簡介

希望大家諗清楚選票嘅意義,如果呢種玩法係用嚟制裁泛白鴿,懲罰港豬的話,其實過去嗰屆選舉已經達到咗呢個目的,無謂為咗啖氣而同自己過唔去。



立會選舉在即,小弟身邊支持本土派嘅朋友響地區直選,理所當然會投俾青政。不過,當佢地討論「區議會(第二)功能組別」(下稱:超區)投俾邊個嗰陣,大家就有唔同嘅見解。朋友A話投白票以示杯葛;朋友B話剔晒白鴿兩個候選人變相廢票以示不滿;朋友C就話「寧投建制,不投泛民。」

當我聽到朋友C咁講,我不禁倒抽一口涼氣。明明建制班土共先係香港人嘅公敵,點解仲要推佢地入立會,破壞香港嘅法治,剝奪香港人嘅自由,將中共打劫香港庫房嘅行為合法化?然後,佢繼續數泛民點樣出賣香港人,白鴿同中共密室談判,賽狗又點樣同班左膠幫啲蝗室成員嚟香港搶福利…

坦白講,出賣得香港人最嚴重嘅,梗係班土共啦!泛民算老幾呀?土共由九七淪陷到而家,所有出賣香港人利益嘅議案都有份支持通過。要數罪狀真係有排數,請大家自行google立法會投票紀錄。又例如689條仆街將大白象工程撥款議案打尖,放響一啲福利政策嘅前面,請問嗰班口講為民生為老人為基層嘅土共去晒邊,做咩唔出聲反對?泛民起碼都仆出嚟屌兩句丫。

好嘞,而家預計下選舉完左之後會點。有土共已經響選舉論壇明言,入到議會之後會第一時間修改議事規則阻止拉布,萬一泛民大敗,唔單止阻唔到佢地改議事規則,甚至連布都拉唔到,所有嘅大白象撥款會快速通過,到時香港庫房嘅流失速度仲快過你沖廁所。仲有,唔好忘記土共會食住個勢推廿三條。俾佢過埋,大家咩都無得傾,唔駛講獨立,唔駛講反共,眼白白睇住香港俾班土共蝗民糟蹋又冇得阻止,呢個真係大家想要嘅結局?

其實支持本土派嘅人,本身都係泛民嘅支持者,只係因為響某啲議題上比較進取,從而分裂出嚟。雖然,大家行嘅路唔同,但係目標係一致,一樣係為香港脫離中共控制而努力,為捍衛香港民主自由而付出,為香港未來作出貢獻。地區直選,不論你係投泛民定係投本土,超區嘅首選一定係投泛民,排除左兩隻白鴿,仲有四張名單俾你揀。投白票、廢票,甚至投俾土共,代表你放棄自己嘅自由,向中共極權卑躬屈膝。所以,請你揀選一個同你政見相近嘅泛民超區候選人,然後響9月4日,將你嘅一票投俾佢,先至係捍衛自己自由嘅上策。




區議會(第二)功能介別候選名單:
http://hk.apple.nextmedia.com/legco2016/sregion
已有 0 人追稿