我嘅工作就係揀我鍾意嘅女仔拍拖: K房靘遇

五年前 - 中環

「飲啦柒頭！」
「聽枚，對呀，五呀」
「屌！又輸！」

「喂，呀文！咪撚訓啦，今日你係主角呀」James行埋嚟拍我塊面。
「你比我唞下啦..我飲撚咗成晚啦」我將隻手搖幾搖，想打發佢走，等我可以好好趴係沙發休息。
「屌，你入得嚟就係要飲啦，訓覺返屋企訓啦。聽我講，過多五分鐘我個fd就會嚟。信我，靚女嚟！」James話。佢係我嘅同事，平時返工戇下戇下，但佢一放工去飲酒個人就好精神。
「嗯..」我暈到連聽到靚女都唔想起身，只係想好好休息，然後準備班仆街下一輪對我嘅攻勢。





「係呀，佢前排分手呀。本身今日約佢出嚟都係諗住等佢開心下，點知佢咁快收皮」
「係嫁，好仔嚟嫁，雖然酒量係屎咗啲」
「下你都分咗手咩？」
「哦….哇我真係唔知。前排睇你仲同佢好sweet嫁喎」
「唔掛得琴晚一叫你就嚟啦」
我隱約聽到James講嘢，郁一郁個身向返住天花板，用手臂遮住自己對眼。突然間我feel到有人坐咗係我隔離，慢慢都聞到淡淡地嘅香水味。因為真係飲得太多，我完全唔想打開對眼，迷迷糊糊又訓返落去。

過咗一陣，我輕輕打開眼。而下一秒嘅景象，真係好衝擊我嘅視覺。係我面前嘅係一個訓緊覺嘅靚女，佢嘅眼睫毛偏幼，但係好濃密同時微微向上翹。偏大地色系嘅眼影、淺啡色嘅眉毛。就算佢對眼合埋咗，我直覺都覺得佢對眼好靚。我嘅視線好快就由佢對眼一路向下掃…..好大….，雖然佢打側訓，而雙手亦都夾住，但係都睇得出佢嘅事業心好重..。佢今日著住一件白色V領嘅雪紡背心，應該係放咗工就直接過嚟。等等先…佢係邊個？？喂又等等先…，我唔係唱緊K嫁咩？人呢？點解成間房得返我地兩個。仆街，我係咪仲發緊夢？我盡量坐返起身，發現K房嘅Mon仲著緊但係冇唒聲。我即刻拎起手機望一望，原來已經凌晨四點半。
「我地走先啦～我個fd就交比你啦」James - 03:58 pm




「Have fun 」James - 03:59 pm

仆街仔..佢地唔係落藥咁癲呀？我失戀姐，唔洗玩咁大呀？
我嘗試冷靜落嚟，諗返清楚岩岩究竟發生咩事。我記得我飲咗好多shot，之後班女仔好似都開始醉醉地。
！！ 我記得James 話會帶個女仔fd嚟，唔通就係佢？

我重新再打量佢，以俯視嘅角度向上而下望。佢頭髮唔太長，去到大概Bra扣再落少少。因為燈光太暗，我唔係睇得太清楚。淨係見到佢著咗一條米黃色嘅短裙，好典型嘅港女返工Look。整體感覺就係一個靚女嘅Feel，但係佢就咁訓咗係度，我完全唔知應該點搞。

叫醒佢？唔好啦，佢一醒一定好老尷，分分鐘以為我迷姦佢。
定係打比James叫佢返嚟搞掂佢？唉傻啦，佢留得啲咁嘅Message，都唔方會返嚟執手尾。




就咁留佢係度？但係K房好似去到朝早6點定唔知7點。如果啲男職員嚟到見到咁嘅情況執屍咁點算，就算係要執，係都我先啦！
我都係講下笑…望住佢，我真係冇呢個膽量。佢訓覺嘅時候好靜，靜到我差啲以為佢暈咗。所以將兩隻手指放係佢個鼻前面，感覺到有呼吸先放心。我而家感覺到前所未有嘅清醒，有個靚女訓左係我隔離，但我驚多過開心。我係個腦海度幻想過無數次佢醒咗之後嘅反應，而家嘅我完全唔記得咗我係一個岩岩分手嘅人，勉強都可以叫做將我嘅Focus放咗係另一個女人度..。我坐左去另一邊，想避免有咩誤會。

挨咗係K房嘅沙發，我雖然唔會做啲咩過火嘅野，但係我都未君子到會望都唔望。突然間，佢由面向椅背嗰邊變到面向我。然後，佢嘅對眼慢慢打開..
…….