【微甜】點解有五條女同我一齊?: 16-未開始就結束-「修正版」
啊雯就望左一望個公仔，
「買完啦，買左啲咩呀？睇下？」佢再望住我問我。
「無呀，都係果啲，秘密!!」我答。
啊雯一路望住個公仔一路走，好似真係好唔捨得咁。
我見佢咁中意個公仔，當然無即場比佢啦，唔係邊有驚喜。
我望到啊雯佢有啲失落咁就同我一齊走，走左一陣既時候，我就問佢。
「你係唔係好中意岩岩個公仔呀？」
啊雯就點左一下頭。
我就係個袋度拎左個公仔出黎。
「嗱!!送比你。」我講。
「點解...點解你有既？」啊雯都呆左一呆。
「偷既信唔信？」
「偷？點偷？」啊雯好開心咁問。
我笑一笑就話:「買掛，我邊有咁叻呀，傻妹。」
啊雯無講咩呀，我就繼續講:「呢個公仔送比你啦，就當你陪我既獎勵啦。」
啊雯就錫左我塊面一啖，然後就搶左我手上既玻璃公仔。
我feel到我塊面好熱，熱到好似啱啱跑完400米出撚哂汗。
個心又砰砰咁跳，而且身體好僵硬，搞咩呀我？
果種感覺好奇怪，唔知點形容好，好似春天既季節咁。
係果一刻，我終於知道，買比佢既最主要原因唔係佢陪我一日咁簡單，
而係我本身自己係想送比佢。
因為我中意左啊雯，所以想佢開心，就係咁簡單。
當時我唔知點解有點唔好意思望住佢，啊雯錫完都好尷尬，所以大家就全程無講過野。
經過呢件事，其實我都有啲自責，因為我已經有啊情有啊柔，
點解我都仲可以中意其他女仔？男人的確天生係花心既動物。
一諗到自己中意左啊雯，我又唔知點做好，又唔想比其他人知。
唔通又要回到中學時期玩暗戀咩？好多種種既諗法，係我腦海中出現。
突然啊雯就拖左我隻手，係十指緊扣果隻，我雖然無縮手，但係我好想縮。
係果刻我終於明白咩叫口裏說不，但身體卻很誠實。
因為身體真係呃唔到人，啊雯望一望我，又怕羞咁望住地下。
如果果一刻我縮手，啊雯會唔會幾日都唔出街，係屋企喊，我真係唔知點做好。
「依家.....依家我地姐係點？你知我有兩個女友嫁。」我同啊雯講。
「唔知點解，我想同你一齊，唔介意你到底有幾多個，只要同你一齊就夠。咁你中唔中意我呀？」啊雯望住個地下。
我眼前呢個女仔真係好大膽，就係因為係遊戲上所建立既自信，令啊雯有勇氣去表白？
定係啊雯知道我一定唔會表白追求佢，所以佢想自己爭取自己既幸福？
「係呢刻我......唔否認我中意你囉，但係我唔知點面對佢地姐，如果同你一齊又同佢地一齊，好似搞到我好衰咁。」我講。
「啲大人唔係話愛情係無分啱定錯，想點就點，咁先係愛情。」啊雯講。
「咁你覺得我地咁樣啱定唔啱？」
我都唔知點答佢，因為我知道咁樣做對大家都唔好，但係我.......
「我都唔知，我剩係想同你一齊，同你一齊係我咁大個女覺得最開心既事。」啊雯就無望住我。
我行行下，就黎地鐵站附近，突然間眼前見到兩個女仔，好熟口面。
仆街!前面果兩個女仔係啊柔同啊情，今次大檸樂啦。
我即刻鬆開啊雯隻手，然後同啊雯講:「仆街啦！佢地兩個過緊黎呀！」
佢係一秒都無既時間諗左一陣，係懊惱既表情轉為驚左一驚既表情。
啊雯意識到果兩個係邊個，無他就是我兩位女友。
但係啊雯未見過啊柔同啊情，所以唔知佢地係度。
而且岩岩啊柔同啊情好似見到我地拖住手。
唔係啱啱開始就玩完呀？仲打算玩Sp，依家乜都無啦。
將計就計，唯有扮無野啦。
啊情就嬲嬲地咁跑左過黎，好有敵意望住我指住啊雯咁問。
「呢個係邊個黎嫁？」
「呢個？我.....我個朋友囉，成日同我打機，不過....不過今日佢約左我，我咪陪下佢。」我心慌慌咁講。
仆街!咩都諗唔到求撚其作左個大話，算啦頂住檔先啦。
之後啊柔都行到過黎，望左一下啊雯。
「係朋友定女朋友呀，岩岩望到你同佢拖手喎。」啊情繼續講。
死啦!原來佢岩岩睇撚到架，都唔知點收科，今次真係斷正。
啊情見到我無出聲，就繼續講:「唔講野姐係默認啦。」
「你好野呀，有我地兩個都好偷食，我唔理你呀!」啊情開始喊，一路喊一路講。
啊情就跑走左，跑向我反方向既地方。
人群將啊情消失係我眼中，唔知點解我唔識郁。
可能係我唔知點面對佢，怕佢唔想見到我。
我望一望啊柔，佢個樣都好唔開心。
但係啊柔無喊，之後行埋黎話:「你去追返啊情先啦，呢度我有睇住。」
我心諗，啊柔咁冷靜既，點解呀？明明知我偷食，都可以無咩反應，唔通比我嚇傻左。
我望住啊柔，啊柔行去啊雯前面。
「妹妹，我叫啊柔，你叫咩名呀？」啊柔問。
「啊....啊雯。」啊雯就耷低頭唔敢望住啊柔答。