自殺以後，進入了RPG的世界: 龍與蜘蛛

係……魔界既領主？
唔係，係魔王。
龍人同埋惡魔既魔王，仲有個係黑騎士？
睇唔到黑騎士既STATUS，完全比佢油黑左，點解會咁？

黑騎士由山洞洞口跳左落黎，抱起左弗蘭肯斯坦，不死族領主既屍體，似係想帶走佢。
「無用既垃圾。」惡魔領主，蜘蛛女王咁講。
無錯，係蜘蛛女王。
佢同龍人領主，烈焰龍迦具土都企(趴)左係洞口上面，俯視住我地。





蜘蛛女王……係頭先既……毀滅世界既蜘蛛女王？
佢係惡魔……魔王？

約翰做好哂迎擊準備。
雖然係無勝算，但都唔可以坐以代弊。
黑騎士唔理我地，正準備帶走不死族魔王既屍體既時候，比王喝住左。

「喂，等等。」王咁講。

黑騎士無打算理佢。




跳返上洞口。

「等陣呀，係唔係唔識聽人話啊？」王笑笑口問。

迦具土突然之間變左人既型態，拎起劍刺向王。
好彩我反態得切，用鉗空手入佢白刃。

「喂喂，迦具土，咪嚇親人啊。」蜘蛛女王笑住咁講。
「咩嚇親人，我係認真既。」迦具土用力揮劍，撞開左我既鉗。





「蠍子女王？就係你地殺左弗蘭肯斯坦？」迦具土問。

「係，咁又點？」我問。

「你殺左我地件垃圾，無撚用，研究又一直得個吉既垃圾。所以，你加唔加入我地，做不死族既魔王，反正佢都已經死左。」蜘蛛女王問我。

但係，迦具土完全唔係咁諗！
「火焰斬擊」
佢提劍係咁攻擊我。
比起冰龍，呢條龍更加強！

「死亡之鉗」我開技能。
避開左？

埋身戰。




幾次過招之內，我比佢打到落地，佢用劍指住我既喉嚨。
雖然本身我HP同MP都唔係剩好多STATUS亦不如佢，但係頭先幾秒鐘已經證明左佢唔需要用技能，唔需要屈STATUS既差距，都可以屌打我。
利用劍技，完完全全咁壓制住我。
好強。

「佢憑咩可以加入到我地？」迦具土問。
「最起碼佢都打得低弗蘭肯斯址坦，而且不死族既魔王傳統上都係一個ON9。」蜘蛛女王回答。

「等陣先，你地係真係打算完全無視我？」王問。

迦具土隻手甩開把劍，成把劍飛左出去，差D插中王個頭顱，係佢塊臉上劃左一條淺淺既血痕。
「細路女有咩資格出聲？」迦具土講。

「天照之光」約翰即刻開技能還擊。
[天照之光:以魔法召喚小型太陽射擊，然後對單體造成大量聖光傷害]




個技能名叫天照之光？
不過唔重要，完全打唔中迦具土。
反而，迦具土瞬間埋到去約翰既身邊，一腳踢中約翰個肚，成個人飛左出去。

「點解細路女無資格出聲？」
王繼續係到挑釁佢。
「本來我係無諗住友你地，依家我改變左主意。」
迦具土拎返起劍，然後即刻刺向王！
只不過係一秒間既事。

劍去到王前面1CM既位置就停低左。
迦具土比突如其來既絲線綁住左，中斷左佢既行動。
明明只係兩三條幼線，足以阻擋住迦具土既行動。

「蜘蛛女王？」迦具土問。




「唔係我啊。」蜘蛛女王回答。

王笑左。
大笑。
「嗚哈哈哈哈！」

「你究竟係咩人？」迦具土問。

蜘蛛女王都爬左落黎，扶左我起身。
「走啦，新任既不死族魔王。」

我……
迦具土鬆開束縛，然後問多一次：
「你係認真？」
「我係。」蜘蛛女王回答。





「咁你帶佢走啦，我解決埋佢先。」
烈焰龍拎起劍，再次攻向王。

王：「約翰，跟住我既指示去劃魔法陣，我要召喚某個人出黎。」