「手天使的愛情」幫人洩慾，竟愛上盲女。: 11；愛上同永芹煲電話粥。

Jason 口水Jim 光頭Edwin 同我合稱日光光，屋村四人幫，成日一齊踢波，而佢地三個笑吟吟咁捉住我。

Jim：「傾電話呀，溝女？ 」

我：「我同我老母報location得唔得？」

Edwin：「溝女就溝女喇，傾到眉飛色舞，離遠已經見到你喺度 」

Jason：「女係要黎溝咖咩？梗係扑咗先啦。」



Jim：「講起食女，我地Jason真係屋村西門慶黎咖，琴日先見到佢撩樓下賣魚既阿嬸。 」

Edwin：「嘩屌你老母，Jason呢d真係係窿都啱，好得人驚。」

我：「佢地都到未呀，七點啦就黎，仆街，唔係放飛機呀？」

Jim：「有場紙，你驚冇人踢咩on9。」

我：「下次咪book摩士啦，600蚊場紙 」



Edwin：「你條撚樣，識你咁耐，日日都呻窮，我有一次打開你銀包，仆街竟然得張八達通同50蚊。」

每次踢波，一傾起我，球場上就充滿快樂既空氣。

Jim：「喂阿輝，你話你返咩工話？」

我：「家居清潔呀 」

Edwin：「你滷味，返埋d垃圾工，跟我黎做財仔啦。」



Jason：「收爹啦光頭佬，自從你做咗財仔之後，頭髮就離你而去，你連頭髮都保唔住，仲保到邊個呀哈哈哈。 」

Jim：「打撚柒啦Edwin啦」


個一晚，同朋友踢波踢得好開心，小弟我連入3球，我見到對方門將甚至怒啤我添，笑撚死。





唔知點解，一踢完波沖完涼，我就會諗起阿芹，於是我又即刻打俾佢。

我：「Halo，阿芹！」未等佢喂，我已經出聲。



阿芹：「haha，你又打黎啦？」

我：「你咁叻女既？認得我把聲。」

阿芹：「係呀，其實頭先你打黎我已經知道係你。」

我：「我諗到一個笑話講俾你聽呀。」

阿芹：「好呀。」

我：「咁呢有一日喺沙漠，駱駝同仙人掌傾計啦，駱駝問仙人掌係度做乜喇，仙人掌話：我喺度針灸呀。咁仙人掌就問返駱駝佢喺度做乜喇，駱駝話：我係度拔罐呀。」

阿芹：「嘻，幾得意wor，仲有冇?」

我：「鄭成功既媽咪係邊個？」



阿芹：「唔知呀。」

我：「失敗。因為失敗乃成功之母呀。」

阿芹：「哈哈，你邊度收集返黎既笑話黎咖，幾好笑呀。」

我：「上網睇咖……係呢，你食飯未？」

阿芹：「食咗啦，你踢完波啦？」

我：「係呀，返緊屋企。」

阿芹：「你住邊咖？」



我：「大埔。」

阿芹：「真咖？我都係呀。」

我：「不如搵日，我同你一齊去海邊散步？」

阿芹：「你唔驚咩？人地會笑你咖，拖住個睇唔到野既女仔。」

我：「下，有乜問題呀，出黎行下好呀，吹下風，鬼叫我地咁近乜。」

阿芹：「你真係好好人。」

我：「聽日再打俾你。byebye」

阿芹：「好，byebye。」




人與人之間既關係好奇妙，第一眼見到阿芹就覺得佢好好，好想幫佢，好想同佢傾計，因為見到佢，我就諗起我自己，我何嘗唔係單眼佬不過吸引我既原因，都係因為佢生得幾靚，而且感覺佢好好相處

啊，毒撚真係好動情