係同屋室友?定係同居密友?: (S2)14. 救星到

苗學嬛拖住黎卓凝同黎卓賢兩姊弟走到酒樓包房，佢地一見到苗老太就走埋去
 
「太婆!!」X2 ，「麻麻」
 
苗老太見到佢兩個外曾孫黎到，又係笑到好開心，因為卓凝卓賢呢兩姊弟就好似一對活寶貝咁，將快樂帶俾所有人
 
兩個外曾孫健康咁周圍跳，苗老太非常安慰
 
係兩個小朋友跳緊果時，佢地發現左苗學翹，並完全無視村姑
 




「舅父!!!!!!」佢地兩個一齊跳上學翹身上
 
「喂喂，妳地兩個，做咩事呀?」
 
「舅父，你而家仲做緊功課呀?」
 
「份功課唔係我架，我係幫緊朋友手做研究」
 
「朋友?係唔係上次果個姐姐呀?」卓凝好興奮咁問學翹
 




「正確D黎講，係小祺姐姐嘅同學」
 
「佢讀博士?」
 
「係呀，研究博士」
 
「舅父，你部電腦有冇game玩呀?」
 
「冇呀，我都唔係電腦到打機嘅」
 




「咁我地有d悶啦….」
 
「好啦，舅父開d科學片俾妳地睇啦」
 
學翹上Youtube搵d片段俾卓凝同卓賢睇，佢兩個一人坐住學翹一隻腳，非常開心
 
「喂阿哥!!」
 
「點呀嬛姐」
 
「我下星期開學啦，你係咪帶我去食飯架?」
 
「妳冇玩O camp咩?」
 
「冇喎，唔想玩」




 
「妳邊洗搵我同妳食飯丫，好快妳身邊就有好多男仔圍住架啦」
 
「咁識講野呀你」
 
苗學嬛高過小祺，不過佢係屬於陽光少女系列，有一頭清爽嘅短髮
 
自從佢地三個黎到之後，氣氛熱鬧左好多
 
而村姑就完全俾人忽略咁坐埋一邊，直到苗學雯黎大狀黎到後，佢先發現有個唔知咩人坐係佢細佬身邊
 
苗學雯用手肘撞一撞黎大狀
 
「喂爸爸，學翹身邊有個唔知咩女仔」
 




「我一入黎已經見到啦」
 
「你估係咩事?」
 
「斷估學翹眼光唔會差到咁呀?」
 
「同我諗法一樣」
 
學雯揮手叫學嬛過黎
 
「阿妹，妳覺得妳阿哥身邊果個係邊個?」學雯問問學嬛答案
 
苗學嬛快眼一睇「哦，佢呀~我知呀」
 
「咁係咩人黎架?」




 
「前兩星期，姑姐突然打俾我問阿哥鍾意d咩類型嘅女仔，我話阿哥鍾意d純情小鳥伊人」學嬛望一望村姑
 
「我諗佢就係姑姐幫阿哥搵返黎相睇嘅人啦」
 
黎大狀用一個好同情嘅眼神望住佢舅仔
 
「學翹好似肉隨砧板上咁樣」
 
「咩呀，家姐同細佬兩個咪解救舅父囉」
 
其實係黎卓凝一入包房果一刻，佢同學翹視線已經對上左，佢亦知道舅父唔想理身邊果個村姑，所以先痴到舅父實一實
 
佢地三個一齊睇youtube，大約30分鐘後，開始入席
 




所謂入席其實都係收麻雀檯，準備上菜
 
一如以往，苗學嬛會痴實苗學翹坐，而另一邊，正常就會有其他人坐。但係今日為左避開村姑，卓凝同卓賢兩個人一齊夾實舅父，以防舅父俾人搶走
 
苗老太見狀，就叫學翹陪村姑坐
 
「學翹呀，你陪阿娟坐啦，照顧下人地啦，將來都係自己人」
 
原本學嬛想解救阿哥，可惜苗老太一聲令下，佢只可以讓出學翹身邊嘅座位
 
但係苗學嬛都係食過夜粥嘅人，佢叫兩個外甥坐過一個位，等佢自己可以坐佢阿哥隔離
 
「洗唔洗我解救下你呀?」
 
「都係妳醒目」