喺我同阿芹傾緊電話既時候,有個女仔入咗黎,似笑非笑咁對住我打招呼,於是我擺低電話行過去。

我:「你好,你係?」

女仔:「你一定係新黎既輝仔啦

我:「係

女仔:「我係Heidi 我係你同事呀




Heidi?李靜儀定洗米華既老婆 我極速打量眼前呢個Heidi,長頭髮,彌敦道妝容,唔似係淘寶既疑似名牌服裝,波係有d既,著住牛仔褲勉強都叫凸顯到佢對腳既線條既,按照我死黨——食女獸Jason打分既標準,條女都有70分既。


我:「你好呀,師姐

Heidi:「Tiffany佢地呢?走咗? 」

我:「Day off。」



Heidi:「opps,仲諗住俾個surprise佢地添,我返黎冇耐就潛返公司睇下佢地。」

我:「你拎住袋野,係俾佢地?」

Heidi:「係呀,手信呀 係呢,你返咗幾日啦? 」成個大家姐咁關心me,咦,呢個Heidi幾nice wor睇個樣仲以為佢係d臭寸冇禮貌既港女。

我:「四日

Heidi:「慣唔慣呀



我:「OK啦

Heidi:「既然佢地唔喺度,咁我擺低d野,你聽日幫我俾佢地,我走先,我男朋友喺樓下揸住車兜圈 等緊我

我:「好,咁第日再見

Heidi:「唔該。 」


望住Heidi離去既背影,我不禁打咗個冷震。

Heidi=臭閪,係定律黎。Heidi,英文名,粵語諧音:「閪 D」,即係比一般人更加閪,本來原意係指「高貴的 榮耀的」,外國女仔用呢個名係冇乜野,但係香港女仔一開始跟風用呢個名就出事,衍生到叫得Heidi既港女,例牌都係是非精,淫娃。Heidi呢個名仲 cheap過彌敦道上行黎行去既北姑。

Heidi,我人生就遇過幾個。



我以前學校社工就係叫Heidi,成日撩學生講心事,然後轉個頭就篤灰,佢聲稱自己係出身德望女校,搞到我唔單止black list Heidi呢個名,更加black list埋德望呢間八婆學校。

之後轉校,又遇到一個同學叫Heidi,全校聞名既公廁,聽聞就差學校既男職員同我冇同佢搞過,係佢令我知道何為 人盡可夫 一夜夫妻冇手尾跟。

到我後黎識到一個朋友,又係叫Heidi,借完我錢就極速潛水

到前排我先識得一個Heidi,無厘頭幫我搞咗份濕鳩保險



經歷過四個Heidi,再綜合其他朋友認識既Heidi,我總結出,見到Heidi既女仔,一定唔可以對去真心,無論係做朋友定做炮友,都唔可以真心,否則一定會死得好慘

咁個個Heidi擺低兩袋野,我咪是鳩但擺一邊,繼續拎返電話搵我既芹芹

我:「芹芹



芹:「邊個黎咗?」

我:「有個去旅行既同事返咗黎,擺低袋手信。」

芹:「係wor,講起手信,星期日我地見面,你會唔會買手信俾我先?」

我:「嘻 我都冇出trip冇出遠門,點會有手信wor (你係咪想講係定情信物呀)。」

芹:「咁……大埔去葵芳……都算出遠門咖啦,哈哈。」

我:「咁我日日咪都要準備一份手信俾你?

芹:「係……又唔驅呀……」



我:「每日成個音樂盒咁唱歌俾你聽,算唔算係最大既禮物?

芹:「好呀。」

我:「我收工啦,今晚再打俾你啦,芹芹

芹:「好啦,你收工先啦。」


啱啱收線,媽咪就即刻打咗電話黎。

媽咪:「阿仔,今晚返唔返黎食呀?」

我:「我得你一個媽咪,梗係日日返黎陪你食飯啦。



媽咪:「哦,你死啦,我話俾你爹地聽,你冇話陪佢食飯。

我:「唔好搞出人命呀 陣間佢又經濟封鎖我呀,我意思,我梗係日日返黎陪爹地媽咪食飯啦。」

媽咪:「好啦,你快d返黎啦。」

我:「ok。」


自從我有工返,我爹地媽咪餐餐煮好野俾我嘆 真係超級慈父慈母 比起以前我唔返工,我爹地媽咪甚至唔返黎食添,兩個人出去撐檯腳,屋企擺低d即食麵咋


冇一個父母唔希望仔女好

冇一個父母唔希望仔女成材


見到仔女生性,佢地仲開心個仔女,我屋企就係咁,以前我死蛇爛鱔日日訓喺屋企,佢地就日日鬧我,但一見到我有返工,佢地即刻搵到新既樂趣:就係每日等我返屋企食飯,煮好多好野比我食。
已有 0 人追稿