我只不過喺自修室溫書,點知比我遇番佢。: <廿三>外冷內熱
一坐起身,個頭勁痛,仲暈下暈下咁。
「你醒啦?」阿媽問。
「衰仔,唔飲得又學人飲,搞到尋晚不省人事咁。」
「咁我點解⋯」
「多得阿霖送你翻黎炸!你自己牛高馬大,抬得人幾辛苦。」
「呢個女仔真係唔話得,咁辛苦抬你個衰仔翻黎之後仲幫你敷埋熱毛巾先走都冇怨言,你好去多謝番人添呀!」
聽完之後都搞到我有啲內疚,真係要好好多謝佢先得。
我即刻拎部電話出黎打俾小霖
「喂,小霖?尋晚唔該曬!」
「你醒啦?」
「茶几放咗粒頭痛藥,你送水食啦。」
佢真係好貼心。
「好呀!係喎,阿媽話今晚煮餐飯多謝你,你過黎食啦。」
「唔洗啦,咁勞煩auntie。」
「你唔黎佢都會煮架啦。」
「咁好啦..」
「咁我地落自修室溫陣書再上黎食啦,我想你教下我啲數。」
「嗯,自修室見。」
收咗線之後,我就去刷牙,刷完牙之後就見到小涼ig direct我:「去唔去自修室呀?」
「去啊!」我答。
之後我好後悔果陣咁口響...