簡介

尋日去睇Iron man 3,差啲比幾個港女激撚死!





是咁的,我尋日就本來話想去睇夜場Iron man啦!
去到售票處,見到條人龍長過抺香鯨條撚!
咁都算,話曬萬眾期待,預左,我死死地氣,照排!
一排就排左半粒鐘,呢樣都未係最慶,最慶係排我前面個兩條MK妹不九停咁係度講野!
「點解Iron man咁有錢但係都咁正義架?」
「梗係啦!佢細個陪老豆老母去睇戲,佢老豆老母比個賊打死左丫嘛!所以佢大個咪咁忌惡如仇囉!(我無打錯,佢係話忌惡)」
「乜咁慘架?如果我條仔又係咁就好囉!又靚仔又有錢又聰明,仲要老豆老母都死撚埋!」
我一路聽,就一路火燒心!
妳兩個老豆老母就比人打死!
但係佢兩個好波呀!話題十分跳躍,一下子就講左第二樣。




MK妹A:「我條仔上個禮拜帶我入迪迪尼過一個月紀念日呀!幾撚正!張床又大又舒服,真係扑野都扑得過癮啲!」
MK妹B:「叫妳條仔咪咁幼稚啦!咁大個人仲去迪迪尼……」
屌!一聽就聽得出MK妹B係十分葡撚萄,妳老味妳識條春咩!成個MARVEL比迪迪尼收購左啦!人地去迪迪尼扑野妳就笑九人幼稚,嚴格黎講妳而家排隊排九左半個鐘睇套Iron man都係人地條o靚黎渣!
 
沿途佢兩條MK繼續講,排左咁耐就講足咁耐!
內容不外乎都係MK妹A不停話佢條仔對佢幾好呀!一星期紀念又帶佢去食乜,十日紀念又送左啲乜比佢呀咁。
而MK妹B就不停係度話返MK妹A條仔「都唔係咁好姐!」順手又講下自己之前拍拖,啲仔對佢幾好,又乜又物,碌九又幾長呀咁。
仆你個街妳兩個講撚夠未?你地班MK平時已經橫行無忌,而家難得有套超級英雄電影上畫仲要全城關注,對我地呢啲毒撚黎講係幾咁大件盛事妳地明唔撚明?點解係呢個咁神聖既時刻妳地仲要逼我聽埋妳地啲情慾史,妳地點送隻豬比其他MK仔食掛我春事咩?
聽得我心內煩悶不堪,一股內勁係丹田不停運轉,真氣充盈四肢,幾近不屌不快……丫!同埋我想話,MK妹B小姐妳是咪白痴,比啲常識好不好,人條撚係無可能有十幾廿吋長,想曬命都曬得有合理啲丫!除非妳話我知原來妳係同匹馬拍過拖……
總之佢兩個啲對話就ON9無極限,ON9程度接近突破天際,我巴不得將面前呢兩件傻的嗎按在地上,一手扯起佢兩個條牛仔短裙,再十指撕開佢地對黑絲就地正法!




但係我呢庭小毒撚,有賊心無賊膽,只好握緊拳頭,默默忍受……
 
好啦!忍左好耐,終於捱過左,排到我,咁我咪走埋其中一個收銀度買飛囉。
我行到埋去,忍左大半粒鐘,急尿又無得柯,塊面已經黑曬,但係我都盡量保持住禮貌咁話:「比一張Iron man 3,九點七,唔該!」
點知個港女收銀一聽,抬高頭就衝口而出咁話:「一個人睇戲?」
屌妳個屎忽一個人咪一個人囉!而家做愛呀?一個人就唔比做架拿?
當然我又係無講出口,但係佢見我塊面黑過佢個西,都估到我唔惹得,即刻問返我:「睇咩戲話?」
我話:「Iron man!」
佢話:「哦!鐵甲奇俠下話!」
我話:「Iron man!」




