【少少重甜】《用甜筒打喪屍！！》（完）: 第3回 - 日本妹

餐黎喇，原來我叫左個黑椒炸雞扒 望住日文，其實都唔知自己叫左乜春。 

我二話不說就食啦，肚餓呀嘛。 

虧佬仲對日本妹念念不忘，係度話：「如果香港有呢d後生女做店員你話幾好呢..   」 

「係呀，醫院canteen有呢d質素就好啦。」我話。我邊講邊飲呢個味增湯。 

「去canteen做咪盞比d燒味佬視姦？唔得唔得  」虧佬話。 



日本妹店員又黎捧多個餐盤黎。咦但我地無叫喎？我即刻話：「Hey, we didn't order this.」 

呢個日本妹係一個齊陰可愛型，佢話：「これは贈り物ですか。This is a gift.」 

「咦？」我自然咁笑左出黎：「You can speak English？」 

日本妹笑了！笑得好燦爛好靚女！   「Yes! I learned English at school.」 

死火啦，我同虧佬都好似鐘意左呢個日本妹咁！！點解咁可愛架...   



日本妹又講帶住日式口音既英文：「Where are you come from?」 

「Hong Kong , Hong Kong.」虧佬話。 

「すごい！（好西利）  」日本妹突然坐左埋黎我隔離。「I love Hong Kong~!!」 

我比日本妹d反應搞到笑左出黎：「下...but we hate Hong Kong 喎.. 」 

「なぜ？香港は良くありませんか？」日本妹話。 



我諗佢問香港有咩唔好掛。鬼咩，比689搞到咁勁樣點會好呀？   

「Politics problem.」虧佬話。 

「しおん！生意気なことはありません~」係入面做緊野，好靚好靚果個日本女士話。 

「はい~~」日本妹以好可愛既聲線回應。 

「I should not be here...」日本妹要告辭了。 

「No. We are happy that you can speak English. Can you stay??」我話。 

個日本妹突然間面紅，然後搞到我同虧佬都傻左咁對望。唔通我講錯野？唔好走呀日本妹  

「啊..」日本妹發出呢d聲。然後就走左去同果個好靚既日本女士講左一大堆日文。應該係嘈緊交。 



我同虧佬都o左嘴。然後唔理佢啦繼續食野。 

「哈哈，日本妹真係好可愛。  」我笑住講。 

「我都覺。  」虧佬話。 

我：「搵返個日本妹做老婆囉，你又散左。 」 

虧佬笑左笑：「唔好啦，言語不通呀。」 

食食下，可愛日本妹走埋黎。我地當然好開心佢又過黎啦  

日本妹深呼吸左一啖，似乎有重要事想宣布。搞到我同虧佬都要停哂手腳望住佢。 



我笑笑口：「What can I help？ 」 

日本妹回答：「Can I be your girlfriend??」