簡介

想知題目嘅意思,快啲入嚟睇下啦! 呢篇文章係我嘅第三篇文章,希望大家可以支持我!





其實我可能要面對一個改變,我諗所有人習慣之後,冇人會想隨便去改變,尤其需要對改變之後恐懼⋯⋯

我哋習慣之後就唔會想去改變,唔知係太攰而懶得去改變

定係冇時間去改變,又或者係冇一個人係值得你為咗佢去改變

其實嘗試改變真係好困難,重新適應真係需要好大勇氣

因為你永遠唔會知道重新開始係點樣,可能你會覺得好辛苦⋯⋯





所以每次重大嘅改變都係迫不得已

因為唔可以再逃避,所以要作出巨大改變,可能係會非常唔願意

但係有時又會諗⋯⋯其實改變咗又會仲好

冇一個人可以知道之後發生嘅事,你只可以相信,相信呢個決定唔會錯

曾經聽過適應一個新環境只係需要21日,21日好快過只係三個星期,一個月都唔需要





其實係唔係真係可以適應到?我試過真係可以!但係你只係會適應到最基本嘅嘢

最難適應唔係環境,最難適應同最複雜嘅係身邊嘅人

特別係啱啱相識嘅人,佢表面好似同你好熟,甚至佢同你講,你係佢最好嘅朋友,你哋最親密

但係你永遠唔會知道佢對每一個人都係咁講,可能佢就係咁虛偽

只係為咗當佢有困難嘅時候,有你去付出真心,義無反顧咁幫佢





當你有困難佢可能只會安慰你,但佢唔會去幫你,甚至離你而去

其實可能係因為以上各種不同原因,令你唔敢同唔想去改變

我就係處於呢種情況,只係啱啱完全認識依家嘅環境,但係就又要改變⋯⋯

所以真係好攰⋯⋯但無奈又要接受現實

唔知有冇人同我一樣要面對改變,或者你又有冇同感

亦可能你唔認同我寫嘅嘢,不過我只係寫出我嘅諗法

唔知有冇人想知我有咩改變呢?如果想知可以留言問我,其實可能對於你係認為好小事!(亦可能冇人想知道^ - ^)

最後呢編係我第三次寫嘅文章,多謝大家睇我嘅文章,亦可能係再次睇我嘅文章,多謝你哋睇晒全篇文章,我嘅文筆唔係好好,所以希望大家可以比個評語我!可以令我有進步!