[愛情無限loop] 就係咁，我做左女神一年既備胎: ２７１　戰前會議（補返更新）

時間，下午３點，我地約左係另一間比較少去間餐廳，因為，我地唔想撞到熟人，而呢一間餐廳，係我第一次見馬高既地方。

除左佢地外，我仲約多左一個人，就係能利，因為佢不停打比我話能蟹好似消失左咁，我將件事話左比佢聽後，佢就話即刻出黎。

去到餐廳，已經見到ＳＵＮＮＧ一早到左，我走過去坐低後，佢問我：「果個人仲有無打比你？」

「無。」我答佢：「不過佢好似搵到我地三個人既ｇｒｏｕｐ。」

「係。」ｓｕｎｎｙ話：「佢話希望我地今晚做好準備ｗｏ，係咩野準備？」



我搖一搖頭，「唔知，我地而家可以準備既，就係搵可以搵既人黎幫手。」

我呢句一講完後，七三廿一就到左，「點解會發生呢ｄ事？師父做咩比人捉左既？」七三廿一到而家都仲係用師父黎稱呼能蟹。

「我都唔知點解，只有望能蟹而家無事。」我話。

而克七三廿一又問：「今我地今晚要做咩？去救佢？」

「我都唔知，不過我諗能蟹唔會有生命危險，馬高話佢唔係黑社會，又唔係撈偏，所以唔會做出傷害能蟹既事。」我同佢地兩個人講。



「邊個係馬高？」七三廿一問。

「就係ｂ男，之前係拾拾部電話度裝左個追縱ａｐｐｓ既人。」我話。

「我諗佢咁講，應該唔會折外生枝既。」ｓｕｕｎｙ話：「佢約左我地今晚１２點去尋日果度，姐係果度係佢主場，我地咁樣去赴約，都唔係辦法。」

「……我都知，所以我叫多左個朋友黎，呢個朋友係我尋日係果間ｂａｒ撞返，而且佢同馬高好似幾熟下，我諗佢應該幫到我地。」我同佢地兩個講。

「咁就好，不如你問下你果位朋友，可唔可以得到ｄ料，知道馬高今晚會有咩野行動。」ｓｕｕｎｙ話。



「都好，我叫左佢黎，一陣可以同佢講。」我話。

而傾到咁上下，阿塔都黎到，同佢交代左件事後，佢都諗返尋日到而家，馬高有咩野動靜，「我見佢不停叫人今晚一定要去果場玩，因為今晚有個好好玩既遊戲，睇黎佢講既呢樣野，關你地事。」

「咁你知唔知佢所講既遊戲，係玩咩？」ｓｕｎｎｙ問。

「唔多清楚，不過我知道佢今日已經叫人準備定多ｄ酒水，仲有多ｄ囡，唔係到時唔夠玩ｗｏ，如果呢兩樣野都係今晚要玩既野的話，我都唔知佢想玩咩。」聽到阿塔既說話後，我地幾個都進入面迷思，點解要咁多酒同咁多囡呢？究就馬高今晚想點呢。

而係呢個時候，阿塔就話：「仲有一樣野想講，就係我見過你地既朋友。」

「你見過能蟹？」我地問。

「係，你地可以放心，佢無事。」我話。

聽到能蟹無事，我地都放心。



係呢個時候，能利佢氣急敗壞咁趕到，佢一入餐廳就不停叫我既名：「阿牛！你係邊啊！」

我見到佢後，嚇左一跳，嚇一跳既唔係因為見到佢氣急敗壞，而係佢身後果一班人。

「……點解？」能利身後既果班人，當中包括左ＣＯＷ，但係，點解會多左佢地。

ＪＵＤＹ、阿珍、呂晨、拾拾……點解佢地會係度，而最重要既，係金姐，佢都係度。