往我撲過來。
 
「你死心啦，我已經徹底消滅貝爾菲格，你唔會得到你想要嘅嘢。」
 
「收聲，唔會，唔可能。貝爾菲格係不滅嘅。只要殺咗你，貝爾菲格就有軀體可以用嚟復活。無錯，只要殺死你就可以啦。」
 
他發了瘋般向我衝過來，門徒石的力量已經消散，我的體力也到達極限，看來是沒辧法了。
 
然而，Raymond卻突然跌倒在地上，我仔細一看，卻發現是清醒過來的炎冰，勉強抓住他的雙腿，阻止了他的前進。
 
「你條八婆，原本我諗住放過你，但你要阻頭阻勢就唔好怪我！」
 
我的叫聲並未起到任何作用，Raymond的刀子已經刺進炎冰的胸口，炎冰發出了一聲慘叫後，胸口馬上流出了大量血液。




 
「炎冰！」