【真人真事】冤冤相愛何時曉？: 37.

 「其實講陣時呢，就唔係周楉童主動話要約你出嚟打羽毛球嘅，主要就係我同我個frd兩個大佢，話不如叫埋你出嚟，然後佢又唔輸得一口應承咗，於是就搵咗你出嚟。」燒山補充。

「吓，頂你呀，搞到我嗰陣時仲心思思究竟周楉童係咪仲鍾意我，嗰幾日勁緊張唔知見到面會係點咁。」

「咁你地最後嗰日見到面係點樣。」淇姐問。

到了那天，我跟燒山提早到了體育館附近的餐廳吃午餐。

「屌...死喇死喇...突然有啲淆底...不如我地食完晏晝就走啦。」我邊吃著譚仔邊說。





「點~可以咁嘅呢？」燒山一副不懷好意的樣子，就好像整件事都是他一手策劃出來，然後等著吃花生看好戲。

「唉，死喇，一陣會唔會好尷尬㗎。」

「你唔好咁驚啦，無事啦。」他難得地拍了拍我膊頭以示鼓勵。

吃完飯後，我惴惴不安的跟燒山一起走到去集合點，只見燒山的小學同學(下稱小學傻鳩同學)早早便在等著我們，所以我們只要等周楉童一人。

過了一會後，周楉童來到，仍是一貫的打扮，依舊是那個樣子，但我們的關係卻早已不如以往。





她不再如以往般笑著走過來打我一下，我也不再如以前般跟她打招呼。

我倆的眼神短暫的對上了一下，然後便又立即避開，就像是不想面對彼此，於是姑且連看也不看。

或者是眼見場面尷尬，所以燒山在此時開口打破冷場：「喂~咁既然齊人喇，不如我地出發啦。」

「行啦，不過唔知佢地兩個肯唔肯行啫。」小學傻鳩同學難掩嘴角的笑意，頓了頓後問燒山：「喂我地駛唔駛俾返啲空間佢地兩個。」

「哇哇哇，呢個真係好~問題。」他們二人來到此時已經不再忍了，相視大笑。





「屌你老母你兩個真係好撚煩。」周楉童說罷便不理他們，自己往體育館方向走。

「喂...機會嚟啦飛雲，仲唔去追！？」燒山推了推我說。

「屌你老母你兩個真係好撚煩。」這次輪到我說。

「嘩嘩嘩，果然係天生一對！！！連講嘅嘢都係一樣！」小學傻鳩同學說。

最後是小學傻鳩同學追上去跟周楉童一起行，而我就跟燒山並肩而行。

到了體育館後，他們二人才一坐下，燒山便已開口說：「唉我好口渴添，我去買嘢飲先。」

「咦咁啱嘅，我都係喎，我地一齊去買啦。」小學傻鳩同學立時會意，說罷便大踏步神情不威武的跟燒山走了出場外買寶礦力，留下我跟周楉童二人在場中。

此時我跟周楉童的距離就只有一張座椅，我心知這是個打破僵局的大好機會，但結果卻依舊是開不了口。





Dead air了數秒後，大概是周楉童也忍受不了這個尷尬的情境，於是她又跑了出去跟他們買飲料，留下我自己一人坐在座椅上發呆。




得閒咪fol下我ig囉：maanyin05