我喺酒店搶左人地女朋友: 最後的結局

慢慢地我已經習慣了只能在whatsapp上與Christies交流，亦不知從何時開始，我們的聊天時間由凌晨2、3時，漸漸地縮減到12時甚至更早。

由最初她早上會whatsapp找我，到現在我一整天不找她，她也不會找我。每次總跟自己說，她已經漸漸冷淡了，既然她不主動找你，你又何苦作賤自己主動找她呢？

可是人總是犯賤的，總是不到黃河心不死。這天我終究按耐不住又一次找了她，可惜無論我如何想繼續和她聊下去，最終只換來了短短的4、5句回覆，以及已讀不回。

往日天天whatsapp的情景彷如夢一場，續漸已經變成4天一次whatsapp、變成10數天一次whatsapp。

昔日的熱情已不覆在，一句「早幾日你唔舒服，而家好番d未阿？」卻只換來冷漠且陌生的「好好多啦，多謝關心。」



這天我仍不死心地想約她看電影。但得到的回覆是「單獨睇戲就唔好啦。」

我說：「睇戲炸喎，睇啦無人陪我睇好慘，好可憐嫁。」

她回覆：「你搵你d friend 同你去睇嗎。」

「佢地唔鍾意睇愛情戲。」

「唔好啦⋯⋯黎緊真係無咩空閒時間。」



我不知自己這種做法算不算得上堅持，我「挖爛臉孔」地回覆：「無咩空閒時間唔等於無空閒時間，姐係仲有d既。定係你怕同我去睇阿？」

她卻打出了一個「全疊打」的回覆：「我男朋友會唔鍾意嫁。」

我還不心息，還希望像從前一樣，多說幾句話便能使她心軟。我掩著良心搬出「朋友」這個角色說：「朋友之間睇戲而已，我搵番你傾計係因為我唔想可以交心既朋友就咁無左。

我唔想曾經可以嬉嬉哈哈、毫無顧忌乜都傾一餐既朋友又少一個，我希望我地可以繼續做知心朋友，僅此而已。

如果你覺得我仍然唔只當你係朋友既，咁我都無話可說⋯⋯」



得到的回覆是「我無話唔可以做朋友，如果係我都唔會應你啦，傾計乜野無問題，只係我唔想單獨相處，如果你覺得咁唔ok，咁我都無話可說。」

最後我選擇了已讀不回，因為她都說到這份上，我不知道怎樣回覆，很辛苦，身心都很俱疲，不知道該如何維繫下去。

這是我第一次已讀不回她，亦是最後一次。因為在這以後她也沒有再找我，我亦沒有再找她。

我腦海不斷重播著我們之間的點點滴滴，曾經你問我「你覺得我地呢段關係可以維持到幾耐？」

我答你「我唔知道，咁你覺得呢？」

你說「只要你有左新對象，而我地是但一個唔再番呢間酒店炒散，呢段關係就會完結。」

沒想到真的給你說中了，在我已讀不回你後，你亦再沒有在這間酒店炒散。後來我繼續在這間酒店炒散了半年，在這裏等待著你，希望能再與你相見。

可惜半年過去，你始終也沒有出現在這個我倆邂逅的地方。



我明白你是真的走了，我亦是時候離開這個傷心地，因為一切一切已經完結了！