剛進來的光頭男人張士詹哈哈大笑道:「永翔個小子估得唔差,事實十不離八九。」剛才阿士待在隔壁房,透過房裏的竊聽器聽著永翔與龍哥的對話,龍哥知道房裏有竊聽器的存在,是為了以防有敵人入侵基地作監視,但是永翔不知道,更沒想過隔壁有耳。

龍哥依然飲著酒, 但神情非常嚴肅道:「此事當真?」
阿士笑呵呵講出自己觀察得來的消息:「雖然老大你話盧子豹唔會輕易交出自己座城,但係如果佢交比自己個仔呢?成件事就唔同講法啦,又或者個仔……殺左佢?」

龍哥對於這個消息明顯感到錯愕,本來正把酒往口裏送, 手上的動作硬生生停著,酒罐被握緊在半空,他知道士詹的消息一向靈通,龍哥記得盧子豹是單身,不過身邊倒是圍著不少女人,就算有數個子女也不感奇怪,但是很難想像交給自己下一代,畢竟從沒聽過他跟那個女人和子女特別親近。

阿士見到龍哥突然怔著的樣子很想笑, 可是事態嚴重, 他沒法輕鬆大笑, 突然收起嘻皮笑臉的樣子,把香煙扔掉地上一腳踏滅嘆道:「老大,你以為我地既『影子』真係無能到,成個月任何風聲都返唔到黎?有過半數已經被趕盡殺絕,剩下既唔係已經叛變就是逃命隱身,基本上已經沒人留係『鳳城』收風,以個小子的人脈,估計佢既『影子』所剩無幾,就算有都唔可以再通風報信,依加既情況就係甘, 人地有我地牌, 我地無人地牌。」
龍哥感到難以置信反道:「居然迫到我地甘緊?」
阿士摸摸自己的光頭道:「由於作風行為同以前比相差太大, 連個小子都睇得唔對路, 所以一定係換人, 老大你放心, 依加時勢惡劣, 按兵不動係正確, 今日場交打得贏就可以收到好多風......至少可以知道對方的實力如何, 再加上我收風一向準, 好快就有交代比你。」阿士向龍哥道出自己之後的打算:「首先我會查下盧子豹既生死, 呢個消息會直接影響我地之後的行動, 之後睇下『鳳城』由呢個人控制到咩情況同佢既走向。 一星期,一定有消息比你。」


龍哥搖頭道:「太慢,兩日!」
即使只有兩日時間,阿士依然拍心口保證沒問題,正當他要離開時,龍哥突然叫停他拜託道:「阿士, 叫到幾多人返就返啦, 麻煩你。」
阿士聽後感到不可思議,因為龍哥依加記掛那班「影子」的生死。

「影子」是龍哥幫派的臥底,一共有十幾人,全部分散各個敵方的地盤潛伏,而放置在最需要提防的「鳳城」的人最多,而且全部都是龍哥信任的人,沒想到有朝一日會全軍覆沒,有些甚至忘恩負義投靠敵方。

阿士幾乎衝口而出問道:「果班反骨仔你仲要佢地做咩?」但是他什麼也沒說低頭回道:「係,老大。」
龍哥繼續飲酒,外面月光透不過厚厚雲層,路上沒有街燈,伸手不見五指的黑暗彷佛將要吞噬自己整個勢力,他卻若有所思望向窗外,抬頭一飲而盡。
已有 0 人追稿