【海嘯警告，現正生效】: Ep.30

撞進了冰山　捲上了急灣　一秒從未想折返
就望到了　就能望到了　終會踏足這峽灣
劃破了風衣　丟了救生衣　未曾想過會倖免
若生於某個　總擠不進我地點　註定遠征一遍

哋幾乎全身濕曬咁樣入左架車 套雨衣基本上已經無用
入邊已經全部滲晒水 仲要大風到基本上企唔穩⋯
但係我哋行咗一段路之後⋯ 聽到後邊有啲怪聲
我望一望倒後鏡 見到好幾架類似裝甲車⋯
「仆街啦 佢哋又搵到我哋啦屌！」




真係點解成日搵到我地 唔知究竟佢哋有幾多人運作緊⋯⋯

「都叫咗你唔好上返架車架啦！而家又俾人追啦！」
「我點撚知啫！我唔想行路過去呀嘛！」
「你一開始行路過去咪冇野囉！」
「咁我真係唔想行呀嘛 而且我點知佢哋又追到嚟嘅啫！」
「你咁樣瘋狂駕駛法我真係唔知會唔會死」
「總好過行成世同行唔到過去啊！」
「但係依家又比班癡線佬追呢！」
「賣甩佢哋有幾難！」




「但係我哋趕時間啊嘛！」
「屌你宜家都上咗車啦！仲講乜撚野呀！」
「我都係講事實姐！」
「你一係依家落車行過去啦！」
「你⋯⋯」
佢突然間靜左一下⋯⋯

我兜咗幾個彎 跟住停一停低
「你係咪認真先？」佢突然間問我
「咁你係咪真係行過去呀？」




「咁我就行俾你睇」
「喂你真係行架？」
佢冇講到野⋯⋯
「喂你應下我啦！」
佢拎埋佢啲嘢 開咗車門落車
「既然你唔信任我嘅話 繼續行都冇意思」
「屌你真係走啊！」
「算啦 有緣再見」佢閂埋道車門
「屌你老母你真係認撚真架！」我大聲叫佢
佢冇回應我 亦都有機會係聽唔到我
「我同你講吓笑嘅咋！咁撚認真做乜嘢！」
都係冇應到我⋯⋯

阿Sam係啲唔講得笑嘅人 講一兩句佢就認真
唔知點解佢真係好執着 無論大問題定係小問題




「唉算數⋯⋯ 唯有自己做獨行俠⋯⋯」
唔怪之得佢中學嗰陣咁少朋友⋯⋯


「終於揸都嚟呢度啦⋯ 鰂魚涌⋯⋯」
我停咗喺鰂魚涌站一個出口度
入邊同北角站差唔多 一樣都係燈火通明
「好啦睇埋落去先⋯⋯」
將軍澳線月台嘅位置同樣都係有架地鐵係度
唔同嘅係 今次呢架車有電
個駕駛室咁岩又打開咗⋯⋯

我係做文員之前 曾經做過地鐵車長
因為之前我仲面試緊 而且要等好耐先有消息
亦都有因素係我女友⋯⋯




而之前我係都有學過相關知識
所以我就暫時做咗車長
但係而家 呢個技能就大派用場

但係而家我腦海浮現一個問題
「應唔應該搵返阿Sam？」