我係迪士尼俾一班邪惡既卡通人物襲擊: ＃11

終於嗌左十九幾次，詩欣佢終於有d反應。
 
「嗯……」佢慢慢咁爭開雙眼，但好似俾呢個環境既強光刺到隻眼，佢揉一揉自己對眼。
 
「呀妹！做咩呀你？點解你會係入面既？」我見到佢有d意識就問佢。
 
詩欣好似意識到係我，於是提起精神。
 
佢見到我就講，「呀哥！」然後再望一望周圍，覺得有d唔對路。
 




「呢度邊度黎架？點解我係度既？」佢不解咁進住我，臉上掛滿了疑問。
 
我心入面都好多問號，究竟發生左咩事呀？
 
「小心呀哥！！」佢突如其來咁大吼一聲，我都俾佢嚇親。
 
跟住落黎我心口出現左一把長長既刀。
 
我係俾人由背後插左一刀，而刀片沾滿曬血……而就咁睇把刀，係米奇老鼠既武士刀。
 




我見到詩欣佢驚嚇既臉容，嘴型成一個O型，然後用手摀住自己個口。
 
佢雙眼流露驚恐，同我既感覺如出一轍。
 
我都唔知發生咩事，但我係感覺到心口係有一陣陣既刺痛，連呼吸都會覺得到痛楚，更加感覺到把刀係度郁黎郁去。
 
我擰轉後面，我見yuki，我真係估唔到係佢。
 
佢個樣好恐怖，雙眼滿佈血絲，臉部有些少既血跡，頭髮凌亂不堪。
 




然後我個腦就好似暈暈地咁，身體好無力，自自然然咁向地下傾斜。
 
係我臨暈低之前，我眼角瞄到yuki手上面拎住一條鏈，而條鏈上面係有一枚戒指。
 
我忽然間睜開雙眼，嚇親眼前既yuki。

佢手拎一張紙巾，睇黎佢係幫緊我擦汗。

「你終於醒啦？」佢好溫柔咁同講。

佢咁講我就即刻諗起夢入面既yuki，心入面不禁對佢有啲防備。

我下意識咁避一避開，佢驚奇咁問道，「做咩事呀？發惡夢？」佢仍然溫柔咁同我講。

我頂唔順，我都軟化落黎，點一點頭，我連講野既力都無。





佢就繼續幫我擦汗，每一下既力道都十分之輕，而且哄到好近。我吞一吞口水，然後任佢魚肉。

細心留意返，原來我地瞓左咁耐。

依家天色已漸漸入黑，天空帶點蔚藍色，同今朝早既陰暗天氣好唔一樣。

係遙遠既天邊，仲有啲黃昏既光線，成個天空都幾靚既，如果......算啦，再如果都無用。

但咁既天色，反而俾我一啲不安既感覺......

「你頭先係咁嗌住『呀妹』，係咪係夢入面見到佢呀？」佢擦完之後問我。

「係呀...我擔心佢有事。」一講起我又開始黎了。





依家過左咁耐，都唔知佢點架。我見yuki好似都無咩野，就覺得應該要起行啦。

「行啦，我地去搵返呀妹佢地。」我好型咁企起身。

我就好像超人咁，企起身，擺返個靚post，好認真咁望住yuki。

佢「噗」一聲，笑左出黎，「你好傻的嗎呀，哈哈。」佢開懷咁笑，之前既陰霾好似都消失唔見咁。

總之，佢笑好過佢喊啦。

「依家佢地係生係死都唔知，點好呀？」瞬間佢又擔心起黎。

女人啲情緒變化係我地男人難以想像既。

「生要見人，死要見屍，點都要搵架啦。」我講，然後我就帶頭行先。




 
我行係前頭，發覺佢企係度無行到。

於是我行返轉頭，問佢，「做咩唔行呀？我地仲要去搵佢地。」

佢低頭不語，半晌，終於吐出左兩隻字，「我...驚...」

依家都差唔多黑曬，完全無燈光，路都要好難先行到。