我只不過喺自修室溫書，點知比我遇番佢。: <十五>宣泄

喺Band房入面..

「阿楓佢做咩..啊？」子妮唔知道發生咩事，好愕然咁問。

「殊，唔好出聲。」阿星示意佢。

「你而加打算點？」阿月問阿言。

「等佢冷靜下，可能佢未習慣先會咁。」



「你肯定咁樣做真係為佢好？」

「你諗下啦阿月，除咗件事發生果日，你幾時見佢為咗呢件事喊過？佢一直都係死頂炸，如果唔俾佢克服嘅話，佢成世都會活喺恐懼架炸。」阿星講。
呢個時候，小霖突然沖咗出去..
.
.
我落到會所之後，即刻行去自修室。行到入去之後四周圍望，但係都唔見佢。突然有一絲嘅失望，之後我行落去休息區諗住靜下，經過洗手間果陣..

「傻佬，今日咁晏先落黎嘅？」小涼咁啱喺洗手間出黎。



咦！？點解佢又會喺到嘅。

「點解你係到嘅，明明係上面唔見你？」我問。

「頭先上面冇曬位呀，所以就落咗黎溫。」

「等陣先..做咩咁留意我呀？」

「邊…邊有姐，我見唔到你不知幾開心。」



「噢..係呀？咁我走架啦。哈哈。」

「喂等陣，可唔可以陪我傾陣？」

「都feel到你有唔妥架啦，行啦，你唔係想係個廁所門口講呀？」

我地翻咗去小涼坐開果個位，之後我就將今日Band房嘅事話咗俾佢聽。

「你心病都好重喎，究竟之前發生過咩事？」

「你係純粹八掛炸？」

「超，你咁唔好講囉，我只係想幫你，估唔到你咁睇我！」佢愣開臉，好似真係嬲咗咁。

「好啦好啦,我講啦。」