《麥當勞遇到女神》: 【高登後記】

「呢個故作得比《彼此最遠的距離》差喔。」呢個係我寫《麥當勞》以來聽過好多次嘅說話。
 
無可否認，我亦認爲呢個故事不如上一個，篇幅少一半、情節沉悶、出得慢......種種因素都影響緊個故事。
 
去到中途自己都有點像放棄...而最大原因我認爲係因爲呢個故事並非真人真事（回應翻ctb8204巴打），係《彼此最遠的距離》入面，好多都係我親身經歷過、睇過嘅事，所以可以靠呢啲比到我好多靈感，可惜嘅係《麥當勞》我需要靠憑空想象，絞盡腦汁先可以諗到少少情節。
 
但即使如此，沿路上仍然有唔少嘅巴絲打會留言或正評支持，有啲人都會覺得好好睇窩！我發自內心感激！當然批評我嘅人我都好多謝，無你地我唔會知道自己需要努力去寫故事。
 
寫完呢個故事之後我會用少少時間寫埋紙言嘅魔法故。
 


然後...就會開始翻【少女時代系列】嘅長篇愛情故事《打賭輸咗要溝女神》，預計至少寫十萬字。
 
我有信心呢個會係另一個令你難以忘記嘅故事！希望各位會去支持啦！
 
感激沿路上一直陪伴着我的讀者們。
 
PS.特別多謝 傻的嗎舞若依 呢位巴打不離不棄嘅支持:D DSE加油啦！（各位都加油）