《米米蓮的100個揭尾故合集》: 《養》謎底

《養》

謎底：

完整故事︰

發生地點︰日本某小學

老師︰「老師今日送隻小豬俾你地 你地要好好養育佢呀」





學生們︰「知 ~ 道 ~」

之後既半年 學生們都好努力咁 分工合作去餵養呢隻屬於大家既小豬 小豬叫做「小寶」

之不過 半年之後既某一日

老師︰「同學呀 今日既午餐好食嗎？」

學生們及頭





老師︰「你地知道你地食緊既係咩肉嗎？」

學生們擰頭

老師︰「你地食緊 甚至係食左既 係你地養左佢半年既「小寶」呀」

學生們當時既反應係…

呆 嘔 喊 驚 總之就係全身唔舒服到好似靈魂離體一樣…





冇人知道究竟當日學生們食左既 係唔係「小寶」 不過最少…

學生們都已經認定左一樣野

返到故事謎面…

再幾個月之後既某一日

學生們︰「老師 我地家政堂整架 你試下丫」

學生們喺午餐時間 將一碟肉送俾老師食

老師︰「好呀…」

… (食用時間)





老師︰「咩黎架？」

學生們︰「你估下？」 當時學生們都報以詭異既微笑 唔到老師唔心寒

老師︰「你地…養架？」 老師既心情好複雜 但係… 佢仲係要擺出一副高姿態…

就好似刻意仲要挖苦當日學生們食左自己親手養既「小寶」一樣

不過 佢似乎太睇小 小學生既人性黑暗面

學生們︰「哈哈哈 唔係噃 係你養架」學生們詭異既微笑 就好似同老師講緊…

「你食緊既 係你個囡既肉」





之後 老師驚自己讀隔離班既女兒出左事 於是乎發左癲咁衝出門口 轉左個角 諗住去隔離班睇

最後… 佢跪左喺個地度爆喊 因為佢見唔到自己個囡

當日 學生們都已經認定既一樣野 就係要集體向老師報復

(完)