佢眉頭一皺,才下眉頭,卻上心頭:「Iron man咪即係鐵甲奇俠囉!」
奇?邊撚度奇?做乜係都要我用埋啲ON9譯名?
我堅持:「Iron man!」
佢就話:「你真係煩……總之一張鐵甲奇俠!揀位啦!」
我再忍不住,當堂虎軀一震,龍吟一聲,拍桌大喝:「奇妳老味!妳對波大撚到可以浪係張台上面就真係夠撚曬奇啦!」
港女職員不堪受辱,雙手護胸,把聲尖過吹雞:「嘩你講乜呀?變態架!強姦呀!」
佢隔離個飛輪海頭收銀唔知係咪一直都猴住呢件大波妹,二話不說就做架樑,即場想打我咁滯!
飛輪海頭:「你咪亂黎呀!我學過泰拳架!」
講都不突止,仲跳埋出櫃台,舞左幾腳,以示佢腳風虎虎,之旦係我見佢最高都係踢到我條腰咁上下……
你老味我真係忍撚夠啦!我連隨仰頭大喝一聲:「出黎啦!龍神丸~~~~~~~~~~~~~」
 
隨着我低沉而帶有磁性再加少少性感的呼喚,一件紅金色的手甲猛地飛來,我有型有款咁任由它套上我隻左手。
之後就係右手、左腳、右腳,同埋我碌九!
最後,成件上身同下身的戰甲都飛埋黎,一下子罩住我成個身體,但係到左呢個緊張關頭我突然心神一震,諗起一件好嚴重既事!
仆街我未整好個頭盔!




如果比人知道我又要威,又無左個頭盔,咁我咪七撚到核爆?
唔得!我唔可以比佢發生!
就係我副甲啱啱合埋fit曬身個一瞬間,我把握呢千分之一秒既機會,右手一揮,向住空氣大吼:「我唔洗頭盔!」
個陣霸氣大到嚇親四周圍觀啲路人,個個都O曬嘴,條條女都滴到地下濕曬!
就係憑住一句對白,我就令所有人都以為我係一個威得來唔洗用頭盔既男人!唔係,係男人中既男人!
呢個世界上,無任何一個人發現到原來我件甲係爛尾既!
我真係覺得自己好聰明,聰明到我想問叮噹借架時光機返去廿年前,我出世個晚,親口答謝我阿媽點解要生得我咁聰明!
 
全場最震驚都莫過於係飛輪海頭,佢口震震咁話:「玉皇大帝觀世音菩薩,共產黨加北韓殺到黎,香港九龍新界無得避……」
我膠都廢事比,直接從掌心射出一個能量衝擊波,打穿左佢心口,佢就咁玩完。
之後轉向個大波港女,佢驚到面都青埋,雙手亂舞:「Sorry呀!我真係無心笑你自己一個人睇戲,我只係以為你係一條普通毒撚!無諗過你毒撚到會真係走去整埋副甲架!對唔住……」
我睬佢都不如留返啲時間聽Justin Bieber,又一個衝擊波,打爆左佢右邊個波,即時變左大細胸。
我豎起一隻手指,剎有介事咁話:「波!唔係大就好架!最緊要夠衝擊!」
旁邊幾個AA CUP港女含淚鼓掌點頭,深表認同!
點知不愧係數一數二大規模既戲院,此時左右兩邊分別閃出一道身影,看制服就知佢地係戲院食蕉!




左邊一個手持五郎八掛棍,大喝:「休得放肆!」
右邊祭起三尖兩刃槍,大喊:「放開個巨乳!」
一名彪形大漢更迎面衝來:「那就他媽的戰吧吧吧吧吧吧吧吧吧!」
我兩手一分,加埋心口個能量儀,三道光束射出,打飛左三件食蕉。
就係我沾沾自喜之際,身後響起異聲……
「嗚~~~~~~~~你‧太‧過‧份‧啦!」
我回頭一望,嚇到賴屎!好彩我趕唔切整頭盔就係為左係褲浪度安個過濾器,如今大派用場!
講返身後先,身後係一件着住西裝既高級食蕉,但係此刻他的肌肉不停澎漲,撕裂左自己件老西,更漸漸變成綠色……
嗚呀!
唔係射左!係變形俠醫!!!!!!!!!!!!!!!!!!!!!
 
