港大七不思議食女事件: 17. 名份

17.名份
 
生命入面好多嘢係硬食，冇得揀，所以，即使身為浪子，一旦選擇嚟臨嘅時候，我都會冷靜落嚟，權衡輕重。
 
永恆、剎那、剎那、永恆。落住毛毛細雨嘅英倫夏晚，我思如泉湧，由床行去房門嘅幾步路，像鐵軌一樣長。
 
賓妹。黃心穎。瘦底。陳巧文。事頭。孫佳君。MILF。中女。大波。山大。錢。Burberry乾濕褸。補習。窮撚。我阿媽。華富邨。貝沙灣。浪子。曼德拉。維園。骨氣。英國。阿仙奴。非我族類。阿基諾三世。屌人老母。屈強姦。講唔掂數。楊太。綠帽。
 
諗吓諗吓，我推開房門，想起尢物一般嘅Jackie，胯下嘅丁丁硬到好似黃帝指南車嘅針一樣，引領我去Jackie房門。
 


我知道，今晚一定係黃帝大戰蚩尢嘅黎明之戰。我憶起賓妹巧文柔情蜜意，感到無限愧疚，愧疚於我嘅卑劣，卑劣非於私德有虧，屌人老母，而係植根於內心深處嘅種族歧視 ---- 未有選擇之前，我以曼德拉與林肯自詡，但係，一旦機會嚟喇，有得揀喇，我離地中產般嘅假面具就被輕易撕破，好誠實咁去屌富人嘅二奶，屈膝於種族主義同金錢之下。
 
賓妹巧文雖年輕，終究佢都係賓妹。
 
我離開房，行去山大老母門口，深呼吸一口氣，按下門鈴。我聽住Jackie嘅腳步聲越嚟越近，就似未經人事嘅毒男一般，心跳得越嚟越快。
 
一開門，Jackie著住黑絲，黑色連身裙，一身Tone on tone，配合佢嘅蕩曲髮，顯得更加有女人味。可惜嘅係，佢口黑面黑，一見到我，就轉身坐番上床邊。
 
「你同賓妹好熟咩？做咩玩到咁埋？」佢一開口就向我大興問罪之師。
 


「冇呀，我唔係同你傾，就同山大或者賓妹傾架啦，有咩咁出奇。」
                                                                                    
「YOU GET AWAY FROM HER! She is not yours! 」Jackie一掌好大力咁推我心口，令我登時退後半步。
 
我誓估唔到，Jackie嘅思想同佢妖媚高貴嘅外貌落差係如此大。我溝賓妹，就好似侵佔咗佢私人財產一樣，罪該至死。Jackie一定自以為係中世紀蓄奴莊園主，一個月區區幾千蚊，就想擁有賓妹嘅生命。
 
「屌，你發咩癲呀！」我氣往上衝，唔理佢係我米飯班主，一嘢屌落去，再推咗佢落床。
 
我兀自後悔自己嘅衝動，Jackie忽然眼角含淚，神情委屈。
 


「我包你食，包你住，衫都買埋畀你，你咁樣對我？」
 
我低頭，一講到錢，雖然身為浪子，我完全無法抗辯。
 
「你知唔知我為咗你，啱啱先同我男人鬧交？你打我？」
 
我望住Jackie，一時不知所云，慢慢咁坐咗埋佢身邊。
 
讀者唔好誤會，我唔係因憐生愛，其實我就最撚怕女人對住我喊苦喊忽，淨係想佢收聲，安慰吓佢。點知，佢緩緩咁挨落我膊頭。
                                
「啱啱Alexander嗲哋睇到Alexander Instagram，見到我地啲大頭旅行相，係咁鬧我，話我將佢啲錢貼仔，畀綠帽佢戴，要cut晒我啲附屬卡。但明明我乜都冇做過……」
 
我見到Jackie梨花帶雨，頓時鳩硬心軟，忍唔住輕撫佢嘅曲髮。
 
「我好後生就識咗Alexander嗲哋。嗰陣我做緊Model，喺Party到遇到呢個人，真係前世做嘅孽。佢對我好好，管接管送，對我獻殷勤，又得閒作曲作故仔畀我，送呢樣、送嗰樣。佢屋企係名門望族，我當時點解會咁蠢，唔知佢呢啲公子哥兒一早就有女朋友，仲就嚟結婚？


 
「當我知道咗，諗住離開佢嘅時候，Alexander就嚟咗我個肚到。小朋友係無辜嘅，我逼於無奈，就幫佢生咗個仔。
 
「我到而家仲無名無份，佢生日、聖誕、情人節同倒數永遠同佢老婆過，我只係得二月十五、Boxing day同元旦同佢慶祝。佢再有錢咁又點？我將啲青春畀晒佢，佢畀啲咩我？」
 
只有廿歲出頭嘅我，聽到Jackie同山大老豆嘅故事，完全畀唔到反應，唯有攬住佢。
 
「咁多年，佢除左識俾錢山大買Lego，有無理過個仔？個仔偷偷地叫佢做撚樣，你估以為我又唔知？」Jackie一路開酒店房入面嘅酒嚟飲，就一路喊得越歇斯底里。佢飲飲吓酒，突然推我落床，騎住咗我。
 
Jackie嘅堅挺胸脯貼住咗我嘅胸肌，令我完全感覺到佢呼吸起伏。
 
「還掂都被人屈，不如……我地試吓。」Jackie捉住我嘅衣領，解咗開第一粒鈕，捉住我隻手，摸佢嘅黑絲大脾。
 
「楊太，你係咪引誘緊我？」