自殺以後，進入了RPG的世界: 死靈法師

上回提到:
出去郊外四圍行，見到大賢者三個徒弟打怪。
於是我用呢班徒弟去試下我既[眷屬製造]

三打三。
徒弟對我整出黎既死靈武士。
浪費左我好多精神設計出黎既死靈武士係無咁易打架哦！
就算係大賢者都……
死哂？
咦？




吓？

徒弟仔佢地既打法係一個人開護罩擋攻擊，其他兩個人就狂開炮打。
死左？
果三隻咁既死靈武士死哂？
咁鬼快？
呢樣野就係戰術同裝備既差距？
但係都太怪啦掛！
出場三段之內就比人秒殺。
大佬，你地唔好咁癲啦。




開始覺得唔可以睇小人類。

徒弟仔佢地執起死靈武士既屍骸，睇黎係番去研究。
比大賢者見到就麻煩，我驚佢查到係我整出黎。
最驚都係比佢查到我係GM姐。
所以，依家要趁機會殺哂佢地？
都係唔好啦，唉。
不過，睇黎眷屬製造呢個技能唔可以馬虎。
一定要集中精神，閉關去整先得。





係魔物？

密林迅猛龍 LV57

HP:6941
MP:2465

力量:762  敏捷:864
防禦:942  魔力:69

三隻？
唔係，包圍住徒弟仔既係3隻，然後，埋伏係出面既有十幾隻。
魔力好低，但係其他數值好高。

「魔法障壁」




果個叫電影既貓人徒弟開左個魔法障壁出黎保護住其他人，同時因為法杖既關係施展魔法飛彈。
同一時間可以攻擊同埋防守，呢件架餐都幾勁。

「閃電射擊」叫做直流電既人類徒弟攻擊。
「暴風射擊」留聲機，吸血鬼徒弟攻擊。

一個用魔法，一個用電，一個用風系既攻擊。
使唔使幫佢地呢？
睇黎……呢班恐龍比想像中強。

密林迅猛龍並無攻擊。
佢地只係包圍住三人組係咁轉圈，淨係迴避攻擊。
係想消哂佢地既MP先攻擊？

突然之間，一隻迅猛龍用迅雷不及掩耳盜鈴既速度撲左上去。




「魔法衝擊」
電影開技，彈開果隻迅猛龍。
其他兩個人反應唔切。
然後，另外兩隻迅猛龍同一時間衝左上去。

「龍卷風暴」
留聲機開技，出現左個迷你龍卷風，想卷開佢地。
但係，比果兩隻迅猛龍避開左，然後一口咬落去留聲機隻手到。

外面亦都有兩隻迅猛龍衝左過黎支援。
「電磁脈衝」
直流電比自己為中心放出衝擊波，撞開哂班迅猛龍，哇，仲可以麻痺班迅猛龍添。
叫做比番少少時間可以抖下氣。

一睇就知，佢地唔夠打。




呢班迅猛龍會唔會太合作？
好似有人指揮緊佢地咁。
所以，我係佢地就唔好抖大氣、鬆懈落黎。

「嗚呀！」
直流電背部中左把刀，跌左落地。
虛弱狀態，持續兩個鐘。
應該係會四肢無力咁樣，簡單黎講，成唔到戰鬥力。

「咩人！」
留聲機止左血之後鳩叫。

樹上面有個人。
黑衣人。





【不死者之王】 巫妖-空鬼 死靈法師 LV99

HP:10542
MP:30775

力量:1945  敏捷:1576
防禦:1294  魔力:2823

巫妖？
未聽過既種族。
有職業，係人，唔係魔物？
然後，職業係死靈法師？

開權限，查資料。

巫妖，人種，不死族之一。
為進化種族，由不死族進化而成。
外表為人型乾屍，身上帶有死的氣息。

死靈法師，職業之一。
廢案職業，比管理員移除了的職業，無法用正常途徑成為死靈法師。
能使用死靈的力量。

咦？
不得了，又卷左D麻煩事入面。