當我第二朝搭住73號巴士去到康樂園,眼前既靚屋令我嘩一聲,仲靚過我既Dream House元朗錦繡花園 間間都係獨立屋,好正,而正當我行入去少少,已經見到芹芹同2個男人企喺度等我。我即刻行快兩步過去。

我:「早晨呀 呀芹 」當然我都有同個兩個男人say hi,佢地都好nice咁同我打招呼

芹芹:「早晨呀,雅輝。」一聽到我把聲,芹芹就笑得好開心。

一男子:「咁拜託你照顧芹芹啦。

另一男子:「去完街,你送佢返黎呢度,或者call我地去接芹芹



我:「唔使,我會搭的士送芹芹返黎。」

而我觀察到個兩位男子,文質彬彬,一睇就知道係高級知識份子,梗係呀住得康樂園,點都高質既

芹芹更加係可愛迷人,著條藍色底色+白色斑點既膨膨裙(我唔知係咪叫膨膨裙,我見台灣d綜藝節目係叫呢d做膨膨裙,但冇蝴蝶姐姐個d咁膨),一件得意長袖,仲有頭髮頂綁住個紫色既蝴蝶結,成個look真係公主咁 同第一次見佢既look出入都好大下


待個兩位男子走遠,我先敢鬼鬼馬馬咁同芹芹傾計。

我:「你知唔知你今日好迷人呀?



芹芹:「係咩?唔知呀,我媽咪幫我set既造型黎。」

我:「咁我會有好大壓力,拖住個如花似玉既女仔出街

芹芹:「記得拖實我

我:「咁支盲公竹擺一邊啦,等我做你既盲公竹啦 我會拖實你。」

芹芹突然紅都面埋,我都知道,毒撚像我,似乎將20幾年儲埋儲埋既甜言蜜語一鋪曬冷,的確會令人招架不住既




我:「我可唔可以摸下你頭髮,你個蝴蝶結好得意

芹芹:「可以

雖然芹芹睇唔到呢個世界,但佢真係好注重自己儀容,頭髮柔順到好似洗頭水廣告個d女明星,冇化妝但皮膚卻好好,如果佢係正常女仔,我諗追求佢既人會從康樂園排到去廣福道



我:「我地今日去海濱公園 」我同芹芹上咗架的士。

芹芹:「好呀。 」

我:「頭先個兩位朋友係邊個黎?



芹芹:「我呀哥

我:「好知識份子feel 書香世家。 」

芹芹:「書香世家就講唔上,但我爹地係大學教授,媽咪係鋼琴教師。 」

唔知點解,越係聽到佢屋企人點勁點叻,我就越係覺得心酸,唉,芹芹本來都應該幸福咖嘛

我:「係wor,食咗野未,我頭先親手整咗d糕點。 」師承我媽咪,我真係識整蘿蔔糕。不過今日個d係我叫我媽咪整定既。

芹芹:「食咗啦,不如我地陣間食啦。你整咗咩糕點呀 」

我:「蒸蘿蔔糕,煎蘿蔔糕。 」



芹芹:「特登整咖? 」

我:「係呀,你點知咖,你好叻呀知道我特登,整俾你食

芹芹:「不如請司機哥哥食一舊啦。 」

的士哥哥的確一直聽緊我地講野,一聽到我地講起佢,佢即刻腼腆咁話唔駛客氣

我:「你走唔甩咖啦,的士哥哥都肯同你分擔,你今日要同我食曬佢,呵呵。

芹芹:「你陪我食啦,我ok既 」呢個時候,芹芹緊緊咁捉住我手臂,好似話我聽,佢好開心



落車後,我扶住芹芹,佢挨住我,一齊去行海邊長廊 呢度的確空氣好好,加上天氣好好。



芹芹:「呢度好靚咖,我以前都黎過,見過。 」我一聽到呢類句子,我都變得好謹慎,好驚講錯野 唔該問既說話我都唔會問。

我:「係wor,你阿哥咁放心將你交俾我,唔驚我好似拐子佬咁拐走你咩

芹芹:「唔驚呀

我:「不如我唱首歌多謝你對我既信任?」

芹芹:「琴日你都冇唱,今日要補多2兩首。 」

我:「我坐在椅子上 看日出復活 我坐在夕陽里 看城市的衰弱

芹芹:「嘩,呢首真係唔識。」



我:「我摘下一片葉子 讓它代替我觀察離開后的變化

我:



曾經 狂奔 舞蹈 貪婪的說話
隨著冷的濕的心腐化
帶不走的 丟不掉的 讓大雨侵蝕吧
讓他推向我在邊界奮不顧身掙扎
如果有一個懷抱勇敢不計代價
別讓我飛 將我溫柔豢養



唔知邊度黎既勇氣,一邊唱歌,手就由攙扶,變成搭住芹芹膊頭,我諗呢d係側身攬掛,毒撚冇拍拖經驗,唔識形容。


我:「

帶不走的丟不掉的讓大雨侵蝕吧
讓它推向我在邊界奮不顧身掙扎
如果有一個世界渾濁的不像話
我會瘋狂的愛上

帶不走的留不下的我全都交付他
讓他捧著我在手掌自由自在揮灑
如果有一個懷抱勇敢不計代價
別讓我飛 將我環繞
原諒我飛 曾經眷戀太陽
原諒我飛 曾經眷戀太陽」


我:「別讓我飛 將我環繞
原諒我飛 曾經眷戀太陽
原諒我飛 曾經眷戀太陽」


良辰美景佳人,夫復何求。
 
已有 0 人追稿