係同屋室友?定係同居密友?: 20. 棋差一著

游律師拎出左苗家嘅樓契同其他文件出黎俾對方實習律師睇
 
份樓契係公事包拎出黎果一刻，肖太太雙眼發光，可能係佢第一次見到樓契
 
「唔該哂」學師仔好有禮貌咁雙手接過樓契，坐低一睇
 
「咦?」一個好簡單嘅問題，學師仔一眼就睇到。游律師見到個學師仔咁嘅反應都立即讚佢
 
「果然好細心，第一眼就要搵重要嘅野」
 




「係…多謝游律師…但係份樓契…」學師仔面有難色
 
「你未必處理到，呢D情況就要搵師傅出黎」
 
「係，明白」學師仔急急腳走入去office拉師傅，3分鐘唔洗，師傅跟出黎會員室，第一時間同游律師交換咭片後坐低，立即拎起哂所有文件睇，然後佢面有難色咁對住肖太
 
「張律師，簽得未呀?我地d傢私就快送到啦喎」
 
「師傅…咁樣…」學師仔係張律師身後，緊張嘅心情湧上面上。相反，佢師傅就一臉鬆容
 




「小事者，呢樣野成日都有」張律師將文件攤出黎對住肖太
 
「係咪簽得啦?」
 
「肖太，我諗今日妳地冇可能係樓契上加到名」張律師好直接咁講
 
肖太太聽到後，非常唔明白「點解加唔到呀?咪簽個名之嘛」
 
張律師拎住份文件解釋「呢份樓契上顯示，業主係苗生已經過身嘅父母」
 




「咁佢地都唔係到，層樓咪係個仔架囉，而家我地加名有咩問題?」
 
「問題係，第三業權人唔係苗生，而係苗學雯女士，即係苗生嘅堂家姐」
 
「咩話!?層樓唔係佢名架?」肖太太好驚訝
 
「正常黎講，老苗生苗太仙遊後，佢地嘅財產係屬於佢地嘅直系親屬，亦即係苗生」
 
肖太太聽到咁樣，又再繼續追學翹簽名
 
「咁咪得囉!即係簽得啦」
 
張律師再講「首先要苗生簽名核實繼承財產先」
 
肖太聽到之後立刻指住學翹，毫不客氣咁命令佢簽




 
「我簽名有咩所謂，但係層樓我家姐有份，我唔可以話事喎」
 
肖太太聽到後先發現自己計漏左苗學雯，不過佢認為呢個家姐都好易對付，所以立即叫學翹搵家姐黎簽名
 
不過游律師俾出黎嘅答覆係「對唔住，苗小姐已經確認左，佢唔會批准樓契加任何人嘅名上去」
 
肖太聽到後立即心急如焚，差少少就到嘅樓(佢自己認為)，點可以就咁走左去，所以走去同學翹「商量」
 
「即刻叫你家姐黎簽名啦!大家一家人」親人牌再次打出，可惜，佢地並唔係學翹嘅親人，甚至朋友都唔係。係佢地眼中，學翹只係一個工具人，係服侍佢地嘅工人。
 
「我同家姐立場一致，唔會加妳地屋企任何名入我父母嘅遺產之中」學翹嘅口吻非常強硬，呢一點，係肖太太始料未及。佢以為只要佢講一句，苗學翹就會聽聽話話咁加佢地名落樓契中
 
「咁，當初係你話信自己人唔信外人架嘛!你同意架係唔係?」
 




「係呀，SO?」
 
「咁咪係囉，加我地名有咩問題呀?」肖太太開如想用威權黎壓制苗學翹
 
「請問，閣下係我邊位?」學翹微笑咁問
 
「咩邊位呀!我係翠君阿媽囉」
 
「咁關我咩事?」
 
「咁我遲D係你外母架啦!咪自己人囉!」
 
「敢問肖太太、肖小姐。我地有冇一張有法律效力嘅結婚證書去證明我地係合法夫妻?」
 
一講到結婚證據，肖氏一家立即冇得出任何聲音。的確，佢地計劃呃左層樓後再一腳踢開學翹，如今佢地望住眼前好冷靜嘅苗學翹，佢地睇唔透。點解一個之前俾佢地屋企任意舞到一個點嘅戇直青年，到今日會變到咁足智多謀?(其實可能係佢地一家on9而已)