急需二百萬個人俾錢我贖身: 【10.2】盧天篇

【10.2】盧天篇
 
我是這所學校的學生會會長，名叫盧天。
 
我坐著學校七樓課室的一張學生椅子上，眼瞳倒映出的盡是螢光幕，十多個電腦螢光幕中，每個螢光幕裡面分成九個畫面，全部都是我們工作人員帶給我們的現場直播。
 
然後，我一邊撫摸著停在手背上的小白鴿。
 
「你哋覺得呢個天才，佢會點樣對付我哋？」我若無地問，視線離不開畫面中慮森的臉。
 




「呢次算唔算係我哋失策？」女秘書趙心悠不滿地說。
 
就在剛才，林sir竟在學校玻璃大門外做了一個動作，明目張膽地舉起大字海報：請示意白鴿在警隊入面，他是我的朋友。
 
我們沒有規則表示人質不能與警方溝通，所以沒有阻止他，也沒有引爆他。
 
「『朋友白鴿』？」我逗弄著手背上的白鴿。
 
林sir是想確認自己一直以來是不是跟警方通訊，抑或白鴿早已被我們騎劫。
 




「真係搞笑，邊個人個名會叫白鴿？」康樂組組長嬉笑說。
 
「唔同人見到呢張海報嘅大字都會有唔同嘅聯想，不過重點又唔係個名，如果唔係我哋背後策劃，我哋最多都係覺得呢個名有啲怪，亦多數覺得可能係佢朋友嘅花名。但係，如果佢用白鴿同警方通訊唔係我哋嘅騙局，佢咁做其實會令我哋開始提高警覺，佢就無辦法再用白鴿通訊嘅方式，所以佢咁做，都係一場賭博。」我抱著白鴿走到窗邊，「或者對佢嚟講，總好過用人哋嘅生命做賭注。」我緩緩放開雙手。
 
林sir不知道的是，原本生物學會的白鴿已經死了，而且本來也是學生會向校方申請進行白鴿通訊的學術研究，作為我策劃這個遊戲的其中一件道具。
 
「不過，係邊個教林sir去做呢啲嘢？慮森？佢果然最好去死！」康樂組組長陳天祐悠悠然地說著兇狠的話。
 
「你要記住，我哋嘅目的唔係盧森，亦都唔係分化，唔係要大家互相殘殺。」我望向天空自由飛翔的白鴿。
 




「嗯。」女秘書趙心悠明白點頭。
 
對，故事才是價值所在。
 
「盧森肯自願成為試驗者，係一早知道白鴿係我哋放，一早知道林sir會放棄呢個計劃，佢又成功救咗自己一命。」康樂組組長陳天祐有點不爽。
 
「我諗佢已經發現咗遊戲嘅重點，我覺得佢下一步就會揾我哋。」我說。