【苦甜】【言情】他愛上她: 天台上的女仔

「楊哥，食完做咩好？不如玩下隔離班果矮子，身癢癢無野做唔自在。」阿張吃著飯說，口水都要飛出來，
永翔一下子把阿張的頭用力按下：「身癢無野做使唔使我張你個頭攞去撞牆啊？你d低智商可唔可以高智慧少少啊？」
阿志慌忙打圓場：「楊哥，佢無腦唔使理佢啦，不如……做其他野？」
聽到之後永翔才放開阿張的頭：「算啦，今日我想抖下，另外……」
永翔手機突然震動，他打開訊息，兩三口扒完飯站起來：「我上天台，幫我睇住班細就得，唔使把關天台啦。」
阿張阿志異口同聲：「沒問題，楊哥慢走。」
永翔慢慢走出課室，除了阿張阿志目送之後，全班房沒有人敢與他有眼神交流，連他經過每一個位的同學都把頭低到不能再低， 生怕惹上麻煩。
永翔上到天台，見到欄杆旁邊有個女仔背對著他看操場的風景，但當女仔聽到他的腳步聲便轉身過來，那頭淡金色的長髮跟著她的急速步伐擺動起來。
女仔乘著跑步的衝力一下子撲倒永翔，豐滿的胸部亦緊緊貼住他嘺聲嗲氣道：「楊哥！好掛住你啊！send短訊比你先過黎，做咩呢排都唔過黎搵下『我地』啊？」
永翔並沒回抱女仔：「sor, 最近有事忙無時間。」


女仔聽到後反笑：「楊哥都會有野做？哈哈，你講笑啊？」
她見永翔沒再有回反應，有點失望放開手，但很快又滿面笑容：「你得閒就搵下我地，麗麗姐都好掛住你，話你從來都唔會超過一星期唔搵我地，仲以為你移情別戀。」
永翔停了一刻，道：「今晚應該可以，『小紅』你會係度？」
「小紅」扁了扁嘴：「今日我無值班，做咩要今日黎喎？楊哥你避我，我嬲啊。」
永翔：「唔好嬲，過幾日我再搵你，你邊日係度？」「明日後日都係度，你快d搵我，我好寂寞想要你啊。」之後「小紅」對著永翔的嘴唇輕輕淺吻了，續道：「其實麗麗姐話今日有個人想介紹下比你識，所以你記得今晚要黎啊。」
永翔沒特別反應，反問：「聽講你升左價，如果我點名要你會不會貴左？」
「小紅」眼神緩緩垂下：「只要係楊哥你點名，我就點都唔會加價……等你喲……」話未完她轉身跑出天台，留下永翔一個。
臨走前，永翔好似見到她滿臉通紅，但應該是錯覺。

因為「她們」不會動真情。