芹芹:「哈哈,你會唔會同其他女仔都講過呢番說話呀? 」

我:「冇呀,以前我習慣收埋呢一句。 芹芹,我收工啦,我飛返屋企先再去佢接你呀。

芹芹:「好呀。 」

約會,約會 諗起芹芹,我成個心都甜到漏。一衝動,就call gogo van 窮撚先搭地鐵巴士咖嘛,我呢d太子爺梗係搭私家車 (講笑)

好一個Gogogo Van,葵芳去大埔都不過半粒鐘,一返到屋企見到媽咪喺廚房忙碌緊。



我:「靚女,整成點?

媽咪:「你返黎啦?湯就差唔多啦,蘿蔔糕就煎返先得。 」

我:「唔好煎,熱氣,你d蘿蔔糕蒸完已經好好味。

媽咪:「哦。做乜叫我煲湯同整蘿蔔糕?好似好急要咁。」

我:「冇呀,拎黎溝女啫,陣間同個女仔散步。



媽咪:「你終於肯踏出第一步啦。 」 嚴格黎講我媽咪係一個中年靚女,唔笑都和藹可親,笑起上黎真係好威力無比,感染王黎,感染身邊既人都會跟住開心。


我:「我諗過咖啦,常言報答父母恩,成家立業最均真。我點都要識女仔手挽手走向婚姻既。

媽咪:「你終於識諗啦,陣間話俾你爹地聽,開心死佢 係呢,個女仔點識咖?」

我:「返工識既。我以前都唔信一見鐘情,自從見到佢,第一眼已經對佢有好感,然後得知佢叫芹芹,呢個名真係好靚,當然佢外貌都幾靚咖。我咪覺得我終於等到我既公主。」

媽咪:「琴琴?」



我:「sorry,我講咗懶音,係芹芹。」

媽咪:「香芹個芹?」

我:「係,呢個字不得了

媽咪:「點解咁講?」

我:「好難一句說話講得清楚,要寫出黎解釋先得,得閒再解釋俾你聽。」

媽咪:「哦。」

我:「如果我幫你搵返黎既新抱,唔啱你心水,你仲會唔會撐我?」.




媽咪:「會呀,只要唔係鬼妹就得。」

我:「你以前情敵係鬼妹黎?

媽咪:「情咩敵,我同你爹地初戀黎。」

我:「唔係呀,我睇電影成日見到初戀會遇到情敵咖wor,然後就是但一個主角KO咗情敵,男女主角先更加恩愛。」

媽咪:「總之我冇遇過啦我係唔多鐘意鬼妹,聽講外國人唔孝順長輩,只顧住自己吃喝玩樂咖。」

我:「文化差異啫。咁我家芹芹唔係鬼妹黎。」

媽咪:「咁就好。」



我:「羅宋湯落咗芹菜未?」我關心地探望煲冧女必備既羅宋湯。

媽咪:「落咗啦,落咗芹菜,羅宋湯先好味咖。」

我:「所以話邊個娶到你真係幸福,我地應該摺埋五金鋪,開個羅宋湯專門店 我地屋企既羅宋湯真係極品黎。」

媽咪:「又賣口乖。」

我:「陣間煲湯我會話係我煲既,唔打字幕特別鳴謝你。」

媽咪:「咁你係咪要我請我食飯。」

我:「我應承你,下世唔做你個仔都要做你條仔,每一世輪迴都換一種方式換一種身份愛你。」

媽咪冇出聲,扮專心切蘿蔔糕,笑得好滿意。



媽咪拎個飯盒pack好一塊塊既蘿蔔糕,用保溫壺裝好d羅宋湯,擺好曬筷子等等餐具,然後擺落適合外帶既袋入面。

我:「唔駛碗啦,我同芹芹共飲一壺湯。 」

媽咪:「哦。 咁你今晚成功與否,記得whatsapp通知我wor。」

我:「 好,聽日就結婚,聽晚就洞房生bb,一定通知你呀。」

我當然唔會同媽咪講,我已經同芹芹互相表白咗。

而我拎住呢份物輕情意重既禮物,就落樓去等的士入康樂園,點知咁都俾我撞到阿Jim拖住個女仔喺度行街,我即刻同佢打招呼,條女就喺度睇緊金飾,阿Jim就行埋黎我度。

Jim:「喂,撚樣,乜咁啱呀?」



我:「廣福道你玩撚曬呀?家陣我就黎插支旗,點呀?」

Jim:「我女朋友,點唔點,大唔大波先?

我:「每次見到你條新菜,我先知你同舊菜散咗

Jim:「挑,我靚仔Jim溝完即食,食完即飛咖啦。呢條新菜,真係好好砌。」

我:「係lor,乜咁純愛feel呀,繞住廣福道行街,你唔係好鐘意帶女仔繞住九龍塘酒店兜一圈再去爆房咖咩?」

Jim:「爆乜房,我屋企大把位,廚房搞到入雜物房都得。 係呢,你拎住野趕住去邊?」

我:「冇,約咗陳浩南大飛講數呀,立埋十幾個菠蘿,諗住炸鳩佢地。」

Jim:「認真呀!」

我:「拯救地球呀,約咗班ET喺後山開拖。

呢個時候,阿Jim條女行埋黎。

我:「阿嫂!」

阿Jim女:「Hi

我:「阿Jim係我大佬,有乜差遣即管我同我講。」

阿jim醒水,驚我亂講野,即刻拖條女走,然後回頭作裝想打我

而我截到的士,開往康樂園 好開心呀
 
已有 0 人追稿