簡介

有好多野都已經俾大家做晒... 我覺得自己係一個廢人,一個做什麼都比唔上別人既人。





有時我喺度諗,我仲有啲咩可以表現到與眾不同,比人更勝一籌?

今時今日,大家為左吸引人注意,證明自己既特別,各出奇招。

旅遊:
一個人遊異地,環球踩單車,去戰地,去落後國家,在異地籌旅費...
女仔最近多左一個玩法,賣點係唔帶bra去旅行
可能遲下就會有個係男仔唔着褲去旅行

行為藝術:




請陌生人強姦自己,當眾做愛

運動:
十幾歲青少年游水渡過XXX,踩單車去地勢險要既地方,徒步橫過XXX

創業:
辭職投資XX萬創業,放棄學位創業 

暫時諗到咁多啫,太多了,根本不能盡錄。
年齡越輕或者越老,就越大既榮耀。




都啱既,護幼同敬老,係我地既社會價值。況且,某些創舉對幼童同老年人的確不易。

"嘩,佢地好勁呀,好勇敢呀,係先鋒呀!"
無錯,佢地係好勁,係好勇敢,挑戰自己既極限,同時為某一樣野開先河。
對於做運動挑戰極限既人,我真心好佩服佢地背後所付出既努力。
但係,先鋒得一個,你跟佢咁做或者一樣做到,不過你並唔係先鋒,你係跟風。
好抱歉,榮譽並唔係你的。或者頭一兩個都有機會上下報紙,雜誌。
不過,久而久之,果樣野就唔再係咩新鮮事,連新聞價值都會冇埋。
而啲人,永遠都係只記得始袓,因為果份驚訝同佩服,都係佢地帶來。
而且,佢地再多一個功勞,就係推動左其他後生仔去做果件事。





好似我咁既人,仲有咩方法去證明自己既用處?
讀書又唔夠人勁,以上既野即使自己做到,都己經有人做過。
你或者會話我唔夠努力。我諗我要提下你,唔係所有野靠努力就會成功。

請你唔好同我講,得唔到大家認同唔緊要,野係做比自己睇。
講真,你活喺一個只有你自己認同你既世界,你覺得有意義咩?
點解佢地做完之後要出書,唔係就係想話俾呢個世界知咩?
再講,我自己對自己既要求本身都好高。
誰人真心甘於平庸? 

跟住又會有人話唔好比較,否則做人會好唔開心。
喺呢個世界,每時每刻都充滿着比併,較量。
你叫人地唔好比較時,你肯定可以做到咩都唔理?
食飯同枱既人叫埋同一個餐,個食物送到時,你都會好自然比較下邊碟大碟啲,邊碟多餸啲。





唔通,真係要走到好極端,先可以成為一個做出獨一無二既既的人?
究竟,呢個世界仲有咩方法可以得到認同?點先可以在歷史中留下足跡?
可能係要做一個無人捉到既黑客,一個用盡方法都死唔去既人...
或者要死得好震撼,令世界都記得你。

呵呵,點都好啦。
一句講晒,你諗得出既橋,都好多人已經做左,未既,都就快會有。
所以要成為第一個做XXX事情既人,一定係要鬥快,否則就冇你份嚕~

哈哈哈哈