[港版無限流][長篇] 恐怖輪迴: 東土殺戳～任務進入

三天後 在廣場上

「上個任務世界收穫唔多，但我認為喬欣應該至少換番一個防御技能。」凌天說道。

「天哥講得啱，作為我哋隊嘅主力奶媽，有一兩招自保手段係好正常。」李文贊同道。

「咁好啦，牧師入面好似有個延伸防御技能，聖光盾，需要2000冥幣。」喬欣點頭說著，閉上眼睛向冥主兑換。

「咁我都換啲嘢俾小匈子，天哥，自便啦。」李文淫笑地說完後，便跟著閉上雙眼向冥主兑換強化。





「嗯，之前兑換血僧職業同血刀刀法，用咗5000冥幣，用剩1500冥幣。上個任務世界又進帳咗2000冥幣，宜家一共有3500冥幣。」凌天心中暗道。

「上次開會唔知係咪錯覺，林軒好似有啲想控制我㗎感覺。預防萬一，冥主，同我搜尋適合我嘅精神力技能。」

「適合試煉者的精神力技能搜尋……」

「索命梵音：妖族大能自創佛門功法，可提高彿法修為，廣傳彿道，控制人心。此技能可提高使用者精神力，可控制任何精神力低於使用者的智慧生物，需要3500冥幣。」

「呢個好喎，雖然好鬼貴。就佢啦……」凌天奸笑道。





*******

一星期後

12號隊一共12人聚集在廣場上。

「點解唔俾耳筒啲新隊員？」喬欣奇怪地地問著。

「我哋嘅新晉軍師話唔洗，而天哥亦都話無所謂。」李文低聲說著，心道「你同林默一樣心腸軟，仲未適應倒呢到，所以都係唔知好過知。」





「莫名其妙，就算當佢哋炮灰，都應該俾啲基本裝備佢哋啦。」喬欣一臉不理解地說著。

白光照射眾人，廣場回歸平靜。

*******

當凌天恢復意識時，發現他們正坐在一艘大船上。

大船四周一片大霧，天色陰沉，除了船上的火光外，船外簡直伸手不見五指。

「任務"東土殺戳"正式開始。」

「任務一，請試煉者乘坐木船抵達碼頭，尋找當地村民，並協助村民守護村莊30日。」

「擊殺1名妖魔士兵，將獲得100冥幣。擊殺1名妖魔十夫長，將獲得500冥幣。擊殺1名妖魔百夫長，將獲得1000冥幣。」





「任務二將於任務一完成後發佈。」

「各位，我喺空間到兑換咗啲槍械同靈力子彈，平均咁分，每人可以分到100粒子彈同一枝步槍。」林軒微笑地說道。

「哦？估唔到準備得幾充份喎。」喬欣驚訝地看著林軒，不由對其感到有些另眼相看。

此時已見到岸邊碼頭的影子，大船慢慢向其停靠着。

「篷萊島嘅滅魔士終於嚟啦，我哋條村終於有救喇。」碼頭上一名矮個子的老頭看見凌天他們，欣喜地大叫著。

「喂，阿伯，你條村發生咩事呀？」李文眼中精光一閃，淫笑地向老頭問道。

「唉，我係20里外水雲村村長，宜家魔物横行，早幾日我哋收到官府通知，話喺嚟緊呢一兩日就會有一批妖魔過嚟搶掠，所以就拜託知縣大人寫信俾有名嘅篷萊島派人嚟幫手除魔。」老頭慨嘆道。





「哦？咁官府喺邊到？佢哋做咩唔派人幫你哋除魔？」李文繼續笑著問。

「官府就喺碼頭附近，但佢哋嘅人馬都已經派曬出去救災，想幫我哋都有心無力喇。好喇，天色唔早，請快啲去我哋條村吧。」老頭急忙說道。

「你哋有冇嘢想問？」李文轉過頭眾人問。

凌天看向林軒，林軒搖頭笑道「可以郁手。」

那老頭還没理解他們的說話，便發現自己胸口被李文拿著刀子刺了一個洞。

「妖氣咁重，修為咁差，喺道士面前扮純情呀伯，扮都扮純情大波妹啦。」李文一副恨鐵不成鋼的樣子，痛心疾首地説著。

「好喇，我哋去官府了解吓情況，睇怕嗰個水雲村啲村民一早就俾啲妖魔殺曬。」凌天對眾人說道。

那水雲村村長的屍體很快便自動化成灰燼，被海風吹向遠方。