[港版無限流][長篇] 恐怖輪迴: 催眠

「其實我之前講嘅嘢大部分都係真嘅，下一個世界嘅主要任務的而且確係無間斷攻防戰。」林軒眼中精光一閃，說道「但我哋可以唔剩只攞咁少著數。」

「哦？有意思，講嚟聽吓。」凌天感興趣地問著。

林軒對其點了點頭，說道「首先我嘅新手任務係喺一間酒店到面對幾百個喪屍襲擊，我同其他新人原本一共有100人，任務係要5日內由酒店跑到8公里遠嘅出頂。」

「對付普通喪屍同跑山，對我同林恩嚟講簡直係碎料，所以我就試吓去當地警署揾吓資料，睇吓發生咩事，結果就發現喺新手任務世界入面原來曾經發生過一場核戰，核戰所産生嘅幅射令到人類變成喪屍。」

「隨之而來，冥主就提示話我成功引發支線任務，叫我去30公里外嘅軍用研究所攞解藥。當然，軍用研究所入面啲喪屍就強到離曬大譜。」





「冇辦法之下，就唯有叫林恩揸車引開研究所啲喪屍去其他新人到，我再趁機攞解藥同駕駛研究所嘅軍用直升機去接林恩到山頂。」

「喺呢件事上面睇得出冥主其實係好鼓勵我哋去引發支線任務。當遊戲咁睇，任務世界就係副本，我哋發掘副本劇情越多，就有越多獎勵。」

「但任務難度亦都會隨之增加。」喬欣不滿地道，她難以想像有人可以輕描淡寫地說自己剛剛害死接近百人。

「但富貴險中求，如果一直安於現狀，不思進取，最後必被淘汰。」林軒搖頭說著。

「言下之意，啫係嚟緊呢場任務………」李文問道。





「嗯，我建議分兵，等出面新人做攻防戰主線任務，我哋幾個再私下開發支線任務。」林軒點頭說著。

「雖然批新人係炮灰，但我哋引發支線任務，任務難度就會增加，單靠新人恐怕完成唔倒個主線任務啵。」凌天皺眉問道。

「呵呵，我會令佢哋完成倒。」林軒微笑回應。

「其實你自己都仲係新人，講到自己好似唔係咁。」喬欣冷冷地向林軒諷刺著。

「呵呵，我同佢哋唔同，因為我證明咗我嘅價值係喺呢度。」林軒指著自己的腦袋笑道「凌隊長應該好清楚。」





凌天臉子抽一抽，強笑道「冇錯，咁新人方面我就拜託林軍師你喇。」

「冇問題，我知凌隊長你唔係迂腐㗎人。」林軒笑著道。

待林軒與林恩走出房間後，喬欣不滿說道「我唔鐘意呢條友，太過冷血，唔似你哋兩個至少起碼肯為隊員犧牲，喺上場任務主動引開德意志士兵注意。」

凌天對喬欣的話感到無語，心道「小妹妹真單純，我哋兩個邊忽似會為人犧牲，尤其李文條粉腸點都唔肯蝕底。」

「聽條友咁講，佢好似會以唔係幾人道㗎方法對付批新人。」李文低聲問道。

「嗯，林軒呢個人如果控制得好㗎話，佢可以令我哋隊伍㗎實力上升得好快。但如果控制唔到，我哋3個隨時會俾佢玩死埋一份。」凌天擔憂道「所以我哋3個真係要團結喇。」

*******

林軒房間內





「入嚟。」林軒微笑說道。

林恩推門而入，跟隨在後的竟是其餘7名新人。

這7名新人雙眼無神，靜靜地站在林軒面前。

「空間兑換㗎催眠術可以控制新人，但對凌隊長佢哋三個試煉者就無乜效……」林軒心中思考著。

「證明空間其他職業嘅強化都可以提高少許精神力………但凌天宜家應該已經開始防備我……咁好難再有機會催眠佢哋。」

「不過凌天唔係拘泥㗎人，只要唔損害佢哋嘅利益，佢就唔會阻止我任何做法。」

想到此處，林軒笑著問道「林恩，你宜家仲有幾多冥幣？」





「少爺，完成新手任務後一共有5000冥幣，入嚟空間之後，我就向冥主要求俾3000冥幣你，宜家仲有2000冥幣。」林恩笑著回應。

「好，之前我兑換咗一個低級念力同一個低級催眠術，用咗成5000冥幣。咁你就強化近戰方向啦。」林軒也微笑道，接著他對著7名新人吩咐著「你哋7個每人各自留1000冥幣俾自己強化，其餘所有冥幣就向冥主要求俾曬林恩，做完以上一切動作，你哋會返去自己間房到訓覺，訓醒之後會唔記得啱啱所發生嘅事。」

「係…」7名新人臉無表情，生硬地回應。