係同屋室友?定係同居密友?: 38. 家人

小祺著住家居服，扎住馬尾咁乖乖地坐係學翹身邊
 
「Suki，妳點解會係我細佬宿舍到嘅?妳係佢嘅….女朋友?」
 
學雯一家四口非常期待緊小祺嘅答案
 
「唔係呀家姐，只不過前日太大雨，我返唔到屋企，所以學翹先收留我幾日」
 
「返唔到屋企?妳住邊度呀?」
 




「我住西灣河，前日冇地鐵周圍又塞車，如果唔係學翹收留我，我可能呢幾晚都要瞓Office」
 
學雯見到小祺，以佢自己女人嘅直覺，佢知道小祺冇講大話，佢係自己細佬嘅同事，起碼而家呢一刻仲係同事關係
「姐姐呀!!!妳係唔係同舅父同一間房呀!!!」卓凝係佢媽咪身邊伸個頭出黎講
 
小祺俾呢個小朋友突如其來嘅問題嚇一嚇
 
「唔係呀，姐姐瞓我間房，妳舅父我就瞓廳」
 
「姐姐，係唔係妳煮飯俾舅父食呀?」




 
「咩呀，我煮俾姐姐食架」
 
「舅父我又要!!!!」
 
「乖啦，叫媽咪煮啦」
 
「姐姐!!!下次我地係唔係叫妳做舅母呀?」
 
學翹係到幫小祺應付佢對外甥，但係言談之間，學雯對佢呢個「弟婦」有d好感。因為小祺呢種女仔，斯文細粒又白，正正係學翹鍾意嘅種類，所以佢好唔明個細佬點解會追之前果個港女




 
收線後，小祺一臉紅紅咁同學翹對望
 
「係唔係…佢地會唔會有誤會呀?」
 
「唔會嘅，家姐好心水清，而且唔係喇叭口，唔會周圍講出去」
 
「但係…」
 
「只要家姐一聲令下，卓凝卓賢兩姊弟都會乖乖地咁聽話」
 
小祺同學翹一人拎住一杯雪糕邊食邊講
 
「功課就做哂啦，妳仲有咩可以做?」
 




「唔…溫書?備課?」
 
學翹對小祺真係100分佩服
 
「妳之前係唔係first hon畢業?妳成日都要溫書做功課」
 
「唔係呀，我second up咋，你呢?」
 
「我?妳估下」
 
小祺諗一諗「你直接讀PhD架喎….即係..你係First hon再加dean list?」
 
學翹微微點一點頭
 
「你gpa幾多呀?」




 
「爆4」
 
「你點做到架?」
 
「我都唔知呀，我果時除左上庄之外咩都做齊哂，但係一有時間我就會摺拉吧，摺下摺下就dean list」
 
「但係你畢業後又返到full time喎，可以做到架咩?」
 
「我果時係搵左公證行嘅中班黎做，返3放11，返中班之前仲試過返通宵班，返11放8，放工立即返黎做lab，下晝1點左右老細放我返屋企休息」
 
小祺聽到學翹咁講，先發現自己已經唔算勤力果個，原來仲有人比佢更痴線
 
「你唔辛苦架?」
 




「辛苦架，不過我又鍾意咁樣」
 
佢地討論期間，學翹忽然諗到可以同小祺做d咩
 
「妳平時係咪好少運動?」
 
小祺點一點頭「所以我咁細粒囉」
 
「黎啦，同妳去做下運動」
 
「做運動?」小祺再望一望外邊，依然橫風橫雨
 
「信我啦，包妳鍾意」