1.2

「你..想點呀?!」智詩問

彌生上好膛:「咁緊係反擊啦...智詩你入房避下先啦,一陣好危險架!」



「砰!!!」
三名身穿西裝既迪拉斯人員踢開大門,面對住彌生同智詩




帶頭既迪拉斯人員準備拎出手槍

智詩情急下連忙解釋:「唔係呀..我...」


彌生只係輕鬆點起煙

「係呀,智詩依家已經係我,望月彌生既女人啦...嘿嘿」



智詩一時火起:「咩..咩..你既女人呀!」


「係你....!上次已經殺左我地d人,搞到我地賺少左幾十億!!!」迪拉斯人員對住彌生開足三槍

砰!砰!砰!


「呀呀呀呀!!!」智詩嚇得大叫




「做咩大叫呀智詩..我冇事喎」

彌生竟然利用槍身,將三發子彈全數擋下!


「咩..咩話..!」三人均嚇得木定口呆

佢地又點會估到,眼前既人竟然可以快到擋子彈


「我呢把MP443係用duralumin造架,要擋你地d子彈..綽綽有餘啦」

「之後..到我啦」





彌生二話不說,立刻以double tap方式射中跟頭者既心臟位置

「咁快!呢個人到底..係咩人黎架!」其餘兩人心知不妙


「唉..太耐冇出double tap,慢左0.062秒,要練返先得啦..」


「你去死啦!!!!」

其餘兩人再不停對住彌生開槍



但子彈全都被彌生擋哂


彌生閃到兩人後面

「嘿,再見啦」

砰!砰!

不消一秒,就將子彈打進兩人既後頸


「呢種速度...根本就唔係正常人..!」在旁邊睇住既智詩心想





彌生收起手槍:「頭先差d比佢射死呀..嚇得我丫」


「你..你痴線架!」智詩問:「依家殺左人..點算呀!」

彌生呢個時候先發現:「係喎...依家我殺左迪拉斯d人,佢地唔會咁易放過我地架喎...」

「不過咁樣仲好,我以後就要同智詩你雙宿雙棲啦,呵呵」




「唉..睇黎依家只可以暫時跟住呢個淫蟲...」智詩響走投無路之下,只能依賴彌生




「咁..我地依家仲可以去邊先呀?」智詩問

彌生將ps4收入一個大大既行李袋:「去我老豆間舊屋度囉,迪拉斯既人遲早會追到黎,到時點守都守唔住」




智詩望住彌生:「係呢..你叫..咩名呀?」

「彌生,你可以叫我彌生bb豬架,哈哈」


「嘩頂,男人老狗..叫自己做bb豬..好想嘔呀」但智詩只能響內心嘔



彌生執好行李袋:「好行得啦!」

智詩不惑:「吓..你咁樣就行得架啦?」

「嗯!其他野聽朝先買啦」


彌生望住迷惘中既智詩,心想:「嗚呀,智詩真係好可愛呀...」

「叢雲,依家我有智詩,唔駛同你碌木頭一齊啦!」



彌生駕住自己既nsx r,轉眼就去到西貢大網仔

響佢地眼前既,係一間三層高既西式大屋


「呼..我都好耐冇返過黎啦..」

「乜你老豆好有錢架?」智詩問:


「算係啦..」彌生捉住智詩既玉手:「入去先啦」

「喂!」


一入到去,果然係一間有氣派既大宅

「嘩屌,好撚多塵...」彌生掩住鼻

智詩:「你幾耐冇返過黎住呀?咁污糟既?」

「兩三年姐...」



兩人經過一輪整理後,總算將大廳執得企理

「唉,攰死人啦!」智詩攤響梳化上

「智詩,今日你都辛苦啦,快d沖涼訓教啦」彌生遞上毛巾:「乾淨架,上一樓第一間房啦」


「嗯,早抖」

智詩心裏卻想:「你個淫蟲會咁好死...不過都係要小心d好..」


入到睡房,智詩一跳跳上大大既睡床

「好耐冇訓過教呀..」智詩自言自語:「到底呢個淫蟲會咁有錢,身手仲咁好既呢...」

「雖然.....佢真係幾靚仔,但係真係好咸濕囉,揀都唔揀佢!」智詩想住想住,就訓著了




「嗯...」

訓醒既智詩從一樓行落黎:「咁香既...」


「呵呵,早晨呀智詩」彌生捧住西式早餐出黎:「食早餐丫!」

智詩懷疑地望住彌生:「d野你..你煮架?」


彌生坐下,道:「嗯,緊係啦,黎試下丫」


智詩猶疑地食左一口:「好..好好食..」

心想:「呢個淫蟲..煮野竟然咁好食」


「其..其實你叫咩名..」智詩問

「我呀?咪叫彌生囉...」

「彌生咁似日文名既?你日本人黎架?」

「我老豆係日本人嘛,我老母就係香港人」



「係喎..果間迪拉斯公司,係咩公司黎架?」

彌生答:「迪拉斯,表面係一間國際級既私人保安公司,負責d會議、展覽既保安工作」

「實際上,佢不停做埋d非法勾當,又會承包埋d殺人工作」

「但最重要既係,傳聞佢地依家已經開始投入研究戰鬥用納米機械」


「納米機械我就知姐,戰鬥用納米機械又係咩黎架?」智詩問

「戰鬥用納米機械可以將人體機械化,等迪拉斯可以建立自己既『軍隊』」

「響過去既幾次實驗,納米機械同人類既身體產生排斥,所有既實驗者都死哂」


「但聽聞,佢地近期將吸血鬼既基因放入納米機械,成功將排斥既風險降低,並且可以大大提升速度、力量、反應等,成為最強既士兵...所以迪拉斯已經開始大量生產」


智詩大感迷惑

「吸血鬼?!睇電視劇咩?都唔知你up乜春!..仲有,點解..你知咁多野架!?」


彌生只係笑一笑

「因為,我係賞金獵人『孤獨兄弟』,同時亦都係吸血鬼囉,哈哈!」
已有 0 人追稿