食蕉大佬反手一掃,你老味我反應都唔慢,交叉雙臂護住個頭!
好彩擋得快,唔係就濕撚曬!
我保得到自己個靚仔樣,可惜衝擊力實在太大,呢一巴打到我飛撚左都唔知去邊!
落地撞爆左幾個水龍頭,炒起埋成馬路石屎,定睛一看,先發現原來我比佢個仆街掃撚左出西洋菜街!




我好似流星咁跌落黎,不過我由細到大撘地鐵都唔坐既,所以練就左好穩健既下盤功夫,個鋪士仲係咁型仔!
四周圍啲人完全唔淆底,相反仲攞曬啲手機呀相機呀咁出黎,係咁狂影我!
我當然唔係咁高興,眼尾見到身邊有件MK妹,樣唔錯,對波都幾大,我一手就扯住佢衫領捉左佢埋黎,想話順手偷目及下佢個胸圍……我屌!原來無帶Bra!咁唔得喎!妹妹仔妳咁大對,唔戴老左好易”the”。
不過我唔係佢健教科科主任,所以都唔理得咁多,霸氣沖天咁同佢講:「妳同我習低邊個影左我相,每人收返佢地五蚊!」
MK妹好識做咁話:「OK!但係每登記一個人,我要收返七蚊手續費架!」
我合指一算,每個人我收五蚊,之後要比七蚊呢個MK妹,咁即係我仲有得賺三蚊,嗯!有肉食!
係我佩服自己心算咁快之餘,豪氣咁答:「無問題!」
所以話人不可以貌相,咪睇呢個MK妹短褲加拖鞋咁款,做起野上黎不知幾咁井井有條,話咁快就搵埋家燕媽媽同李家仁醫生等一眾影視紅星黎幫手,遂個遂個登記同埋比佢地影相。
香港人素質果然係高啲,立即就適應得到,仲曉自動自覺排隊添!
不過都個別有幾條茂利一路係度問:「早咩牙?夏唔夏有跌甲銀睇牙?咪阻住禾,禾落泥買左幾多金里地知唔知?茅禾地救濟里地屎得銀多啦!」一路想打尖插隊,對於呢幾隻半人畜,我諗都唔諗十道八道衝擊波就射埋去,射左佢地返中土大地!
 
毒撚如我其實都無乜心機理身邊啲無謂野,我全神貫注咁等緊我既宿敵來臨。
果然,一個巨大綠色身影離遠跳左埋黎,一團黑影罩下,沙石四飛,食蕉大佬就企左係我面前!
睇真啲,原來佢降落時順手係隔離啲唐樓天台捉左件四眼仔係手,係度耀武揚威,想話拋窒我!
四眼仔比佢捉住係半空係咁搖,嚇到佢屎忽loan都無肉,不停大叫:「唔好呀!我無做壞事架?點解要揀中我喎!我只不過係想出黎掟下漒水之嘛!我又唔係害人!點解我咁唔好彩……」




佢野都未講完,就比食蕉HULK頭尾扯住撕開左兩邊,啲血吧吧聲噴到四圍都係!
R.I.P.
「吼~~~~~~~~~~~」
食蕉HULK張大佢個死人口恐嚇我,我只係抺一抺自己塊面,講左句:「屌!濕撚曬!唉!唔撚驚!」
佢見無功而還,好無癮咁掉左手中兩塊和氐壁,徒呼一句:「壯士無罪,懷壁其罪!」之後打開google map,圖窮匕現,一把利刃向我刺來!
 
不愧係HULK,我同佢激戰左七七四十九個回合,打到我套甲都裂曬,都無佢符,正一咬佢個頭又硬,咬佢屎忽又臭!
我啲能量波對佢完全係零傷害,相反佢一掌就轟左我入家樂坊!
我開始絶望啦!我覺得自己根本打佢唔過,我覺得自己距離勝利好遠……好遠……
點知,就係煙塵滾滾之中,我見到……我見到……女神!
我唔係啲濕九蘋果記者佬,係唔撚係上高登貼幾幅圖就叫女神,係我面前的,是真正的女神!
紫色長髮,白色長裙,係真正既女神──雅典娜!
佢慢慢行過黎,話:「毒撚,你無事丫嘛?」
我答:「娜姐,唔好咁,妳身為女神,唔好咁爛口,一陣比人話無文化。」
佢又話:「啱!唔好意思,毒J。」
我好奇:「但係……點解……點解……妳識講中文?真正既雅典娜,唔係應該講日文架咩?莫非妳係A貨?」
點知佢話:「其實我想話,真正既雅典娜,都唔應該係講日文既,我世個度叫希臘,所以你都係唔好計較咁多。」
我點頭:「咁又係……」
 
