曖昧，永遠都是一對男女最享受的過程。: 第二十五章

到達The ONE，表示呀晴的手將會鬆開。

如果時間可以過得慢點就好。

「行快啲啦，行得咁慢架你。」

我是刻意拖慢來行的，難道又要跟你說嗎?

一到The ONE大門口，呀晴便馬上放開手，拿出手機來拍照。





這和我所想的一樣。

因為在The ONE內也有不少的人流，在鬆開手後，我只好默默的跟在呀晴身後。

最後我們走到一間賣寵物小精靈精品的商店內。

「有好多比卡超啲精品買呀，好得意好想買呀!」呀晴說。

「係寵物小精靈既精品，唔只得比卡超。」我試圖糾正她。





「咩呀，咪比卡超囉，我冇錯呀。」

我無奈地發出一聲嘆氣。

而呀晴則是無視了我，繼續看那些精品。

「係咪想買呀，我送比你丫。」我說。

「唔洗啦，我睇下就得架喇，屋企都冇位擺。」





「但係你好似好鍾意咁喎。」

「係就係鍾意，不過呢啲唔洗晒錢買。」

「你話架，一陣唔好話要返黎買呀。」

「得啦，我地出去影相啦。」

在商店外就是拍照區，有很多人都在排隊想跟那些寵物小精靈拍照。

「呢隻野好得意呀，我想同佢影相呀，一齊影丫。」呀晴指著隻伊貝跟我說。

「我唔影啦，我幫你影啦。」

「點解呀，一齊影啦。」





「唔啦，你知我唔鍾意影相架。」

當我準備拿我的手機出來幫她拍照的時候，她卻把她的手機放到我面前。

「用我嗰部影。」

「點解呀，你嗰部電話既相機影相都唔清，我影完send返比你咪得囉。」

「唔得呀，用我嗰部影!」

我當時不明白這樣用的意思，但只好跟著她的說話做。

雖然呀晴不清楚那些寵物小精靈的名字，但她都一一跟牠們拍照。





而我也被逼跟她和比卡超一起合照。

「一陣記得send返啲相比我喎。」

「返到去先算啦。」

由於The ONE內的商店都不適合我們，所以我們在拍照後就離開了。

在一番的拍照後，我們都開始覺得肚子餓。

「食乜好呀我地?」呀晴問。

「我冇所謂呀，不如你決定啦。」

「唔係話左我諗去邊，就你諗食乜架咩?」





「我唔知乜野食岩你口味...廢事我諗但你又唔岩食啦。」

「我諗食乜你都可能會唔岩食架，咁多藉口。」

「可以同你食，食乜都岩我食架啦。就你啦，你諗食乜啦好冇?」

「你咁好口，我唔諗都唔諗啦。」

「咁我地食乜?」

「一陣你咪知囉。」