係同屋室友?定係同居密友?: (S2)05. All around the world

小祺係讀中學時，人緣唔差，所以有幾多杯酒去，都有人為佢而擋
 
「點解咁多人都幫Suki擋酒架!!個個都鍾意佢呀?」Jolin心中暗叫
 
之後一杯，個個都幫小祺擋過，今次佢唔知仲有冇人幫到佢
 
有個小祺嘅朋友係佢身邊細聲講「Jolin點都要妳比飲一杯然後失儀，果邊d男仔應該想趁妳飲醉後帶妳上房，妳要小心d呀….」
 
「知啦，我點都要飲一杯架啦係唔係?」
 




「佢地會唔會叫妳飲茅台架?」
 
「茅台!?我邊得呀!!!」
 
Jolin平時都係落開bar飲野，如果呢到係bar，佢一定會點杯long island ice tea俾小祺，不過呢到係放題，所以佢係咁多種同學帶黎嘅酒中，搵到隻最勁嘅俾佢
 
茅台
 
Jolin幫小祺斟左一杯茅台後遞俾佢，小祺手震震咁拎住杯酒，差唔多係全滿
 




大家不斷起哄叫小祺飲，眼前呢一刻，起哄嘅同學各懷鬼胎
 
Jolin想小祺出醜，有d男同學就吼住小祺處子之身
 
小祺騎虎難下，佢醒起學翹吩咐佢嘅說話
 
「如果收到妳兩個msg，代表妳飲左酒，好可能會醉，我會儘快上黎接妳走」
 
小祺望一望時間「10點啦，好夜啦，我飲一杯就走架啦」
 




「飲左杯茅台先啦」
 
既然逃不過，小祺立即係LINE同wts send msg出去俾學翹。一到場時小祺check過，呢個場係收到wifi，非常方便
 
小祺拎起茅台，分開兩次飲，完成。大家都為佢而拍掌
 
不過50%嘅茅台，真係好似火燒咁，小祺差d嘔出黎
 
「好啦Jolin，我飲左啦」
 
Jolin見小祺仲未瞓低出醜，男同學亦見小祺未倒下未能上房後，再為佢係酒店嘅酒吧特意點一杯失身名酒all around the world
 
5分鐘後，藍色嘅all around the world送到
 
小祺望住佢，心諗應該好易對付，因為有陣水果味。但係小祺自己平時唔落酒關係所以佢唔知呢杯係咩野




 
All around the world，故名思意，係好多款酒溝埋一齊，環遊世界被認為是混酒的極致，不但有琴酒、伏特加、龍舌蘭、蘭姆酒等四大基酒外，再混合威士忌、白蘭地，為了喝起來更順口，還會加上香甜酒和數種果汁，濃度和後勁就不用說了。如此激烈的組合也讓環遊世界有「惡魔水」的封號，如果遇到有人想請你環遊世界，他可能是想從你的床上出發…
 
小祺將杯野影相，再send俾學翹睇 「我準備飲埋呢杯就走」其時小祺都有少少暈
 
學翹一睇見杯酒，就心知不妙「痴線架?茅台再加all around the world?!」
 
學翹好快咁走到放題餐廳門外，影一張相俾小祺「我到啦，妳飲完就走啦，我係門口等妳」
 
學翹知道小祺食左解酒藥，所以短時間內唔會有事，一陣一上車就要夾佢食多次，咁就安全得多
 
小祺知道學翹係外邊後，立即放心好多
 
「我飲完立即走架啦，d錢我會夾返」
 




「得啦，飲左先啦!!!」各人催促小祺飲左杯酒
 
小祺飲完後，各人都非常滿意，有人俾signal話，房準備好
 
小祺腳步浮浮放低杯，慢慢行去門口
 
Jolin就等待小祺出醜嘅一刻，有男仔就上前「扶」小祺
 
「Suki妳咁樣返唔到屋企架啦，上去酒店房休息一陣先啦」呢番說話有幾個男仔一齊講，睇黎佢地想黎個三穴齊發
 
當門一打開，小祺就立即跌入一個人嘅懷中
 
打開門嘅正正係學翹