我連隨問佢:「咁妳今次黎係想做乜?莫非係要幫我!」
佢微笑回答:「查實我只係想行下街買下衫,係你無啦啦飛入黎撞冧人地間鋪!」
我情深款款咁話:「Sor9ry!」
雅典娜:「不過如果唔阻止出面隻大怪獸,又的確係會死得人多,咁啦!我幫你!」
我老實不客氣:「正呀!」
雅典娜:「但係我無戰鬥力,主要職責係比人捉走,不如我過去比佢捉走好無?」
我話:「妳是咪玩九我?」
雅典娜見我J上面枝能量炮已經充緊能,即時改口風:「我真係零戰鬥力,一係咁啦……」
只見佢伸手入底褲,找呀找,終於「蚊」左條野出黎!
我大驚:「呢條乜黎?」
佢話:「所以話你毒J見識少,大驚少怪,呢條叫衛生綿條,係我唔方便個幾日就會用。」
我好有誠意咁話:「哦?娜姐妳做乜唔方便?整親呀?叫我幫妳丫嘛!」
唔知點解佢俏臉一紅,仲話:「唔洗你多事。」
跟手好似擠果汁咁擠左幾滴紅色液體落我副甲個胸度,登時金茫大盛!我副甲,升級左做黃金聖甲!
呵哈!
我當堂自信爆表,衝到食蕉HULK面前!
將能量叉到最高!
咦?突然,以心口個能量儀為中心,我副金甲溶左!
係喎!諗真啲,我副甲本來係用鈦合金做,而家變左黃金,溶點反而低左,承受唔住我啲能量!即係反而downgrade左!
今次真係中伏中到應一應!
 
食蕉HULK奸笑一下,一拳就轟埋黎!
好在我只係心口收左皮,雙手雙腳無事,噴射器都仲係度,所以即刻飛到高一高,避開左佢。
我係半空俯視,而佢則抬頭望住我,我雖然可以走,但係身為一個男子漢,我知道自己唔可以逃避!
佢雙腿一蹬,向上彈起,朝我衝了過來!
而我都將七感升到阿賴爺織,全部能量隻中係拳頭,向下往他衝了過去!
「吼~~~~~~~~~~~~~~~~~~~~~~~~~~」佢大叫以壯聲勢!
我都唔輸蝕,大嗌:「我好想睇Iron Man 3呀~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~」
轟!!!!!!!!!!!!!!!!!!!!!!!!
 
一拼之下,我最終都係輸左……
飛開左九丈幾遠,件甲爛左九成……
佢笑住咁行埋黎,我相信今次真係絶望啦……
我忽然諗起佢個弱點,即刻話:「係喎!頭先我排隊個時聽到,你地個經理話今年會加你地人工!」
佢問:「真係?」
我點頭:「真!佢話除非2017有真普選,如果唔係今年就加你地30%人工!」
佢開心地大笑鎚胸:「咁一定有得加啦!嘩哈哈哈哈哈哈哈哈哈!」
佢一路笑,自己都唔發覺,一路回復返原狀。
「咦?」
到佢驚覺已遲,我一個衝擊波就打爆左佢個頭。
我以勝利者既姿態,接受大眾的歡呼!
「記住同我收個五蚊!」我就只係向MK妹留下呢句有型又有深度既說話,就向住夜空飛去!
好唔容易飛返售票處,我終於買到我個一張戲飛。
就係咁,因為經歷左咁多阻滯,所以我遲左五分鐘入場。
 
所以我係想開POST問:到底頭五分鐘套戲係講乜架?